B1再加密班次
From︰九巴網站真係咁多人搭ga？？但點解277會唔掂呢？？明明落馬洲(皇崗)應該比福田多好多車轉去中國其他地方...應該唔係好多人只前往深圳....(仲要係近福田..如果唔係都改o係羅湖lu..)
星期一至五(假日除外)的班次將加密至每十二至二十分鐘一班，星期六的班次將加密至每十一至二十分鐘一班，星期日及公眾假期的班次將加密至每八至十五分鐘一班。
改動會由10月31日起生效。（來源：九巴網站）
277的失敗在於：
1. 深圳灣口岸及福田口岸啟用後，分薄了現有過境口岸的客源
2. 277本身受到專線小巴77以相同路線競爭，行車時間不及專線小巴快
3. 不能直達過境口岸，要額外支付車資乘搭皇巴士到口岸。 277既競爭對手有77號綠頂同17號紅頂, 77同277一樣行公路, 277無乜優勢
但B1只有行青山下路既75號綠頂競爭, 天水圍更加係獨市
而且福田區都有唔少港客的, 呢D客行福田關方便得多
坐B1平靚正, 好過行皇崗關搭皇巴上落幾次, 或者行羅湖關坐一個站既貴價火車再轉巴士
加上B1多次加密班次, 仲密過對面岸既深圳地鐵4線:lol , 等車時間減少, 吸引力愈來愈大:victory: 其實假日o既現實班次比官方班次密成倍有多,因為B1實在有太多柯打車未正式化:L 星期日晚經福田番黎，係天橋見到有ATEU走左，轉個頭見到有架AP上緊客，落到去排隊架AP坐滿走人，之後架AVBE又坐滿，無上到，等下一架AP先上，最後架AP又係坐滿，我諗15~20分鐘內開左4班B1。沿途仲見到好多私牌AP/AVBE，我諗佢地都係私去做B1。
出到元朗上番68M，係又新街見到有B1，之後去到東頭村又見到坐滿要企既B1。真係可見B1幾多人搭。
我覺得值得一讚既係無跟時間表開車，有站長睇真係唔同ｄ，見架車坐滿就叫架車走，開下一架比ｄ客上:loveliness:
另外價錢真係好平，我上去用左$14.9，番黎係$15.1，呢個價錢坐東鐵連上水都去唔到.....
[ 本帖最後由 GR614 於 2009-10-30 13:00 編輯 ] 原帖由 lsc04d11 於 2009-10-30 11:29 發表 http://www.hkitalk.net/HKiTalk2/images/common/back.gif
真係咁多人搭ga？？但點解277會唔掂呢？？明明落馬洲(皇崗)應該比福田多好多車轉去中國其他地方...應該唔係好多人只前往深圳....(仲要係近福田..如果唔係都改o係羅湖lu..)
冇錯，皇崗的選擇的確係比福田多好多。單以去二線地方為例，福田較缺乏(甚至可以話冇，至少在口岸門口冇)去二線既車(要搭地鐵或者203線去主要地方轉車)，但好在有地鐵龍華線，長遠都通到出二線；而皇崗有好多二線車，去二線尾既松崗、龍崗、觀瀾又有，去二線頭既寶安、西鄉、布吉、沙灣、石岩又有。[按：我曾經係別壇話過，現時福田口岸的人流比初開果陣有改善，但要做到分流既果效，先決條件係要地鐵通到出二線。]
然而，正如Eric 278所講，277做唔掂，就因為唔係直達口岸，到左總站仲要轉多程黃巴士兼上落車兩次先到，但B1係直達口岸。
講真，不論羅湖、福田、皇崗定係深圳灣，幾個口岸既定位始終唔同，市民選擇邊個口岸過境，都係取決於在內地的目的地、與居住處的距離、能付出的車費、能付出的時間、口岸的配套設施等因素。 原帖由 cong 於 2009-10-30 13:21 發表 http://www.hkitalk.net/HKiTalk2/images/common/back.gif
綠小依家貴過 B1 轉乘價, 吸引力比以前更大
冇記錯，B1的轉乘價好似係$3.5(唔知係扣減$3.5定補付$3.5)。