本帖最後由 Toz 於 2025-8-16 00:09 編輯
eternalflame 發表於 2025-8-15 00:16
無解，以現時經濟狀況我覺得入地好難
除非係第三者玩BOT幫手出晒資
咁咪玩返巴士，整好D 路咪得
本來係高密度發展區起鐵路就係貴，幾時都咁貴，港鐵之前估算過西港島線投資回報率係1%多Ｄ，七十年先回本，比無風險利率仲要低一大截
以前起地鐵都唔平，如果香港八十年代唔係瘋狂通漲比地鐵有足夠大既加價空間，地鐵分分鐘息都唔夠還
Toz 發表於 2025-8-8 21:41
137區同小西灣位置係發展區邊緣，香港東部又唔會有乜發展，甚至深圳都唔會點發展大鵬半島，無辦法
就算要 ...
唔知點解要拉埋大鵬嚟講
想講幾點
1. 如果唔諗住大搞大鵬半島，咁成立大鵬新區做乜？
2. Legoland已經落戶大鵬半島
3. 深惠城際大鵬支綫會起到大鵬新大
4. 計埋廣義嘅大鵬新區，葵涌已經大興土木，除咗大鵬支綫仲有地鐵32號綫
5. 32號綫沿綫已經有城市更新項目
6. 比亞迪響葵涌有唔少嘢
Toz 發表於 2025-8-16 00:05
港鐵入黃埔，212殺左, 30X 少左好多客, 8A基本死亡, 8P 等緊死, 過海線大減班
至於利東同海怡半島，唔該 ...
所以？
如果以我FF嘅走線以東涌線延長做北港島線再經小西灣拉到去137、康城，788、694可以殺，A28康城收視直接歸零？
本帖最後由 Toz 於 2025-8-17 06:43 編輯
Man@MFHK 發表於 2025-8-17 02:37
所以？
如果以我FF嘅走線以東涌線延長做北港島線再經小西灣拉到去137、康城，788、694可以殺，A28康城收視 ...
你條線唔夠巴士快，亦唔夠其他線快呀天才，唔該你諗清楚你條線同平行路線比有乜優勢
即係沙田站過海去中環有無人去轉屯馬線呀？
本帖最後由 Toz 於 2025-8-17 06:38 編輯
jpoon 發表於 2025-8-16 03:20
唔知點解要拉埋大鵬嚟講
想講幾點
1. 如果唔諗住大搞大鵬半島，咁成立大鵬新區做乜？
大鵬新區係發展旅遊業，宜家人口得十幾萬，等於西貢區唔要將軍澳，你覺得點解無跨境鐵路直去西貢市中心？
Toz 發表於 2025-8-17 06:31
你條線唔夠巴士快，亦唔夠其他線快呀天才，唔該你諗清楚你條線同平行路線比有乜優勢
即係沙田站過海去中 ...
你正正道出重點：如果沙田站去中環屯馬線快唔過東鐵就唔使駁埋屯馬線？
鐵路既可以分流亦可以擴展客源，而且你亦無足夠證據證明我FF條鐵慢過巴士。
694官方時間調景嶺人要坐一粒鐘先到小西灣，我條FF鐵路轉埋線都肯定唔使半粒鐘。
A28更加唔使講，我條FF鐵路康城人坐到青衣轉機鐵架A28落到老龍未？
788好似好快，但上到東廊就算路路順通頂盡都係行70km/h，地底嘅朋友行緊80km/h或以上(東涌線列車極速>135km/h)又比現有港島線停少幾個站，你點解會覺得條鐵唔夠巴士快？
本帖最後由 Toz 於 2025-8-19 19:34 編輯
Man@MFHK 發表於 2025-8-19 18:02
你正正道出重點：如果沙田站去中環屯馬線快唔過東鐵就唔使駁埋屯馬線？
鐵路既可以分流亦可以擴展客源， ...
調景嶺一日有無一百人去小西灣?
屯馬線分流作用唔算好大，但最少河東去九龍未必會係大圍轉，你果條鐵係零分流作用
如果康城去機場需求大到一條中型鐵路既十分一，就會有車行跨灣大橋到將藍再經中九幹去西九龍公路，拉埋康翠坑寶做15/20，你條鐵點鬥？東涌線係咪直去機場呀？如果無呢個需求，連巴士都要做埋其他區加埋老龍先去機場，即係一日都只係得果一兩百個客，你搞條鐵黎托
退一步講，康城經將線去北角轉車肯定比搭你條鐵快，你果條二奶線，係北角只能停到山邊，轉乘距離分分鐘大過香港去中環站，點玩？你唔會FF 你條線可以搶到現時將線個位掛? 晨早將線就做好晒預留啦
仲有宜家港島線極速都係80，咁又點？788一樣比港島線快
停幾多個站，轉幾多次車，轉車要行幾遠，你一樣都無諗過喎
本帖最後由 Man@MFHK 於 2025-8-19 20:23 編輯
Toz 發表於 2025-8-19 19:18
調景嶺一日有無一百人去小西灣?
屯馬線分流作用唔算好大，但最少河東去九龍未必會係大圍轉，你果條鐵係零 ...
你話零分流係完全假設康城人唔搭新線，但你無視咗新線康城人可以直接坐到去中環，依家嘅搭法佢哋要轉至少一次車，仲要一轉線肯定無位坐甚至車都上唔到，新線有巴士嘅舒適兼鐵路嘅穩定時間，點會無康城人坐？
而你講到康城人口不足以支持一條過海鐵路，咁即係呢條鐵過完海仲有充裕嘅剩餘載力可以做埋柴小人生意，仲有個吊腳嘅耀東，點會無人搭？依家港島線兩繁仲係好逼㗎喎，你唔係信嗰啲統計數字呀？港鐵夠話東鐵線9卡夠載啦，夠話屯馬夠載啦，現實係點？
你講到788咁快，俾佢東廊路路暢通，落到告士打道咪又係要塞，快過港島線只係因為佢飛起成個港島東剩係做小西灣加半個柴灣，條鐵受眾更多而唔比佢慢已經功德圓滿，仲要巴士一塞車就輸硬。A28康城收視差就係因為對康城人嚟講車程太長，佢哋寧願駁腳出去轉A29，如果有鐵直達青衣轉機鐵自然有捧場客。
其實柴小同康城呢兩個邊沿地區人口都唔少而各據兩岸東邊，但一直就因為交通問題無乜交流，依家襯發展137區順便用鐵路打通創造新機遇先啱，唔係要等到真係有需求提出嚟先再慢慢研究起唔起，到時就好似東九龍線咁講足幾十年但就越來越難起。
本帖最後由 Toz 於 2025-8-19 20:26 編輯
Man@MFHK 發表於 2025-8-19 20:02
你話零分流係完全假設康城人唔搭新線，但你無視咗新線康城人可以直接坐到去中環，依家嘅搭法佢哋要轉至少 ...
現時政府暗盤北港島線係換線，康城坐將線係直達中環站，唔洗轉車
你FF 條新線根本去唔到
港島線迫有北港島線解決，而你條線點都食唔到北港島線，港鐵所有既預留都係為左換線方案準備，頂多改到變交匯，你仲諗住你條線可以係北角地底打交叉經過北角站，係咪諗多左？
唔該你唔好諗住將北港島線Ｄ客食左就當係你條線，因為真係做唔到
Toz 發表於 2025-8-19 20:21
現時政府暗盤係換線，康城係直達中環站
你FF 條新線根本去唔到
一日未起一日都仲有討論空間，換線都唔係一個廣受認同嘅方案。既然講到唔急起，點解唔等137發展拉埋同小西灣一齊做？