本帖最後由 Man@MFHK 於 2025-8-6 00:42 編輯
Toz 發表於 2025-8-5 22:27
你估下康城去中環點去快？
成個問題係唔應該接駁小西灣
康城、將軍澳、調景嶺、油塘、鰂魚涌、北角、炮台山、天后、銅鑼灣、灣仔、金鐘、中環
康城、137、小西灣、柴灣、耀東、鰂魚涌、北角、會展、香港
少幾個站仲要一線直達喎，點會慢過將軍澳線轉港島線？
本帖最後由 hellomato 於 2025-8-6 16:38 編輯
查實康城嘅月台位置應該算地面？（跟將軍澳車廠同一水平）
咁嘅話直接拉將軍澳線跨海落137區似乎係mission impossible（出站不久就會撞跨海橋）
我估更大機會係變第三條雲巴——從康城去137去直線已經有3公里（vs啟德輕軌3.5km）
大致沿環保大道直落，中間工業村加站，加埋應該夠做
另一邊可以屈返上百勝角，做消防學院和中醫院之後就睇將軍澳線係咪要全天候2+1落港島。
假如之後想從137區直接過海，其實值得考慮開辦渡輪，至少開去北角，
應該比如今去將軍澳海濱梯台往返西灣河嗰條好用。
Man@MFHK 發表於 2025-8-6 00:40
康城、將軍澳、調景嶺、油塘、鰂魚涌、北角、炮台山、天后、銅鑼灣、灣仔、金鐘、中環
康城、137、小西灣 ...
少幾個站就會快左係點計出黎？
唔好計康城加137區，你覺得東區客量支唔支持到兩條東西平行鐵路線？
hellomato 發表於 2025-8-6 16:26
查實康城嘅月台位置應該算地面？（跟將軍澳車廠同一水平）
咁嘅話直接拉將軍澳線跨海落137區似乎係mission...
係要填海起隧道入口，之後全海底／地底
本帖最後由 Toz 於 2025-8-6 20:54 編輯
Man@MFHK 發表於 2025-8-6 00:40
康城、將軍澳、調景嶺、油塘、鰂魚涌、北角、炮台山、天后、銅鑼灣、灣仔、金鐘、中環
康城、137、小西灣 ...
即係咁，康城去到北角可以轉北港島線（換線方案），或唔洗轉（交匯方案）
你格硬食左北港島線黎FF，係咪有少少侮辱智商，港島線將軍澳線邊一條會少客過你果條？點解唔係你果條線轉車呢？
仲有香港站要行去中環又要幾耐呢？
其實你可以計將線轉觀塘線再轉荃灣線去中環tim
本帖最後由 Toz 於 2025-8-6 21:12 編輯
TYChow 發表於 2025-8-3 20:51
絕不適宜將 Lantau Line 或者 Junk Bay Line 咁樣延長，或者駁埋一齊。
因為將軍澳（加上137區）往來小西 ...
將軍澳要過海，係應該起黎比車行（或者其實天橋係技術上更實際）
海防博物館飛天橋去魔鬼山，再分叉去油塘同調景嶺
將將軍澳-港島北車流從東隧-將隧/將藍抽走，將油隧道都可以慳返
當然，你話會唔會有環保組織反對，就難講
如果要起隧道，要避開水勁深既鯉魚門，可能要填左柴灣碼頭區，永泰道駁佛堂州，但對比東隧優勢幾乎係零
或者唔好諗將軍澳直接過海，係東隧入口起多條去太古城去西灣河或者太古城
eternalflame 發表於 2025-8-4 15:48
工聯會咁多年都係得啖笑，成個scheme根本就行唔通
1. 小西灣起到密密麻麻，邊有位爆個站出黎
2. RDS-2014有 ...
要起總有辦法，柴灣站末端越線路軌呈西南偏南走向，要轉彎至連城道旁山坡係可行（衹係微「 ( 」型），衹需拆除興華廣場東面一小部份（毋須拆住宅大廈，建議同時喺平台加建多兩層商場以彌補商舖樓面損失），環翠邨西面一段以全石屎罩式建造（類似葵興至葵芳段，杜絕所產生行車噪音影響民居），穿過墳場下面後到達富怡道地底嘅小西灣總站。
newlife 發表於 2025-8-7 00:47
要起總有辦法，柴灣站末端越線路軌呈西南偏南走向，要轉彎至連城道旁山坡係可行（衹係微「 ( 」型），衹 ...
你可以開返Streetview又或者變返3D mode去睇下得唔得
連城道係上斜，即係你條尾軌延伸後需要拆左部份興華商場同行人天橋之後立即爬升
成條地鐵橋同美華樓、福翠樓及仁樂大廈基座相距唔夠5米
除左噪音之外似乎無兼顧列車行駛震動及低層住戶嘅日照權
就算俾你拐到個彎入山，個curve radius都唔知有無250米
加埋要爬升上山列車限速會好低
仲未計算隧道出入口、通風樓，興建時拆樓及臨時封路安排
亦未計算拆遷帶來額外成本，財務可行性非常低
Toz 發表於 2025-8-6 21:03
將軍澳要過海，係應該起黎比車行（或者其實天橋係技術上更實際）
海防博物館飛天橋去魔鬼山，再分叉去油塘 ...
依家賣海都無乜阻滯
連保護維港協會都解散
有國安就咩問題都唔係問題
eternalflame 發表於 2025-8-6 18:43
係要填海起隧道入口，之後全海底／地底
印象中，康城站月台應該係跟出面路面，i.e. 康城路、環保大道、環澳路等最低平路嗰段係一個level，而不是入咗地底。而且康城站月台上大堂條梯唔算長，接住B出口入The LOHAS已經係商場2樓（再上電梯3樓先見到商店）
即係話，用返現有康城站接住起，一出應該就係係將軍澳海邊嘅地面（大概係舊A出口咁上下位置）
跟住要即刻轉彎落137區，真係要想清楚呢個轉彎半徑要幾大（填海面積隨之上升），同埋make sure唔會撞跨海大橋。
所以推測到最後，呢條南延線係有機會改為獨立雲巴接駁線之類嘅物體——至少可以唔使填海就整到出來。