天空之神 發表於 2024-7-8 17:10
你都係Italk咁多年都無理由唔知地區投訴 99 愈兜愈慢愈趕客
實在唔適合再入埋怡和街
99 問題係而家咁樣彈出彈入，都已經趕走左唔少鴨島直達東區客落去 MTR，耀東客又用唔到，倒不如入埋 sogo，做返好利東去銅鑼灣的客仔，再加埋用耀東客補返後段跌左的客仔，換 77 再提速，既可減車，亦可以搵新客。堅拿道西一站直達 QB，以及上耀東快車而言，分分鐘搶得返 MTR 客仔，亦都可以 upgrade 部分耀東客由 2A 轉投。
kay 發表於 2024-7-8 17:35
但下繁77A同樣交唔到功課
33X兜個大圈食埋屎
38 42 條特快係 33X 多過 77A 77X 吧，咁 33X 客數唔夠回車唔快冇信心都唔出奇。
下繁 77A 單獨一班，行清風街天橋出，塞怡東油站都唔係必然快過 77，冇客死等或者特登就時間好正常了。
77 東行提速單靠南區去 QB 打後就當然唔夠客，但睇埋堅拿道西新站位，最大誘因係做鵝頸橋去 QB 特快，QB MTR 站本身唔太方便，時代廣場 A 出口又要行長通道，77 一站直達北角消防局係相當有競爭力。99 現時冇人堅拿道西等佢，因為佢疏車又唔快，變相其實係好浪費。
cky 發表於 2024-7-8 21:40
堅拿道西果箇個咁嘅死位
要同 789 以及一堆過海線爭位
條路又窄又焗
789 又真係出到客，明明本身已經有 8P 的情況下，時代廣場去柴小都係首選 789。
而家堅拿道西得 99 單吊而且維園就入返電車路慢碌，就當然冇人走去果度上車，99 果個站就變相係落客專用。但 99 踢返入 SOGO，除了利東方便左之外，放一條冇銅鑼灣至北角包袱的 77 去飛東廊，到時堅拿道西去 QB 太古 耀東 有 77 呢條類似 789 的特快，就會有新客，至少果頭坐鐵都唔算方便，時代 A 出口根本唔方便，而且之前都好多東區版友都有提出過 722A 的概念，而家唔駛加車就可以有少少 789 咁的效果，都叫做幫到東區居民。
Waiyin12 發表於 2024-7-10 05:29
如果參考對面海做法，我覺得當初殺 96 而唔拉 99 入銅鑼灣都可以，大可以去香港仔隧道轉車，當 38 72 72A ...
西行有田灣問題，田灣東行可以行出田灣街，但回程 38 個站位太遠，又冇得坐 72 的情況下，77 西行都冇改快的空間。
2015 RDP 其實提出過一個好類似的 77 提速方案，如果當年剩係建議做東行特快，可能已經過左。(當年反對的理由係希慎冇車返田灣)
本帖最後由 2076 於 2024-7-11 11:08 編輯
James116 發表於 2024-7-10 22:20
同埋， 堅拿道西分段收$7.4係咩事
789直接返柴灣都係收7.4
北角落橋嘅又收7.4？？
$7.4 係參考 X8 特快價，以免早繁堅拿道西落 QB 收少左錢。雖然 77 唔到柴小，但出面 2X 都已經收 $7.1，比多 $0.3 唔駛轉車上耀東，而 MTR 亦都收 $7.4 由銅鑼灣返太古打後。當然，呢個只係建議票價，有討論空間。居民就當然想平，城巴就想連分段都唔比，所以點樣拎平衡就要討論下。
至於 1 部車，就係因為 77 提速慳左 15 分鐘車程。本身 99 疏過 77 少少，但我預期 77 會分流走馬師道本身排 2A / 77 的乘客，所以就冇加返落去 99。重組後減到車，亦都係比巴士公司一個誘因去推動重組。東區居民有快車返 QB，城巴又慳到車，大家都開心。
本帖最後由 106116_1023 於 2024-7-11 13:12 編輯
2076 發表於 2024-7-11 11:05
$7.4 係參考 X8 特快價，以免早繁堅拿道西落 QB 收少左錢。雖然 77 唔到柴小，但出面 2X 都已經收 $7.1， ...
X8 $7.4係用跑馬地至柴小做基礎，並非銅鑼灣至筲箕灣，佢本身用銅柴價做鰂太西筲客已經好有利，所以無參考價值，2X同8/8P都唔同。
如果下下都話比多$X.X唔駛轉車上XX，咁可能助長日後去筲箕灣/去耀東車費有別，唔好開壞先例。
如果你話坐鐵銅鑼灣返太古打後都係7.4，但銅鑼灣返QB只係5.9，你想大家開心咁應該至少取個平均。
至於建議整體，我覺得77X咁多年都係得兩班無加過，係咪咁有迫切要一下子變快，需求成疑，仲無端端減車，99又唔加番
你話換77提速，但sogo客先係最多，sogo客係唔會專登走去堅拿道西上車，作用唔大
77可以用大車要幫2A sogo客，99得11.3米變尚削服
如果99重回怡和街，雖然要經利東，但唔排除借D耳有個理由減592東行夜班甚至夜合
我唔係唔同意有銅鰂耀快車，但唔好拖南區線落水，站位要方便同有合理收費。
cky 發表於 2024-7-8 21:40
堅拿道西果箇個咁嘅死位
要同 789 以及一堆過海線爭位
條路又窄又焗
呢個堅係，果個位本身人流多行過都要窄身避
又唔係平，除非有789一樣既班次，否則2A/現77/寧遠2X轉車/鐵比較實際
同意77提速堅拿道上東廊鰂魚涌落，99號行怡和街，雙勝方案，無論對南區，灣仔，鰂魚涌，耀東等，都有利。
2076 發表於 2024-7-11 10:59
西行有田灣問題，田灣東行可以行出田灣街，但回程 38 個站位太遠，又冇得坐 72 的情況下，77 西行都冇改 ...
唔知有無記錯
好似係77健康邨上落橋
踢人坐返38/42
99就不上耀興東
咁過唔到都好正常
LAK2 發表於 2024-7-11 16:19
唔知有無記錯
好似係77健康邨上落橋
踢人坐返38/42
77 改快係 2015-16 RDP 內容。
當年方案係 77 東行香隧之後飛橋，糖水道落橋跟 18X 轉返出電車路，西行就清風街天橋出，99 沒有改動，換言之 SOGO 返耀東得返 2A 單飛，咁耀東同田灣齊齊反對就真係好正常。
今時今日，99 已經比人拉慢，仲要同鐵正面對決，東行 99 本身就要塞香隧，贏面已經唔高。另一方面，2A 班次已經嚴重不足，77 / 99 唔可以飛走晒 SOGO。加上近年流行轉車站概念，77 加快變相有實際作用，而且 99 食左 96，其實係一個時機去推行 77 東行改快。
糖水道落橋今時今日已經不合時宜，渣華道多燈又塞車，而北角碼頭總站亦都向東搬左少少，變相 77 直落北角消防局都唔會有空位做唔到。另一方面，城巴都建議過 260 99 629 用堅拿道西巴士站去搵新客，唔再直飛堅拿道天橋。77 只做南區來往東區當然唔夠客，但停堅拿道西做多一水銅鑼灣西直達 QB 太古耀東特快，成件事就唔同左。