castanopsis 發表於 2023-4-15 20:59
2/6重新定位大方向係ok，但你搞到件事複雜咗
見到你為咗解決2/6對調總站之後，盈暉臺青山道流水個漏洞，搞 ...
先感謝回覆。
2/6 調位，揀 46 補位最主要原因係收費，以及未到蘇屋果段青山道，其實點都要補返架尖沙咀車。
6C 本身都仲係漏左近甘泉街的頭段。而且荔枝角冇位泊 6C，踢走 6 會令尖沙咀返盈暉臺加價甚至真空。盈暉臺落青山道亦都冇可能要硬食 $6.2。所以 46 係唯一選擇。
本身 2/6/46 亦都可以單獨做左先，因為呢個重組單獨睇已經係慳車重組。2 減 2 部，6 減 6 部，46 加 3 部，合共減 5 部車。我諗冇其他任何重組可以用咁低成本就解決到荔景山 20 分鐘一班出長深荔旺角的問題。因為實際上只係開返 2 同 6 的班次，但係半條 2 用左去荔景山，變相荔景山用 2 部車，就有 20 分鐘一班穩定班次出長深荔旺。
到時 46 夠密車，先至取消 45 換新 18 比何文田，換 40B 比荔景山都仲得。
2/6 已經好複雜，盡可能都唔想拉埋 6C 甚至 2A 落水，製造更多問題。
至於 45/18/241X，好取決於大家的態度分別。
我主張用最少資源由得廢線自生自滅，冇客區比基本服務，盡可能減少成本，輸少當贏，留車去做更有潛力的市場或者請少幾個車長。
你就主張改善舊區服務，串連唔同區域搵新客。
所以 241X 係用來做社會責任，如果有客用佢來往大角咀南昌同青衣，其實已經賺左。
46 入青山道係慢，要快就去搭鐵，放棄荔景山，用 2 部車去搪塞。
反而獨立左 18 比何文田，令佢地上返 20 分鐘一班來往深長荔，亦都唔駛再睇荔景山臉色，想特快又得，想做返太子又得，對何文田絕對係進步。建議入面係最保守方案，南行有 E21AB 做替代可以安心飛公主道，順手加價做特快，班次穩定又快，深水埗返何文田的客肯定返晒黎。北行去始創冇 $7.3 替代，所以保守建議行返旺角，但因為 18 獨立左，唔駛理荔景山，其實何文田有 100% 話語權，冇人反對的話絕對可以飛太子道西天橋。
KW2523 發表於 2023-4-15 23:58
點焗俾法, 唔通九巴請咗刀手, 一落樓就脅持何文田居民去搭45?
北面行落山有$5.5嘅793, 南面落地底$5.6
唔 ...
係，其實寫建議係要考慮埋九公的利益，冇誘因佢唔會做重組，同埋以九公想盡辦法 upgrade 乘客的取態，呢個建議會幾啱佢口味，同時令 18 蝕少好多，有利可圖，自然就會改善服務，好似 17 咁。建議只係最保守方案。
至於 46 太疏的問題，其實 20 分鐘一班已經密左，本身 46 開 30 兼佐敦止步仲要入上海街。如果你話同 45 夾班次本身有 15，但考慮回程一條 20 分一班點都好過兩條唔夾的 30 分一班，所以就係一個平衡點。而且 2 同 46 尖碼夾左聯合 10 分鐘一班車去青山道，對乘客而言，服務水平同現時 6 係冇分別。
2076 發表於 2023-4-16 10:33
係，其實寫建議係要考慮埋九公的利益，冇誘因佢唔會做重組，同埋以九公想盡辦法 upgrade 乘客的取態，呢 ...
單純傾向巴士公司並唔係做啱件事，一條單向8公里左右仲要有6C比較嘅時候，$7.3可稱為新一代豪華巴士線
要何文田落長深荔收得比紅土貴，拉33A上何文田一了百了
其實新18有冇可能拉入葵興站？
本帖最後由 KW2523 於 2023-4-16 16:02 編輯
1181174166 發表於 2023-4-16 08:06
咁唔使開18啦，畀$14都得架，唔畀咪行下囉
即係老強開就繼續老強，唔想被老強就唔好喺嗰度出現咁話？
唔 ...
自己唔用嘅嘢又要求要有
呢啲咪浪費資源
唔駛行值得俾2蚊差價唔代表值得俾9蚊
無限加價當然唔合理
但而家都係俾開咁嘅價, 根本就冇加過
對於9成用家而言只不過係換咗個number
再唔係嘅, 按閣下提出咁拉33A上何文田一樣得
不過葵涌嗰邊就真係加咗價了
本帖最後由 1181174166 於 2023-4-16 16:34 編輯
KW2523 發表於 2023-4-16 15:43
自己唔用嘅嘢又要求要有
呢啲咪浪費資源
唔用呀，你條線大幅縮短仲收我$7.3？
我唔用，但係你架車要去遠咗收$7.3吹你唔漲，而家縮到得返甘泉街，仲要唔係九碼開而係愛民起步，明顯比市區其他路線收費高出好多
依家用家畀緊，咁有需要嘅人呢?行咗落山咁解但唔係唔存在
如果依家做法係存在，係咪唔需要改變?黨鐵收開幕門附加費大家接受咗係咪唔使減?
2076 發表於 2023-4-16 10:25
先感謝回覆。
2/6 調位，揀 46 補位最主要原因係收費，以及未到蘇屋果段青山道，其實點都要補返架尖沙咀 ...
未到蘇屋，荔枝角站個段青山道，同長沙灣道只係隔一個街口
落尖沙咀本身有234X/35A，唔使特登補
更何況呢段落尖沙咀既客量，應該仲少過 何文田<>荔景山
盈暉臺<>青山道，用6C補效果明顯好過46
至少班次keep到10-15分鐘一班
你宜家用46直落20，仲要總站變中途站，非常唔理想
我幾肯定班居民寧願單向貴8毫，都會想班次維持返10-15
真係要價錢不變既，6C回程深水埗分段減返8毫俾你，已經搞掂
盈暉臺出尖沙咀又係non-issue
6由頭坐到尾既客，幾肯定少過 何文田<>荔景山
既然後者大家都覺得可以用轉乘補，呢個唔會係問題
而我始終覺得盈暉臺最需要既，係一條類似701既線，飛西廊俾人去旺角買餸/生活用品
46改特快，係好過做流水
另外青山道/蘇屋出彌敦道，46/2兩條線都開20太離譜
呢班客本身主要搭緊6，講緊一條線全日8-10
九巴前排先幫6落完廣告，吸引唔少遊客搭佢來往 黃金<>旺角<>佐敦<>天星
你拆做2/46，班次0-20咁來，點等？
（亦因為咁，其實蘇屋果條應該叫6，荔枝角道個條應該叫2）
然後241X
明明有短既18做緊社會責任，你搵條長既做返同一樣嘢，未免浪費資源
241X無論係學100兄建議改做九龍塘線，定做尖沙咀紅土特快，都諗得過
但食咗18就代表永世都留喺大角咀唔知做乜
我同意荔景山同何文田唔應該綁埋一齊
但我覺得可以下一個階段先做
宜家做咗 2/6/2A/6C微調 同 45飛走旺角/46變46C 兩組重組先，已經至少解決好多問題
castanopsis 發表於 2023-4-18 10:21
未到蘇屋，荔枝角站個段青山道，同長沙灣道只係隔一個街口
落尖沙咀本身有234X/35A，唔使特登補
更何況呢 ...
我會覺得殺45堆一半車落46，一半落何文田重組返長深荔嘅線就可以
46C loop咗咁耐客嘅基數唔夠，而荔景去長深荔兩條線又唔係咁過份（而42又停少幾個站）
1181174166 發表於 2023-4-16 10:58
單純傾向巴士公司並唔係做啱件事，一條單向8公里左右仲要有6C比較嘅時候，$7.3可稱為新一代豪華巴士線
要 ...
新 18 叫做係市區特快，去何文田方向，深水埗下一站就係何文田總站，收貴少少其實都有誘因支持。如果同 33A 合併，一來何文田冇總站位，二來來回都仲係要經旺角，其實對何文田更加冇著數。
如果話要留旺角平車，假設 241X 加唔到雙向分段，其實 18 去長沙灣方向，由何文田總站開始收返 $5.2 都未必唔得，來回深水埗拉勻就 $6.2。
收費可以再研究，走線問題反而仲更加重要。
1181174166 發表於 2023-4-16 10:58
單純傾向巴士公司並唔係做啱件事，一條單向8公里左右仲要有6C比較嘅時候，$7.3可稱為新一代豪華巴士線
要 ...
新 18 叫做係市區特快，去何文田方向，深水埗下一站就係何文田總站，收貴少少其實都有誘因支持。如果同 33A 合併，一來何文田冇總山站位，二來來回都仲係要經旺角，其實對何文田更加冇著數。
如果話要留旺角平車，假設 241X 加唔到雙向分段，其實 18 去長沙灣方向，由何文田總站開始收返 $5.2 都未必唔得，來回深水埗拉勻就 $6.2。
收費可以再研究，走線問題反而仲更加重要。