eternalflame 發表於 2025-8-6 18:42
少幾個站就會快左係點計出黎？
唔好計康城加137區，你覺得東區客量支唔支持到兩條東西平行鐵路線？
...
停少咗站自然會快咗好似係常識嚟，如果唔係點解一直有人想要東鐵開特急甚至四線化？
點解唔好計康城加137剩係計東區？條線串埋佢哋自然就計晒咁多個區嘅人口。而且我上面都講過，用東涌線拉長做嘅好處就係做埋機場加東涌客。
本帖最後由 Man@MFHK 於 2025-8-7 11:18 編輯
Toz 發表於 2025-8-6 20:51
即係咁，康城去到北角可以轉北港島線（換線方案），或唔洗轉（交匯方案）
你格硬食左北港島線黎FF，係咪有 ...
其實呢條都係北港島線嘅變種嚟，走線基礎都係跟返北港島線換線方案。咁樣拉東涌線經小西灣過海去137、康城，既唔影響現有將軍澳線班次，又可以滿足小西灣有鐵路，康城、137全日有直接鐵路過海，係多贏。
香港站同中環站係有距離，但返工客都可以係返ifc返海皮，而且經站内隧道行過去官方時間都係8分鐘左右實際行得快可能5分鐘左右就到，根本就唔係劣勢。
依家無得揀大家都只可以逼港島線加將軍澳線，如果有北港島線做特急自然可以分流。
Man@MFHK 發表於 2025-8-7 10:56
停少咗站自然會快咗好似係常識嚟，如果唔係點解一直有人想要東鐵開特急甚至四線化？
點解唔好計康城加137 ...
停少左站但因為唔夠客班次疏，整體車程就唔會爭得遠
137加埋東區個需求都justify唔到要2條東西向平行路線
格硬拉東涌線再過海，同以前東將合併一樣需要處理過海有問題而要turn short嘅情況
eternalflame 發表於 2025-8-7 05:31
你可以開返Streetview又或者變返3D mode去睇下得唔得
連城道係上斜，即係你條尾軌延伸後需要拆左部份興 ...
已將路線再緊貼連城道少少，避免滋擾福翠樓。連城道係緩斜，好多現有鐵路段都有呢種斜度，甚至再斜少少。喺Google測過，最近現時樓宇嘅延伸軌橋最少都保持10米距離，肯定唔會少過5米，絕不影響居民日照或通風權利，反而葵芳邨嗰段離民居仲近，至於你話石屎罩都會「震動」，肯定係輕微可接受範圍，否則葵芳邨住客早就嘈到拆天。小西灣目前人口已達5萬4千，足以支持一個重鐵站，但若想喺建造財務上更可行、令路線有更多可達性、多一個過海選擇分流東隧繁忙時間擠湧情況，我都認同幾位用戶將小西灣站延伸至將軍澳137區接駁將軍澳綫，因此我已修訂路線圖，相信最受惠就係137區居民，絕大部份該區如想過海嘅人應該都會選搭港島綫，因唔使轉車一程就可直達金融核心金鐘中環，相反如搭將綫要兜大彎深入將軍澳再出油塘，並喺北角轉綫，如非繁忙時間更需喺調景嶺額外轉多一次，費時失事，而且康城支綫班次太疏，會有多一個誘因令137區住客用港島綫過海。
本帖最後由 newlife 於 2025-8-7 16:00 編輯
kei_hk 發表於 2025-8-1 15:23
唔知有無技術性問題 (eg. 水深/海床等問題)
將線如果拉長去137區(或以支線形式處理)﹐真係可以睇下有無方 ...
查過海事處海圖，延長港島綫到小西灣再過海至將軍澳137區係可行，該處水底最深約20米，衹比現時過海鐵路最深嘅東鐵綫15米再深少少，但較鯉魚門40米水深淺一大截
eternalflame 發表於 2025-8-7 15:27
停少左站但因為唔夠客班次疏，整體車程就唔會爭得遠
137加埋東區個需求都justify唔到要2條東西向平行路線 ...
所以應該諗分走埋新界東去港島東嘅需求，現時由北角去大學車程都要52分鐘，康城去大學站更加要64分鐘，即使由大學去河對面嘅大水坑都要半個鐘，仲慢過踩單車。增加外環線對打通掘頭路段間嘅車程係有顯著幫助。
亦因為咁，分流咗嘅客源就唔需要再經觀𡐓線觀塘道段、東鐵畢架山段等樽頸。
由北角/鰂魚涌一站直達小西灣只係5分鐘，過海去將軍澳137後北上，對經現有鐵路網，起碼慳到20分鐘。
本帖最後由 Man@MFHK 於 2025-8-8 11:45 編輯
巴士的膠 發表於 2025-8-7 23:56
所以應該諗分走埋新界東去港島東嘅需求，現時由北角去大學車程都要52分鐘，康城去大學站更加要64分鐘，即 ...
你意思係要進一步拉到去中大？
即係康城、清水灣、科大、西貢、大水坑、中大咁去？
呢段造價應該都好貴喎，沿線如果無位俾港鐵起豪宅都幾難請得郁佢起。
Man@MFHK 發表於 2025-8-8 11:41
你意思係要進一步拉到去中大？
即係康城、清水灣、科大、西貢、大水坑、中大咁去？
呢段造價應該都好貴喎 ...
價錢都係睇你想點起，架空程度高咪平啲，掘得深啲咪貴啲。北角-小西灣段可以沿東廊架空又得，想轉乘距離短啲又可以西灣河/杏花邨以東先露天。
跨海大橋/隧道都可以公鐵兩用，之後嘅康城段都係沿環保大道出坑口再穿山去科大，隧道長度同樣取決於你起高嘅架空穿過坑口市區，由寶順路開始先穿山定由百勝角開始入隵道。
過科大後可以跟西貢公路到北圍轉入慶徑石，再穿山去梅子林，呢段對景觀影響大但入地就會好貴。
反而地唔太大問題，137區同沙田污水廠舊址都係大片熟地，差在有幾多地價去抵消個成本。
個人立場係我同工聯會都係FF，下一條過海鐵路應該係東大嶼線/城際。
本帖最後由 Toz 於 2025-8-8 21:45 編輯
巴士的膠 發表於 2025-8-8 15:44
價錢都係睇你想點起，架空程度高咪平啲，掘得深啲咪貴啲。北角-小西灣段可以沿東廊架空又得，想轉乘距離 ...
137區同小西灣位置係發展區邊緣，香港東部又唔會有乜發展，甚至深圳都唔會點發展大鵬半島，無辦法
就算要做埋新東，要兜過去137區都係唔多掂，新東直插安秀，食左東九龍線去到油塘，再過海去西灣河，效益點都比兜137區大好多，起碼一定快過現有路線
Toz 發表於 2025-8-8 21:41
137區同小西灣位置係發展區邊緣，香港東部又唔會有乜發展，甚至深圳都唔會點發展大鵬半島，無辦法
就算要 ...
新東直插安秀就會變成新東人唔會搭。