有關290系一問
目前290系有唔少線，當中290 290A 290X做全日，但係成個系列嘅線喺荃葵一帶同路，做唔到個區嘅分流，而且290系嘅流水客好似仲多過來往將軍澳區同荃葵嘅客，所以想問吓係咪真係有必要成個系列喺荃葵同路（例如290X改行沙咀道/楊屋道一帶）？ 290系本身車程長, 沙咀道又多燈位易塞, 楊屋道覆蓋唔到中心地帶,行大河道﹑青山公路及葵涌道係最能夠用最少既行車時間服務人流較多既荃灣及葵涌地區! 290先處理亂開車問題，5分鐘內三條都開，下班20分鐘 沙咀道、楊屋道行車速度冇大路咁高，290 系行車時間本來已經好趕，仲走入去，要加車喎。更何況行返出千色店、眾安街嗰頭都唔係咁遠啫。 tommy14D 發表於 2024-5-24 14:25
290先處理亂開車問題，5分鐘內三條都開，下班20分鐘
其實3條線係東九龍既客源根本唔同, 一唔一齊開都冇分別, 除左黃大仙﹑彩虹﹑彩雲!而且沿途都易有塞車問題, 為左追時間都被逼一齊開車!
290: 主要係做荃葵青區去寶達﹑康盛﹑翠林﹑寶琳﹑坑口既客
290A: 主要係做荃葵青區去四順﹑秀茂坪, 以及四順﹑秀茂坪來往大半個將軍澳區
290X: 主要係做荃葵青區去安泰﹑安達, 以及安達臣去將軍澳南﹑康城
至於康城﹑調景嶺﹑將軍澳站一帶去荃葵青區比較少人搭290系, 因為車程慢過鐵路
290系分開咁多條線係因分別服務將軍澳及觀塘唔同地區，而唔係荃灣唔同地區 290系各自都疏，分一條行小路再轉車客未必受
而家荃葵走線除咗葵芳東行站位唔就腳之外，無乜問題 deal5354 發表於 2024-5-24 14:40
其實3條線係東九龍既客源根本唔同, 一唔一齊開都冇分別, 除左黃大仙﹑彩虹﹑彩雲!而且沿途都易有塞車問題 ...
雖說成事可能較低, 調教到黃大仙每10分鐘左右一車就好完美了
而家夜晚西行非繁三架
好鍾意前後腳五分鐘內到黃大仙廟, 然後等20先黎下三架
dubbies 發表於 2024-5-24 16:15
雖說成事可能較低, 調教到黃大仙每10分鐘左右一車就好完美了
而家夜晚西行非繁三架
好鍾意前後腳五分鐘內 ...
冇計, 290同290A係彩明同荃灣西開係各20分鐘一班, 有夾個聯合班次為10分鐘一班,
但290A要經秀茂坪同四順區慢大約10分鐘, 西行去到彩雲﹑ 東行就去到寶達就多數前後腳到站......
至於290X就因為將軍澳站既燈位搞到成日遲!
deal5354 發表於 2024-5-24 16:30
冇計, 290同290A係彩明同荃灣西開係各20分鐘一班, 有夾個聯合班次為10分鐘一班,
但290A要經秀茂坪同四順 ...
自從290A加停龍翔官中同永光書院，等多10分鐘搭290有時仲快