948狀況再度更新 (11月)
事原早前9月同10月出現五次948貨運班次,引起了島民、街坊吹水會、隧巴948服務關注組、乜島、01、甩線、獨妹嘅關注,
上月有常客發現到, 曾經有懷疑記者喺老銅中環等大站影相,
同一時間, 呢期多咗好多乘客加入關注組報料948唔夠載嘅情況, 將唔夠載班次一次過放上水面,
即使出現中上環隧道口大規模飛站, 都似乎趕唔走班客,
乘客繼續硬食之餘, 明顯多咗非留意開交通嘅乘客討論948服務不足問題
先針對夜後唔夠載情況, 城巴方面已由即日起, 將2150周五限定班次改為周一至五全面服務,
換言之2120-2200中間開足10分, 聽聞加班車收視唔差, 可能同年尾效應有關
但2200-2300時段仍有個別班次達到超過120個拍卡紀錄, 冇咁火爆嘅班次都有80人,
比平時大西北960 968非繁時段更為厲害
早上方面, 948X頭車都出現頂閘情況, 948P加班後都出現青怡一帶已經上滿加企幾個,
不過, 著眼點在於948A同B與948交接時段, 已多次有人反映唔夠載情況, 尾站乘客不保證能夠登車,
可能要再落中途起載加班車先可以達到清客作用
948E早上首班車未能登車情況一直惡化, 從南橋CCTV見到, 尾站有記載幾次留後情況,
頭車客量平均維持120-130水平, 已達血壓偏高情況, 比幾個月前明顯惡化,
但有人就話血壓偏高係有機會同行車緩慢有關, 可以自己調節, 情況其實同鬥氣有關,
也有人謂同長宏總站擠塞有關, 主力企位乘客為青南-港東高端人口
最火爆嘅, 莫過於1713果班由56長工時兼職駕駛嘅九巴 (唔關車手事, 呢處只係話畀業界人士聽exactly邊一班車),
呢班客量在過去3星期高居不下, 多次達到140-150水平, 乘客即使行到入一入, 都係無補於事
留後數字屢創新高, 最新數字達到留後超過45人, 五點四一走車, 平均候車時間最少20分鐘以上,
尾兩站更加等40分鐘都未必上到, 永吉街已經起飛,
而50幾條線嘅熱線中心也收到膘使用者多次落投訴反映不滿
而假日班次亦出現大規模留後, 自從前新巴(城巴)加插0840短棍清客,
只係頭痛醫頭, 腳痛醫唔到腳, 往後廿分一班時段都一直爆到午時,
而且客路好奇怪, 唔只青南出到客, 長發同山下面都坐得爆所有座位, 都咪話唔誇張,
將山下狗也不搭948嘅概念一掃而空, 甘願同你兜足廿分鐘出島
青衣南垃圾筒字條睇到, 有人想捉鬼, 睇睇係咪有爆料成份,
事實上, 加班車加到十幾班都咁爆, 而家更為激活乘客去試你948係咪出問題,
服務做得差到眾所周知, 問題應該要從根原處理,
西九政府合署係時間要協調時段問題
而現屆區議會任期已結束, 淪為做騷階段, 不理也罷...
不過網上啲"聲音"多數都只係停留喺唔畀行李客上車就無事嘅層次，好少識得去諗可以藉住呢個機會解決拖咗好多年嘅948加班問題 只能說，山上係怕左東涌線服務 2150 嗰班車加咗都一段時間了
而家下繁最大問題係，齋睇一個時段內開車嘅數量，其實係夠載哂班客，最大問題係班次不均，十幾分鐘冇車跟住嚟幾班，咁玩法開架 A380 都實企車頂啦。呢個問題嘅原因有唔少，天后總站冇位、前車多客後車少客嘅惡性循環、聯營冇得玩 424、鬥氣式加班車冇效率等等。
至於青衣班運輸官做緊啲乜，就要由其他版友補充。 一條收視好，同鐵唔重疊既西隧線
服務竟然咁多年都供不應求
真係良政善治;P 想知道今年RPP話要加時的planning找左數沒;P FBI2 發表於 2023-11-1 09:39
只能說，山上係怕左東涌線服務
坦白，948喺青衣區內嘅行車路線都算遠離東涌綫，有大量客源都真係好正常。
只係西九龍班高官一相情願，係都要班客搭東涌綫姐...
長遠係咁落去不如全日南北拆線營運仲好(不過呢D又係拗到永無寧日既話題黎) 948剩係表列加班咁耐都做唔到東鐵過海又唔加運吉都企得硬 horivhyc 發表於 2023-11-1 10:27
長遠係咁落去不如全日南北拆線營運仲好(不過呢D又係拗到永無寧日既話題黎) ...
然後又會有人話涌美無車搭。;P
但明明出西九龍咪一樣得42A同44……