原帖由 Anpretext 於 2011-3-2 23:21 發表 http://www.hkitalk.net/HKiTalk2/images/common/back.gif
所以最簡單係整多次8萬5
話時話, 區小姐潛左去邊:o?
整多次又味有幫 special interest group 話你拖跨樓市
令佢損失慘重:lol
利益矛盾的事情
順得哥情就失嫂意
今日話上車難個堆
第日上到車又可能話樓價低微
政府無幫助
紛爭沒完沒了
其實最好的解決辦法係起居屋
將富豪同平民的居所市場分開
才是良策
原帖由 PB602 於 2011-3-2 23:33 發表 http://www.hkitalk.net/HKiTalk2/images/common/back.gif
呢次改良預算案最抵讚就係新移民無份收$6,000！
唔好同我講咩歧視新移民、唔公平、分化香港人... 主流真正香港人係點諗大家心知。
閂埋門在車上飲紅酒、同埋手執斑塊飯示威(個人意見: 浪費食物!)，兩者都係極端，都不代表主流民意。
講真，今次係財政預算案，唔係施政報告，更加唔係特首競選政綱，
本份只需要管好錢財出入、配合經濟環境，公唔公平歧唔歧視都唔係財政預算要address的問題。
當然係要夠票通過，今次咁大反彈主要都係因為「未來鮑魚」實在打破了市民底線，過了此關，之後就好走。
我都好想復建居屋......
而家香港就好似一碗雲南米線，下面係滾水，上面一層雞油蓋住，
但沒有連接兩邊的米線，就只會上面肥死下面寡死。
[ 本帖最後由 DIH 於 2011-3-3 00:00 編輯 ]
原帖由 edhong 於 2011-3-2 23:49 發表 http://www.hkitalk.net/HKiTalk2/images/common/back.gif
整多次 8 萬 5 買左樓果 D 立刻同你死過囉 ... :L 咁當然唔會好似老董咁一野推哂8萬5啦:L
如果一野推哂8萬五我諗權權今次"心口痛"落台喇:lol
原帖由 DIH 於 2011-3-2 23:55 發表 http://www.hkitalk.net/HKiTalk2/images/common/back.gif
講真，今次係財政預算案，唔係施政報告，更加唔係特首競選政綱，
本份只需要管好錢財出入、配合經濟環境，公唔公平歧唔歧視都唔係財政預算要address的問題。
既然香港係行「大市場，小政府」呢條路，咁當政府錢多得滯時，唔知點駛時，咁最好就係派番俾市民，
六百萬民間智慧自然會用最合適嘅方法同你用左筆錢。
咩「政府缺乏長遠目光」呢D論點真係多鬼餘，老董年代D目光長遠到爆啦：教育改革、母語教學、八萬
五、強積金、中藥港、數碼港、科學園... 你班公民黨不如搵番老董做特首好唔好？
原帖由 053h4 於 2011-3-3 00:12 發表 http://www.hkitalk.net/HKiTalk2/images/common/back.gif
定期買地的話, 你囤地比我睇啊
咁講, 地產商係金融風暴同樓市升勢都可以有得執
香港買地又無限制一定年期內要建成樓宇
平賣土地地產商味一樣可以囤積
深灣軒一二期當年都係政府的私人參建居屋項目
之後轉私樓
最後又味比人拖左成幾年先起
同埋長X 恆X係幾年前新界北,古洞個帶一早買入好多的農地
只係等政府一批發展區藍套就可以立即去馬
原帖由 PB602 於 2011-3-3 00:04 發表 images/common/back.gif
咩「政府缺乏長遠目光」呢D論點真係多鬼餘，老董年代D目光長遠到爆啦：教 ...
母語教學 及教改 跟本是一個短淺的政治工程
連高英語教育水平-香港的其中一項利劍都放棄埋
[ 本帖最後由 頭文字TRIDENT 於 2011-3-3 00:30 編輯 ]
遲來的疑問:
想問之前既$6k 入MPF計劃，係點入？如果我有幾個MPF戶口，佢會入哂咁多個？
(假設我幾個MPF戶口都係active)
原帖由 頭文字TRIDENT 於 2011-3-3 00:26 發表 http://www.hkitalk.net/HKiTalk2/images/common/back.gif
香港買地又無限制一定年期內要建成樓宇
平賣土地地產商味一樣可以囤積
深灣軒一二期當年都係政府的私人參建居屋項目
之後轉私樓
最後又味比人拖左成幾年先起
同埋長X 恆X係幾年前新界北,古洞個帶一早買入好多的農 ...
深灣軒從來就只有三座、並無一二期之分, 而且起得好快
對岸的石排灣邨拆晒佢先開工移山, 到深灣軒入伙石排灣邨仲未平頂