原帖由 3ASV196 於 2010-4-4 22:12 發表 http://hkitalk.net/HKiTalk2/images/common/back.gif
其實閣下真係會唔會越講越誇張, 用到北韓, 槍斃去講一個
自由參與的私人討論區, 我想如果再咁講下去, 真係好無意思...
"北韓化" 呢個比喻係誇張左
然而, 還原基本步
晌咁敏感時期先執行禁止評分
令站友們有任何延伸實不足為奇
我之前都已經提過
做乜評分專員要即時生效
"站長認為站務意見應該被自由表達"
調轉頭諗
會唔會係宜家表達對站務唔滿意的站友佔多數
令到想企晌站長說話的賬號入唔到位
一出聲就俾人狂插, 另外路人甲乙丙丁乜都唔做, 係咁放扣分冷箭
所以就用呢一個手段去淡化反對聲音
同時作為誘因令到支持站方的聲音走出來?
如果站方真係咁樣諗
未免太過計算了
原帖由 cky 於 2010-4-5 00:49 發表 http://www.hkitalk.net/HKiTalk2/images/common/back.gif
"北韓化" 呢個比喻係誇張左
然而, 還原基本步
晌咁敏感時期先執行禁止評分
令站友們有任何延伸實不足為奇
我之前都已經提過
做乜評分專員要即時生效
"站長認為站務意見應該被自由表達"
調轉頭諗
會唔會係宜家表達 ...
今次我就呢期兵荒馬亂的板務最後一次回應。
北韓論好似係誇張，但如果一個人唔用誇張字眼去提醒在上者，
（包括金正日同慈禧太后）如果自己都唔去檢討自己的獨裁，鍾意聽就走出黎，
唔鍾意聽就搵admin做箭耙，企圖用諸般藉口去延遲，令反對聲音減少，
減少埋煽動式的加分，藉以包庇自己的親信，這種行為實在不要得。
雖然，發生乜野事對我都無乜相干，呢個板好多核心價值，甚麼和諧，甚麼守望相助，
都係由至高無上者的雙重標準一次過摧毀。
試問，做一個有智慧的管理者，處事點會拖泥帶水，對下屬點會肆意踐踏，當佢地係自己的盾牌？
做事點會雙重標準？
對我來說，我只係覺得，一個人企圖宣傳自己網頁，可以話不用理會的話，
有好多無辜受害的板友無論頭像甚至內文出左自己網頁條link，就立刻受30日處分，
呢班無辜板友，真係受了很多委屈。
我工作管理下屬六七年，我得的經驗係兵荒馬亂時期，安撫民眾再默默耕耘，掌握民心取向，
待時機成熟時用方法引導下屬接受新法。還有我一定係比常人敏感，表示我完全在乎下屬。
但我的原則係我一定會做，不過等大家條氣順左先做。
老實講，Z23板按道理的確係無評分的必要，但現時並非係一個適當時機去行。
況且評分專員講Z23板取消評分係站長的意思，加埋i板同B9板都未處理，還曾干預admin出聲，
在我的看法，用北韓及慈禧做比喻都正常不過。
評分制度實在令大多數人不滿，站方從沒有回應係正常。但站方經常唔出聲，就自然有積怨；
試問一個負責任的管理人員或上司，點會因為咁多投訴都可以充耳不聞？
長期潛水，長期隱形，偏偏就去攪小動作，還對其他人厚顏無恥話呢幾日唔返工。
cky兄所言甚是。若是幹得好，就唔會有怨氣充斥。
我講完，呢幾日我索性連花生都掉埋。無眼睇。
[ 本帖最後由 KC3555 於 2010-4-5 01:41 編輯 ]
原帖由 KC3555 於 2010-4-5 01:36 發表 http://www.hkitalk.net/HKiTalk2/images/common/back.gif
今次我就呢期兵荒馬亂的板務最後一次回應。
北韓論好似係誇張，但如果一個人唔用誇張字眼去提醒在上者，
（包括金正日同慈禧太后）如果自己都唔去檢討自己的獨裁，鍾意聽就走出黎，
唔鍾意聽就搵admin做箭耙，企圖用諸般藉口去延 ...
直言, 我想閣下同其他版友, 最終目標, 都是想得到站長回應,
及雙方溝通, 但難聽d講, 一d誇張, 不實際的比喻, 正正係這些
溝通的障礙
之前有版友要求, 站務用下版友角度去睇, 但同樣將心比己, 又睇下
站長情況, 佢出錢出力, 去管理這站, 雖然唔係完全無問題, 但佢本身
的努力, 亦唔可能否認吧, 如果因為一d問題, 就將一個私人網站的
主人, 打成"金正日同慈禧太后", 咁同批鬥有咩分別, 如果你係站長,
你仲會唔會回應, 比我都唔會la, 我做乜仲要俾人鬧...
之前238X 係度講, hkitalk 不是政府, 立即引來一位站友批評, 但我想
講, 我本身同意238x的講法, 因為我地本身要清楚返hkitalk 是私人網站
的事實, 如果這都不能接受的話, 根本無一個可以討論的基礎, 亦只會更
難去溝通....
至於今次點解Z23禁止評分, 我本身真確地不清楚有關決定的真正原因,
而好多人如閣下一諗, 就諗hkitalk係去打壓言論, 箝制思想, 但這會唔會
有D 過敏? 以我睇法, 最近, 至少的確有2宗事實, 有可能影響有關決定
1. 評分專員admin35, 成為Z23版常任版主
2. 剛剛Z23版有站友, 因為評分, 而被停版/警告, 引起過一小段問題
難聽D講, 如果站長真係要打壓言論, 箝制思想, 就一早可以摺埋Z23版la,
仲將你地好多人停版, 這是站長的絕對權力....但事實上有無? 各位咪一樣
繼續係度鬧緊.....
再講難聽d, 這只是一個私人網站, 就算呢度禁止言論, 各位咪一樣可以
繼續係各大出面網站唱衰hkitalk....如xx大典, hkitalk 又如何箝制思想?
真係唔好玩la..你估hkitalk 真係北韓, 清朝, 這只是香港一個自由參與的
私人討論區咋...
再講, 有d站友講到自己本身係反對評分制, 咁就o岩la, 我都反對評分制ga,
但正正因為反對, 平時都唔會用, z23是否禁止評分, 都唔會影響到我, 更
唔會影響我表達的自由
我知我咁樣出黎唱反調, 又以我本身同樣係admin26的身份, 我知我點樣講都好,
一定有人覺得我係幫住hkitalk/站長去講野, 這一點我唔介意, 但我只是希望大家
表達意見同時, 可以理性一點, 尊重返一d既定的事實, 避免誇張失實的比喻, 這
才是表達意見時的重點
[ 本帖最後由 3ASV196 於 2010-4-5 10:28 編輯 ]
原帖由 cky 於 2010-4-4 19:59 發表 http://www.hkitalk.net/HKiTalk2/images/common/back.gif
站方擔心Z23 板亂評分" h& Z) `" C% {% v" {) c
不如擔心下一般板面, 呢 d 機會仲多咁解
或者應該咁講，Z23 ban評分，至少可以禁絕我#34所提到呢種
別有居心剝奪他人發言及批評權利的行為。
（上面講得岩，現有機制已經可以處分胡亂評分人士；但係我quote
果個例子，人地都變左beggar，點投訴？結果果次咪係我發現，以第三者身份走去同admin35報告……）
相信你應該明白我的意思。
（OT：根據hkitalk首頁，238X兄應該頭先點幾鐘回覆過呢篇文，而家唔見左？
我頭先就係用首頁條「最後發表」link click入來，可惜無print到screen。）
[ 本帖最後由 S3BL100 於 2010-4-5 14:33 編輯 ]
老實講我唔明點解呢度唔俾人評分
又唔係D咩內部版，係各站友的意見園地之類的東西
站方是想避免問 B9版資料來源的事件重演，還是另有企圖?
原帖由 ccicoltd 於 2010-4-3 10:12 發表 http://hkitalk.net/HKiTalk2/images/common/back.gif
hkitalk.net贊助活動專板 (S1)
呢個版又係就黎廢左佢都得...:L
原帖由 S3BL100 於 5/4/2010 14:32 發表 http://www.hkitalk.net/HKiTalk2/images/common/back.gif
（OT：根據hkitalk首頁，238X兄應該頭先點幾鐘回覆過呢篇文，而家唔見左？
我頭先就係用首頁條「最後發表」link click入來，可惜無print到screen。）
唔好意思，頭先我去緊第二 D 網貼文，按錯掣，
事後已經刪文。
原帖由 S3BL100 於 2010-4-5 14:32 發表 http://hkitalk.net/HKiTalk2/images/common/back.gif
或者應該咁講，Z23 ban評分，至少可以禁絕我#34所提到呢種
別有居心剝奪他人發言及批評權利的行為。
原帖由 OTIS401 於 2010-4-5 14:44 發表 http://hkitalk.net/HKiTalk2/images/common/back.gif
老實講我唔明點解呢度唔俾人評分
又唔係D咩內部版，係各站友的意見園地之類的東西
站方是想避免問 B9版資料來源的事件重演，還是另有企圖?
呢個版又係就黎廢左佢都得...:L ...
唔俾評分, 引伸出黎咪好似之前有站友投訴過
改用粗口小字條黎鬧人咯
不過呢 d 站方話唔理嘛, 要私下解決嘛
至少唔好浮晌板面, 睇落乾淨晒就話之理啦
喇, GK2671 (uid=1217)
你唔同意我地既論點
咪晌度發表下你點解唔同意反對站方的觀點咯
打粗口小字條好威咩?
你晌呢一篇已經對其他站友做相同的事
換言之, 呢個唔係第一次, 亦有可能有更多未浮上面的情形
http://hkitalk.net/HKiTalk2/viewthread.php?tid=491300&page=9#pid1860059
如果鬧人地數字頭, 跌倒在街上同食錯o野等咁湊效
每一日咪好多人入醫院?
最弊又唔係喎
至少我宜家仲安好
亦無須你問候
不過呢一刻之後
全個站都知道你o既見識
除了只停留晌只識貼特見, 貼巴相之外,
仲多一樣... 係 "懶係" 識用粗言穢語
不值一提
[ 本帖最後由 cky 於 2010-4-5 19:18 編輯 ]
原帖由 091320906 於 2010-4-5 11:50 發表 http://www.hkitalk.net/HKiTalk2/images/common/back.gif
因為驚俾人鬧,
所以唔走出黎,
所以咪話佢危機處理差到極點囉,
有起事上黎正如樓上話齋,
起碼都安撫下我地情緒先啦,
而家做小動作又唔出黎,
初頭都只係想鬧醒佢,
而家民怨咁深,
見佢出都唔出黎,
就梗係起勢鋤落去啦.. ...
.....
既然係私人網站,#
我地做乜要響呢度俾意見佢,巴
做乜要鬧佢,*
而唔係響外面講?
都係想個站好,有改進,
我地亦有討論既安樂窩姐,
有免費軍師仲要淆底,逃避,
你認為佢有盡過責任?
其實好多謝你正指出問題的重點...承認了係鬧...
一直都認為, 俾意見想個站好, 當然無問題, 但問題就
係俾意見的態度了...
正是我上文的重點....."我只是希望大家表達意見同時,
可以理性一點, 尊重返一d既定的事實, 避免誇張失實
的比喻, 這才是表達意見時的重點"
閣下上文自己都用左幾次"鬧"字, 甚至用到"鬧醒佢"字眼,
試問咁態度去表達意見, 又是否合適? 先唔講是否一個良好
的態度, 我只是想講, 這是否一個有效的態度去表達...
站友係人, 站長, 站務都係人, 一樣有情緒, 當你要求站務
"安撫下我地情緒先啦", 同時, 閣下又有無考慮返你的表達
同時對其他人情緒都有影響? 這樣思想又會唔會單向左少少...
其實我貼文重點都唔係邊個o岩邊個錯, 好多事情都無絕對,
係同一事實下, 你角度同我角度已經唔同, 但問題係, 當一d
版友希望與站長/其他站務進行溝通同時, 卻用上不友善的態
度去表達, 試問這是有效的表達嗎? 我就認為不是了...
有時問題解決, 唔係用鬧吧..我亦唔係驚俾人鬧, 我相信站長
都唔係, 但當一鬧, 氣氛一唔好, 大家都無癮吧, 下下搞到對罵
咁, 好好玩咩...上討論區都係為開心jei...
我強調私人網站, 唔係話大家唔可以俾意見, 當然可以俾, 而是
我唔希望大家係度當左係什麼商號的顧客服務部, 什麼政府的
投訴部, 一味只是鬧, 要求什麼什麼回應, 點樣好好的危機處理,
鬧到真係好似邊個欠左你咁.....而是真係希望一個較良好的溝通...
而且再講, 其實這只是一個討論區, 一個工餘輕鬆d的地方, 大部分
事情, 其實都只是好少事, 我想部分版友, 首先就係要唔好將一d事
放大晒咁睇, 好似禁止評分, 本身都只是一件好少的事, 又未去到停版,
但如果放大到去打壓言論, 控制思想, 甚至聯想到北韓, 清朝, 獨裁國
家咁去睇, 不但站務感到無奈, 批評的版友, 自己亦好辛苦吧, 將一d
少事都搞到咁勞氣....相信黎得hkitalk, 重點都係想討論交通, 而唔係
長時間係Z23 版用評分吧, 諗深一層, 禁止Z版評分, 無論意見係點都好,
同唔同意都好, 實際影響又真係好大嗎....? 將個事情放大晒睇, 又係
唔係黎hkitalk 的目的?
我唔係認為hkitalk 無問題, 如果有留意開, 我本身都有間中批評
站方的制度, 及有俾意見, 即使, 有時同工都無面俾ga, 但係, 表達
的重點係要保持係理性範圍, 有返自己的point, 而人地係容易接受lor
當然, 如果講左, 但人地都唔同意/不接受, 就無辦法, 返返去私人網站
的問題, 最終決定權始終唔會係站友身上, 我地黎得自由參與, 亦應該
俾返個尊重吧....
有時見到有d 版友, 自己都好辛苦, 不斷話呢度乜唔好, 那唔好, 又
對比其他討論區, 又不斷黎z版要求hkitalk 點改變....但又要繼續黎wor..
其實解決問題方法有好多種, 當自己的意見表達左, 都無用, 與其不斷
要求別人改變去迎合自己, 不如改變自己想法, 更為重要及容易吧....
始終一個討論區, 就算站長無所謂, 其他使用者都會有唔同意見, 如之前
有位站友不斷要hkitalk 放寬好多限制, 但其實唔少站友都反對, 又好似
評分制, 我同你都反對, 但一樣有人贊成, 所以無一個地方係可以迎合
每一個人, 有一d野, 如果接受唔到, 就要自己改變, 改變唔到, 就應該離開,
這是無辦法的現實了...
p.s. 1 面對之前版權問題, 版友1005處理上態度就好好多了, 而事實
上, 有關事件亦由站長直接處理了..
p.s. 2 其實好多人都係ga, 一黎就鬧左你先, 就算唔關事, 唔係當事人,
仲激動過當事人, 我真係唔太明ga...
[ 本帖最後由 3ASV196 於 2010-4-6 10:17 編輯 ]