回復 20# 的帖子
[油塘<->九東海傍<->旺角<->南昌<->荔枝角]呢條定線有兩大好處:1. 避免非觀塘線沿線乘客(如將軍澳居民)利用觀塘線往返油尖旺/新界, 釋放運載量;
2. 九龍由東至西都有兩條平行路線, 確保唔會有樽頸, 大大提升九龍可發展規模上限;
戰略意義唔在講, 不如先計下數.
假設成個九東重建成80幢商業大廈(粗略估計, 應該都差唔多數目),
每幢租出30層, 每層100人, 區內番寫字樓工既人就有80x30x100=24萬.
尚且唔計遊輪碼頭既新增遊客同觀塘區本身人口, 就咁觀塘道+觀塘線+單軌鐵路可唔可以載得晒咁多人?
雖然計既方法唔太科學化, 但數面睇已經令我冇乜信心...
我唔反對九龍東半山區民享有更多對外交通設施, 畢竟果區人口不斷上升緊,
但如果真係要起中/重型鐵路, 倒不如利用鑽石山站原本劃俾沙中線既月台, 起條短線上順利秀茂坪/將軍澳半山.
(轉一次可到旺角/尖東/馬鞍山, 轉兩次可以過埋海/過埋深圳)
至於假日冇人搭問題, 我唔太認同...
第一, 條線有分流往返新界乘客既作用, 呢D客量同沿線設施無關;
第二, 遊輪碼頭、啟德大球場既人流(大球場其實係取代紅館成為新大型演唱會演出場地既好地方);
第三, 條線喺南昌接駁東涌線, 方便乘客去迪士尼;
第四, 油塘/將軍澳出旺角, 冇理由唔用佢...
至於[秀茂坪<->九龍灣<->油麻地<->西九龍]呢條定線有咩問題?
好簡單, 呢條線的確可以分流一部分九龍灣客, 但同時又令九龍灣至九龍塘段多左一堆秀茂坪客, 分流作用唔大... 原帖由 Ms.Potato 於 2012-1-24 22:26 發表 http://www.hkitalk.net/HKiTalk2/images/common/back.gif
3+2唔係一個理想嘅做法，而係將直梯轉為曲梯，增加座位。
以3AV為例，即使係3+2，加上載重限制，一架atr同一架3av載嘅人數都係差2個，咁無謂要搞到舒適度下降咁多。
3BL同ATR比，載客量可以相差30個
如果唔係載客量入手，減少班次/增加繁忙時間載客量
短期之內要解決塞車問題，只好透過巴士路線重組，但我相信阻力會更加大
如果巴士唔改善營運效率，還是「以鐵路為骨幹」吧:victory: 註：以下用語中，
東西綫＝馬鐵＋西鐵
南北綫＝東鐵過海
橫貫綫＝本文討論重點之綫路
既然而家啟德輕軌已經明朗化，我諗九龍東半山最好畀埋輕軌做，好似新加坡咁。
一於圍個圈：九龍灣＞彩福＞彩雲＞順利＞順天＞秀茂坪＞寶達＞曉光＞協和＞觀塘＞...
（粗略定線，先不理地理限制）
橫貫綫就主力做東西急行，同我最原先想法有一個分別係，
觀塘道運動場已經起緊樓，架空線由麗港城衝上將軍澳道已經冇可能，
一係將此段轉地底，一係維持架空經翠屏，一係維持架空沿茶果嶺道去油塘。
東端上唔上秀茂坪、入唔入翠林我無大意見，
暫時維持原有建議經翠屏道上秀茂坪再預留入翠林。
西端如果接入西九龍，就仍然用唔盡東涌綫九龍站至青衣站四軌段，
青衣至奧運站仍然要享受鄉郊式班次。
若橫貫綫不入西九龍，東九龍乘客要去高鐵站，可乘橫貫綫或觀塘綫，轉東西綫；
剩下只有何文田北及彌敦道的乘客往高鐵站較為不便，但我認為這些人可以用路面交通前往。
中段九龍灣至亞皆老街一段大致冇乜分歧；
我本來建議何文田北站放常盛街公園，但這個安排轉唔到南北綫。
如果旺角東站南移，就將橫貫綫改行窩打老道，何文田北站設於培正道至染布房街之間，
由於站距拉長，九龍醫院對開可以考慮設一站，
就當係社會福利，這站可以只設一個蚊型大堂。
如果旺角東站不南移，則我對何文田北站放在窩打老道或常盛街公園並無太大意見，
放在常盛街公園則無需興建九龍醫院站。
橫跨彌敦道時，無論係行亞皆老街定窩打老道都幾乎必定係鑽挖，
我就唔太buy強行叉落亞皆老街，工程期間對地面影響好難預計，
而且去到大角咀後的迴轉空間太少（我指策略上，而非實際個彎位）。
相反，油麻地相對上比較清閒，可以應付多一批轉乘客，
而綫路由此向西可順勢駁落東涌綫奧運站，減少一大段建築成本。
本綫與東涌綫共軌，有以下好處：
－青衣至奧運之間可享有頻密聯合班次；
－節省九龍西至葵青一段的建築開支；
－釋放荃灣綫荔景至太子、觀塘綫太子至九龍灣的載客量；
－轉乘西鐵無需再改建或擴建；
－吸引九龍東乘客使用機鐵（機快及東涌綫）往來大嶼山；
－與AC系統相比，隧道空間較細，建築成本可有縮減，等等。
歡迎討論。:loveliness:
[ 本帖最後由 DIH 於 2012-1-25 16:47 編輯 ] 我建議中九龍線旺角亞皆老街站應該咁起,
係深層起新車站, 地底跨過現時荃灣線, 在現荃灣線大堂的地層起地下街,
用地下街結合車站, 減少地面人車爭路的情況.
甚至可以做盡D, 地下街伸延到帝峰皇殿就好, 起到好似日本/台北的地下街
另外用現時水務署同食環署塊地, 地面用黎安置通菜街, 花園街的紅小站,
樓上起類似朗豪坊既高層商場同辦公室(由港鐵發展)
西邊用地下街連結現時荃灣線大堂, 東邊就經過新商場內的扶手電梯, 再連結現時往東站的天橋,
咁旺角站去東站就可以不用經過地面.
圖的地下街淺紅為地下街(當做-2層, 同現時荃灣線大堂差不多深), 紫色為亞皆老街站的位置(-3層),
綠色為重建後的商廈/紅小站位置
其他定線建議都係同大家差不多, 西起西九龍高鐵站,
經過海泓道富榮, 亞皆老街, 九龍醫院, 啟德(2個站都得, 一個近九龍城(轉乘東九龍線+輕軌), 一個近麗晶果邊), 彩虹(新清水灣道, 轉乘觀塘線), 四順, 東至秀茂坪
[ 本帖最後由 s3n354 於 2012-1-26 02:00 編輯 ] 原帖由 dippy 於 2012-1-26 16:33 發表 http://www.hkitalk.net/HKiTalk2/images/common/back.gif
東端如果要上山其實可以諗下取道碧雲道, 在哂草灣設藍田站(唔知可唔可以咁做, 雖然只係地面站)
咁樣不但藍田可以轉到觀塘線, 更有望係德田/藍田公園設藍田北/平田站先再上秀茂坪
詳細諗法見附圖
好處
不必伸入油 ... 太誇張啦掛... 邊有可能咁多彎:L
新線要行東九, 一係就上山, 一係就海傍, 冇得兩全其美...