我7:15由2號月台西鐵落車，見4號台架東鐵仲有一分就開，於是唔走上走落，過對面1號台等車算，就咁奶野了。最初睇pids話仲有4分開，咁預佢6分啦，即7:21會開。點知等左4分後聽倒一個由車長親口講既無聊PA「本班車以羅湖為終點站」，月台又係咁播同樣PA，呢兩段野前前後後播左四五次。
到左七點半，車長又開mic話由於信號故障，本班列車稍為受阻延，一路講左六七次倒，每次講都口疾疾好似唔肯定咁。
到七點八，車上既新聞快訊已經出走馬燈新聞話東鐵全面暫停，安排緊接駁巴，但月台同車既廣播依然係信號故障稍為受阻，有部分人已經等唔倒落左車。
到左七點十，終於改口話服務暫停，但冇講接駁巴士，一路到左八點先話安排緊接駁巴士。由七點三至七點十呢35分鐘，乘客一路都信佢「稍為受阻」，稍為即係好快搞掂啦，一路等班客都一路火，35分鐘後突然仲話暫停，又未有巴士，但架列車就出PA叫d人落車，呢個炸彈唔爆就奇！好多客一於好少理，繼續坐響架車度，有d就圍住職員發砲，好彩我著左外套，d人睇唔倒我都著制服。
事件最大問題係7:15至7:50之間一直用「稍為受阻」誤導乘客，完全唔能夠接受。如果佢早d公佈咩事，好多人一早上左去搭第二d車啦，駛咩陪等呀，就算未接排倒接駁巴都可以話畀人知，等人地有第二d打算，終於明白點解次次mtr有故障都畀人插佢處理手法有問題，害得最慘係真係信佢好快搞掂，點知愈等愈耐，最後suspend埋！
[ 本帖最後由 4056 於 2010-1-22 01:45 編輯 ]
仲有閘機問題，紅磡站所有站機改為唔駛拍卡出閘，但就入唔倒閘。ok fine，佢行李專用通道畀乘客自由出入，very good啦，請問紅磡站係咪淨得東鐵呀？仲有西鐵架大佬，搭西鐵既人冇得入閘，只可經自由出入通道入閘，咁搭西鐵途中畀查飛黨查飛係咪又會被屈500大元呀？大家都知mtr重鐵查飛黨最鍾意生劏乘客架啦，閘機壞左話你逃票，八達通冇紀錄又話你逃票，咁今次真係被迫冇得拍卡就入閘喎，又有一大堆水魚畀佢禁啦？mtr處理手法真係一流
原帖由 4056 於 2010-1-22 01:43 發表 http://www.hkitalk.net/HKiTalk2/images/common/back.gif
事件最大問題係7:15至7:50之間一直用「稍為受阻」誤導乘客，完全唔能夠接受。
咁又真係過份喎，我 7:30 已經係北角站知道東鐵線全停....
(不過列車內就無廣播)
原帖由 da54 於 2010-1-22 01:48 發表 http://www.hkitalk.net/HKiTalk2/images/common/back.gif
咁又真係過份喎，我 7:30 已經係北角站知道東鐵線全停....
(不過列車內就無廣播)
咪就係，小弟身處正正係第一班受阻既由紅磡開出既列車，但車長廣播只係不斷重覆「本班列車以羅湖為終點站」，乘客唔識字咩！果陣佢應該知有故障，但佢偏偏係咁講「本班列車以羅湖為終點站」，講到差少少到七點半先改口話稍為延遲，d人聽倒「稍為」就冇乜反應，原來7:30已經公佈話全線停駛，但第一班受影響既列車居然辰遲多20分鐘先有廣播話停駛，但7:50至7:55係完全冇叫人點做，不過d人都唔係好理佢，部分走人部分發呆，車廂同月台pa淨係係咁話停駛停駛，咩指示都冇，叫人點接受...
最令我唔明係點解佢重覆又重覆講「本班列車以羅湖為終點站」，點解唔一早撻個服務受阻延pa畀乘客自己作其他打算，仲要係咁講埋d垃圾pa，佢下次出埋pa話「歡迎乘搭東鐵線」就真係畀個good佢喇！
[ 本帖最後由 4056 於 2010-1-22 02:05 編輯 ]
原帖由 4056 於 2010-1-22 02:02 發表 http://www.hkitalk.net/HKiTalk2/images/common/back.gif
咪就係，小弟身處正正係第一班受阻既由紅磡開出既列車，但車長廣播只係不斷重覆「本班列車以羅湖為終點站」，乘客唔識字咩！果陣佢應該知有故障，但佢偏偏係咁講「本班列車以羅湖為終點站」，講到差少少到七點半先改口話稍為延 ...
其實以前若果有呢類情況, ERCC 有位 "全線廣播員" 負責全條 ER/ MOSR 車站以及列車的中央廣播, 加上通告以及職員企閘口, 另加職員企 E. Bus 站,
仲有查票組的救兵.
今次, 又真係亂o左 d ... ...
原帖由 DE5729 於 2010-1-22 00:31 發表 http://www.hkitalk.net/HKiTalk2/images/common/back.gif
其實可唔可用ATP Cut-out + Temporary Block Post(Station to Station Working)
由車站自己做Local Control?
但問題係車站搵唔搵到咁多人做領航員同Handsingalman~?
Local Control根本係唔可行
以一d多道岔(波口)o既車站,好似紅磡,沙田o個d
要逐個波口鎖哂都已經好花時間
鎖得波口o黎絕大部分情況都已經回復正常la
原帖由 B-KAA 於 2010-1-22 00:46 發表 http://www.hkitalk.net/HKiTalk2/images/common/back.gif
今次係因 Control console 出問題而 system halt ... ...
行 Cut-out + "S to S" ... ...
東鐵 Cut-out Mode, max 行 10km/h, 每車一 Pilotman (仲要係車站 supervisor grade),
再加每站上下行線月台 headwall...
東鐵玩cut out的話, 如果只有司機1人, 只可以行22km/h, 有副司機(second man)
就可以行40km/h, 東鐵列車上的AWS已經全部拆掉, 其實行cut mode有一定的危險性
列車衝燈飛站通通都無問題. (當然不會有司機刻意這樣做)
今次的事故, 都算是"百年難得一遇" , 今天小弟乘坐的列車, 在畢架山隧道內被困長達
1小時. 有乘客不滿遲遲未能下車, 按緊急通話器責罵司機, 司機解釋與前車相當接近,
列車絕對不對移動, 並叫乘客安心稍候及耐性.
其實每次有事故, 最前線的職員(車站/車長), 好老實講都是不知道何時可以恢復通車,
一切都是等待控制中心的通知, 但當有事故發生時, 控制中心就是最忙的一群, 所以
都係果句, 發生事故時, 請耐心稍候, 若有最新的消息, 我們會盡快公報.
[ 本帖最後由 前KMB員工家屬 於 2010-1-22 02:48 編輯 ]
原帖由 mmlcs36 於 2010-1-22 02:26 發表 http://www.hkitalk.net/HKiTalk2/images/common/back.gif
今次係ERCC死，
ERCC果班今次都做到隻狗咁:P
其實ERCC而家班人咪同KCR時代大致相同
只是個頭變左做TT CHOI:lol
仲有，其實今次已經唔算亂
只係人多聚集而已
相比起呢7年多來垃圾灣那邊的幾次大鑊野來說;P ...
我都知合併後, ERCC 除o左變o左 "TT" 做呀頭之外,TC 都係o個幾位 (唔開名啦),
不過, 以前呢類時候係會由 "Long Line" 直接出 PA 到車站/ 列車, 同埋月台 PIDS, 訊息統一兼唔會亂.
車站方面 ... ... 可能真係精簡人手的後遺症吧!
原帖由 前KMB員工家屬 於 2010-1-22 02:43 發表 http://www.hkitalk.net/HKiTalk2/images/common/back.gif
其實每次有事故, 最前線的職員(車站/車長), 好老實講都是不知道何時可以恢復通車,
一切都是等待控制中心的通知, 但當有事故發生時, 控制中心就是最忙的一群, 所以
都係果句, 發生事故時, 請耐心稍候, 若有最新的消息, 我們會盡快公報.
不過, 發生事故時, 乘客都會以為問問最前線的職員就會有 "最新的消息" ... ...
試問當壞車時, 又會有多少 "耐心的乘客" 呢?
(還記得多年前更有列車司機被乘客追打呢)