Toz 發表於 2025-8-24 11:32
預先落order先有車，而且未必間間都有，都要就時間，你試下中午先問有無車睇下有無人理你？你係咪從來未搞 ...
如果個個禮拜都要車用，自然會識預定啲車出嚟，嶼南如是，郵輪碼頭好似如是，連港珠澳金巴要掛多個車牌都走到啲車出嚟，呢層我又對啲旅遊巴公司有信心嘅(香港公司最叻補獲)，當然唔會否認專營巴士公司都會有啲經驗。
話時話之前係咪有傳開關嗰排，跑狗公司出到三字頭挖人？唔知依家仲有冇呢啲歌仔唱，皇崗開嗰陣又值唔值得咁玩？
正如上面版友所講，去天水圍嘅B2X斷纜，開多幾架去太子嘅跑狗唔會幫到太多手，始終依家新界人口比例太高。我當真係搵到幾架太子車 (跑狗做又好，專營巴士做又好)送到出去，佢地要幾耐先回到車，同B2X比，後者點斷纜都好，回車相信都快過架太子車？有限資源下唔係應該優先谷短線咩？就算長如B8，都會有堆大埔短棍盡快回車，唔會架架出沙田啦，就係因為除左大埔自己多人之外，大埔都可以比外區人轉到車，自然就唔駛下下都行到尾。
長途B線另一個問題係班次，當你277系放幾架出嚟，B7又放幾架出嚟，先不論大家唔同公司做，乘客會寧願等比較疏嘅直車，定係密車轉密車？然後正如另一版友話齋，其實277系有幾多%係過境客先？279X就係因為青衣多過境客，所以可以開到上水特車 (所以某青衣版友其實錯唔哂)，咁277系呢？頂盡咪一班飛清河嘅E仔，咁嘅 %嘅277系仲值得放幾多%嘅車出嚟做九東過境線呢？有心做過境客駁腳嘅，巴士公司自然會識開短棍飛走區內多餘路段，但縱觀全新界，似乎得條279X會咁做，咁又係咪代表只係青衣(加埋大欖)值得谷過境線？最怕嘅係，條長途B線喺出面塞車嗰陣，斷纜要救嘅資源，睇怕會多過救條斷纜嘅短線。
我都好同意香港呢邊規劃得太慢呀，對面岸隊三條鐵路嘅人流入嚟嗰陣我地仲要捱多十年巴士，所以先更加要搵現成鐵路幫拖，盡量縮短樽頸路段，谷密皇崗古洞線(雖然要等多年)，起碼入到東鐵站要去邊度都有得走位先。連全盛時期嘅皇巴寧願走去山旮旯嘅皇巴站都唔會出上水，當然出左嘅話上水應該又會變左另一個樣...
jpoon 發表於 2025-8-27 00:22
我自己就會咁搭
時間同直接搭鐵差唔多，但價錢平啲，又舒服過搭東鐵
尤其回程東鐵太多人，好多時企大半程 ...
夜晚B1同屯馬有位坐嘅機會都比東鐵大好多。
東鐵基本上上水爭唔到位坐，預咗企到至少出大圍咁滯。
可能因為東鐵彎多關係，上水企出沙田，明顯辛苦過元朗企出南昌，更加唔好講落馬洲企出九龍。
hadboy5 發表於 2025-8-25 12:51
反而好想知，巴士公司喜歡做駁腳果程定還是直接做口岸線，口岸頂盡坐滿走，博腳就可以令本身無乜人的逆向 ...
Why not both? 口岸線 $/km夠高，就算坐滿條數都唔係真係咁差 (開蓬巴士同樣道理)，反而係轉乘比得太爽手嘅話可能冇乜肉食 (但係又引申到燒幾多錢去養市佔率呢個問題，customer loyalty 呢樣野好難 quantify)。
駁腳反而有冇過境客都好本身都要開車，係爭在逆向私出去定做出去，好睇 marginal cost爭幾多，如果私出去本身成本高嘅話咁倒不如做埋好過，但係呢條數本身唔係穩定會係個隱憂，一陣plan好左做密逆向，然後嗰日落大雨少左人過境，又可能捉蟲。不過我自己冇乜留意，依家啲人係咪打風落雨都會周圍走？
JH_LE4612 發表於 2025-8-27 09:20
Why not both? 口岸線 $/km夠高，就算坐滿條數都唔係真係咁差 (開蓬巴士同樣道理)，反而係轉乘比得太爽手 ...
搭兩程俾一程，我諗會蝕返落去，所以先覺得B1無咁好賺