hk_ayu在 2005-12-8 12:25 發表:
請勿誤會
我並不支持輕鐵延長至荃灣
另外,
先不要說削減幾多巴士服務,
屯元天每天135萬人次乘車,
60萬區內75萬出市區,
已經完全乎合重鐵條件有餘
乘車需求是非常龐大的,
只可以說政府基於政治壓力而不能削減足夠的巴士服務
我不是說新界西北有無起重鐵的條件
問題係鐵路同巴士運作範式唔同
總唔可以咁樣作計算
近年,天水圍人口增長迅速
所以區內外交通問題自然急劇惡化
另外,我不認為是政治壓力而不能削減巴士路線
新界西北巴士減班,幾乎係九巴自己自願咁去減
而且新界西北特別係屯門,誰可以說西鐵真正搶到乘客?
巴士少左頂閘,唔係西鐵造成,起碼仲有村巴在背後造成問題!
CK4013在 2005-12-8 11:45 AM 發表:
唔好講日本點迫法
事實上,好多班輕鐵並未完全迫實
為何現在不斷有人話上唔到輕鐵
又話輕鐵唔夠車?
好明顯乘車習慣已經有分別
好簡單,有一部份的人一見無位就唔上
另外,我相信香港不需要學習日本(250%)
...
輕鐵而家好唔準時咩 ?
tse0856在 2005-12-8 13:13 發表:
輕鐵而家好唔準時咩 ?
我次次望仲有幾多分鐘到的牌
多數都係唔準,特別係長途線
現時輕鐵集中左好多區內線服務
因為多左輕鐵行區內線
所以密左車,就算前面個班誤點都好
後面個班追上黎,變左好似好準咁
CK4013在 2005-12-8 13:02 發表:
另外,我不認為是政治壓力而不能削減巴士路線
新界西北巴士減班,幾乎係九巴自己自願咁去減
而且新界西北特別係屯門,誰可以說西鐵真正搶到乘客?
巴士少左頂閘,唔係西鐵造成,起碼仲有村巴在背後造成問題!
九巴自己自願咁去減班,係基於市場的供求定律
與政府採唔採取行政手段迫使九巴減班令市民改搭西鐵係兩碼子的事
hk_ayu在 2005-12-8 14:03 發表:
與政府採唔採取行政手段迫使九巴減班令市民改搭西鐵係兩碼子的事
搭車既人,普遍都係一般普通市民,政府唔係話點都得!
當巴士服務仍然有需求時,咁政府又可以點減班次呢?
另外,政府如果使用行政手段真係咁有效,可加可減就唔會攪成咁啦!
最後,田二少話西鐵唔夠人搭係因為政府削減得唔夠多巴士
只係o係度出口術,完全不是從市民角度去出發
CK4013在 2005-12-8 15:08 發表:
搭車既人,普遍都係一般普通市民,政府唔係話點都得!
當巴士服務仍然有需求時,咁政府又可以點減班次呢?
另外,政府如果使用行政手段真係咁有效,可加可減就唔會攪成咁啦!
閣下之前話政府使用行政手段削巴士保鐵的政策不適合香港,
為何其他國家又適合行政手段削巴士保鐵呢?
hk_ayu在 2005-12-8 15:39 發表:
閣下之前話政府使用行政手段削巴士保鐵的政策不適合香港,
為何其他國家又適合行政手段削巴士保鐵呢?
講左咁耐,終於又有"保鐵"二字出現!
本人認為一切服務都應以居區便利快捷就係最好
但好可惜,政府所發展鐵路網有部份不太適合某一些地區需要
好似輕鐵咁,通車超過15年都無得賺
是否居民不搭輕鐵,還是真係有咁多人逃票呢?
月票年代過去,差不多人人上車前去o都八達通上車
5年過去,輕鐵都係無得賺錢
15年以來,輕鐵又改善過什麼服務呢?
擴大路線網絡,增購列車數目,定還是拆去座位增加企位呢?
近一兩年,輕鐵不斷增購巴士,加強提供接駁巴士服務
是否九鐵亦應該要把屯門帶回八十年代以巴士服務呢?
西鐵有計劃時,曾經只係諗過起到兆康就算
不過政府要求一定要落到屯門,最後才有這個選擇
屯門一向以來區內外交通受到好大的抨擊
因為屯門的規劃失當,所以巴士服務歷年來有增無減
當西鐵通車時,政府沒有用行政手段削減巴士服務
唔多唔少都係因為以上原因
如果我地再睇埋西鐵的設計
其實它只係一條出市區的路
市區定線已經好多講過好多次點位置偏離市區
而新界區亦需要有大量接駁工具
當香港巴士網絡咁發達的時候
而香港條鐵路起都咁
仲可以有什麼理由講要"保鐵"?
政府多年交通政策失當
仲可以咁大聲去夾硬用行政手段削減巴士服務?
香港有好多地方比較,肯定落後好多
不過我相信香港有自己一套方法去做才是最理想
因為這是能夠真正適合香港市區需要!
正如日本載客量達百份之二百五十,
香港地鐵都一定做不到
或許今日的回文已經離題了,算了吧!
方便同價錢先係市民最關心
亦係最吸引市民選擇既原因
5蚊既44系都搶到4蚊既LR客
就係因為方便
唔駛行到隻積咁
3.5既58系直頭搶晒D 505,507既客
就因為又平又方便
撇除行政手段唔講
西鐵有幾方便真係有目共睹
價錢有幾高亦無需多講
點吸引到人用呀
(全月通推出就係堵塞貴呢個缺點)
自己失敗
就迫政府用行政手段迫市民去搭佢r
咁算唔算積極不干預呢?
公司化政策下
鐵路公司要自負盈虧
唔係搵運輸處管埋就得啦
駛唔駛年年用千幾萬請班高層番黎
仲有, 4013兄講得岩架
屯門搭車....唉.....真係好橙架
隨時唔準時(輕鐵,巴士都係)
咁你仲要減少選擇權利
過到我都未必過到D屯門街坊啦
成日話建築成本高
投資咋嘛
為左起平D起到"舞雷宮"咁遠
冇人用就嘈
你睇下丫, 廣東道個站唔起個人覺得就係一個完全錯誤既決定
[ Last edited by fv682 on 2005-12-9 at 01:32 ]
tse0856在 2005-12-8 13:13 發表:
輕鐵而家好唔準時咩 ?
咁我又問你,準時有用咩??
輕鐵最密既761/761P線,最密既聯合班次
都要5-6分鐘一班.但我見到個情況就係
冇乜邊班唔係多人都爆既.
好喇,其他線得嗰7-18分鐘不等既班次,我
諗俾接駛既K車或者巴士做都唔會咁疏車
啦.
準時但疏車咪一樣死.
shtsang在 2005-12-9 02:01 AM 發表:
咁我又問你,準時有用咩??
輕鐵最密既761/761P線,最密既聯合班次
都要5-6分鐘一班.但我見到個情況就係
冇乜邊班唔係多人都爆既.
好喇,其他線得嗰7-18分鐘不等既班次,我
諗俾接駛既K車或者巴士做都唔會咁疏車
啦.
準時但疏車咪一樣死
最密車應該係 751/751P 的聯合班次吧
另外輕鐵有很多路段都有頻密的聯合班次
例如鐘屋村至元朗西鐵站
全日大部份時段少於 2 分鐘就有一班車
當照顧到接駁西鐵的乘客後
其他路段約 7-8 分鐘一班車也不算疏
大部份巴士路線做到 10 分鐘一班已經相當不俗
總不能下下以地鐵荃灣線的班次去做標準
做不到 2-3 分鐘一班就大嗌「疏車咪一樣死」