探討聯營過海線合資經營的可能性
小弟同時作為巴士迷和航空迷，知道有某些地區的國際航線，得到相關政府的同意後，全面實行合資聯營，由參與的航空公司分擔成本、風險和分享利潤。於是忽發奇想，
香港的聯營過海巴士線，是否可以引入類似運作模式？
有以上想法的原因，是因為現時的制度下，聯營過海線的經營者，不論九巴或新城，
均只會從自行營運的班次獲取收入，亦只須付出自行營運班次的成本，不涉及拆帳。
眾所周知，這種營運模式，使得巴士公司並無經濟誘因吸引乘客乘搭對家公司的班次，
只會考慮自身最大利益，考慮如何令自己營運的班次賺取最大收入，而不是如何令
整條過海線對乘客的吸引力最大，增加整體的載客量和收入。同時，不少過海線，
最繁忙和載客量最高的時段，往往由同一公司包辦。於是，就出現新巴101過海後
狂搶九龍分段客、與九巴惡性競爭；九巴和新城對一些客量偏低的過海線去留問題
持不同意見，等等的現象，同時亦使得不少過海線因為要搶分段客的緣故，仍使用
不合時宜的兜路定線，大大降低營運效率和吸引力。
如果聯營過海線全面引入合資經營，由雙方共同分擔成本、風險和分享收入，屆時
九巴和新城都能從對方營運的班次拆帳，就會有著共同的利益，將整條過海線的
整體利潤最大化。就合資經營的細節，小弟有以下兩個構思：
1. 每條聯營過海線，所有成本（油費、人工、車輛折舊，等等）和車費收入，
由兩間公司以50/50的比例瓜分。
2. 每條聯營過海線，按兩間巴士公司派出的班次數目的比例，瓜分整體成本和整體收入，
不再需要考慮兩巴各自經營時段的問題。
如果合資經營可行，九巴和新城更緊密合作，預期可以大幅提升競爭力，一些不合時宜的定線
將更容易被取代（例如102可以全日拆特快102X，606可以拆線，692更容易取消），
繁忙時段將有更多特快特別班次，甚至可以強化轉乘網絡，使得更多的過海線、內陸線互轉變得可能。
只是這個想法，恐怕要有一些法律基礎支持；而具體拆帳，小弟亦明白有一定技術難度，
不過絕對不是沒有可能。不知道大家有何意見？ 如果合資經營的話,
九巴/新城可以注資入一間新公司
再按股權分賬
不過咁樣就會令車務調動冇咁靈活 其實我一直同意現時過海線, 有2間巴士公司一齊做是有問題,
不過我睇法是, 長遠應該將所有巴士線取消聯營, 正如一d新d的
線, 970, 973 etc這樣, 一間公司可以全權控制, 不但無惡性競爭,
亦能有更好更靈活的安排...又簡單得多....
當然, 現時d 過海皇牌點再分俾3間公司, 是好困難... 呢個目標係好好, 不過仲有d 問題要解決,
好似而家都有d 由一家公司獨營嘅路線, 而佢地係會同聯營路線競爭,
好似971 vs 904, 即使搞左合資後, 新巴係有904 嘅一半收入,
但佢有971 嘅全部收入, 個心依然係偏左去971, 會都係想個客上971 多過904,
結果雙方之間依然會出現競爭。
所以我都係傾向由聯營轉獨營, 咁點分拆?
都係根據過往收支紀錄, 令兩個陣營在轉變經營模式後收支維持不變;
至於過海線過左海之後做本地客問題, 我諗隨著特快線增加, 呢種情況可能會減少。 我覺得方案原意係好，
但因為巴士車務運作變化太大，所以唔可能好似飛機咁合資法。
最大分別係路面變化太大，
就算現時安排之下，如果對家時段脫班，總站都未必會安排自家公司解圍，
如果合資經營，就直情唔可以拉非過海線既車去做，
甚至乎拉左拆賬都好煩。
而正常情況下既加班車、柯打車都好難再由本土線支援，
同一時間過海線又唔可以拉去本土線做柯打，變相過海同本土車隊要獨立。
飛機班次唔會成日話加就加，相對穩定，但巴士日日運作情況都有分別，
拆賬好難傾掂數。 原帖由 3ASV174 於 2011-4-3 15:23 發表 http://www.hkitalk.net/HKiTalk2/images/common/back.gif
我覺得方案原意係好，
但因為巴士車務運作變化太大，所以唔可能好似飛機咁合資法。
最大分別係路面變化太大，
就算現時安排之下，如果對家時段脫班，總站都未必會安排自家公司解圍，
如果合資經營，就直情唔可以拉非過海線既車去 ...
咁就算合資都唔一定要分開車隊, 好似皇崗線, 都係一個好多公司合營嘅路線,
邊間公司開左幾多班就分番幾多收入, 十分公道,
如果用到過海巴士上, 甚至可以計埋d 特車行左幾多公里, 過左幾多次隧道之類嘅成本。
不過我意見到係合營會越搞越麻煩, 都係分拆好過啦 載通賣盤新創建，乜問題到解決嗮！:lol 原帖由 Choi 於 2011-4-3 17:20 發表 http://hkitalk.net/HKiTalk2/images/common/back.gif
載通賣盤新創建，乜問題到解決嗮！:lol
恐怕係遲早既事。
講返正題, 合營其實一樣有問題, 正如樓上所講, 一樣有惡性競爭問題, 一樣有不同取向問題
問題冇解決過, 反而額外增加左好多行政成本去處理拆賬。
我覺得直接變獨營或者變梅花間咁開車比較可行。
有d線(eg. 101,102)可能難d實行, 但有部分線可以做左先,
948: 變新巴獨營
692: 變九巴獨營
641: 梅花間 原帖由 ctb8107 於 2011-4-3 17:58 發表 http://www.hkitalk.net/HKiTalk2/images/common/back.gif
我覺得直接變獨營或者變梅花間咁開車比較可行。
有d線(eg. 101,102)可能難d實行, 但有部分線可以做左先,
948: 變新巴獨營
692: 變九巴獨營
641: 梅花間
如果要拆聯營線變獨營的話, 恐怕九巴要在港島搵地整返個車場
同樣地城巴亦可能需要在九龍有車場,
否則凌晨架架車過海返廠/出廠都幾高成本 由聯營變獨營係好困難既事...
起先邊個要邊條已經頭都大
之後頭尾車又要俾更多
最好我會覺得係所有線都玩梅花性質
當甩班既時候起碼都可能只係疏一倍
唔會疏得好緊要好緊要咁
兩邊巴士公司亦可以一齊分到繁忙時間既肉
但個人認為更加需要合營既係通宵路線....
[ 本帖最後由 Snoopy@FB8617 於 2011-4-3 18:50 編輯 ]