原帖由 Welsh 於 2012-5-19 00:48 發表 http://www.hkitalk.net/HKiTalk2/images/common/back.gif
試解說為何車車爆棚?
依家 629 除左散場都一定唔係班班爆。
人地又鍾意坐纜車上去，個個都根據說明書話要落中環坐15C去纜車站；
再唔係就常見另一方法：坐 6 小巴唔知幾多個站轉 15A 上去。
如果內地網上繼續咁教人，大可將加開 629 中環特別車叫人落去轉15c，已經可以有一客源。
轉15A? 一年咪只可以搭幾次? :L
轉15B, 都只限紅日假期. :D
去程比較難同地鐵爭, 回程不如開條 "開篷" 615 (629 + 15合併:lol), 直接由海洋公園去纜車站啦, 做到 "點對點". :victory:
其實最緊要話到畀遊客聽629可取之處, 629自然有得留低. :loveliness:
[ 本帖最後由 3av234 於 2012-5-19 08:46 編輯 ]
原帖由 Welsh 於 2012-5-17 23:34 發表 http://www.hkitalk.net/HKiTalk2/images/common/back.gif
正當有版友不斷話 629 無生存空間,
但究竟有無人認真考慮過反對既意見/原因?
摟上有人講過 中環既意見,
亦有包有位坐既好處.
但反駁既人只係不斷話 mtr 時間快, 直接, 食得晒d客
金鐘入op 果程一定輸, 依家就係 ...
當然有認真考慮過,
深思熟慮之後認為629有位坐根本唔係賣點,
因為冇人會為左坐15分鐘唔企4分鐘而特登企係巴士站等10分鐘車
唔好同我講咁點解其他同鐵路重疊的巴士可以多客,
自己諗下點解
629想入中環, 都要有quota同路面承受到先得架,
考慮下其他道路使用者同其他巴士乘客,
條路唔係屬於629架,
就算比你入, 你都妄想可以5分鐘一班,
其他道路使用者同其他巴士乘客同你死過都似,有15分鐘一班你要還神喇
但15分鐘先一班,
等得車黎撘MTR都去到中環
PS 連692都就摺, 629唔摺都一定變頹線
[ 本帖最後由 Kaix 於 2012-5-19 10:55 編輯 ]
原帖由 Welsh 於 2012-5-19 00:48 發表 http://www.hkitalk.net/HKiTalk2/images/common/back.gif人地又鍾意坐纜車上去，個個都根據說明書話要落中環坐15C去纜車站；
再唔係就常見另一方法：坐 6 小巴唔知幾多個站轉 15A 上去。
如果內地網上繼續咁教人，大可將加開 629 中環特別車叫人落去轉15c，已經可以有一客源。
你都幾犀利, 係咪日日企係個站度數人數??
不過你放心, 南港島線開左之後,
內地網會叫哂d人搭MTR
原帖由 3av234 於 2012-5-19 08:44 發表 http://www.hkitalk.net/HKiTalk2/images/common/back.gif
其實最緊要話到畀遊客聽629可取之處, 629自然有得留低.
有乜可取之處可以話到畀遊客聽??
原帖由 Kaix 於 2012-5-19 11:09 發表 http://www.hkitalk.net/HKiTalk2/images/common/back.gif
有乜可取之處可以話到畀遊客聽??
R8剛剛減班，取消10分鐘時段：
https://www.nwstbus.com.hk/en/uploadedFiles/cust_notice/RI-CTB-R8-R8-D.pdf
唔好紙上談兵，如果呢類路線巴士比港鐵有可取之處，不如講吓點搞R8先。
629唔做，仲有72A/75/260有條件替補
留一條專線應該就難，搵其他線加兜海馬公園或者仲可以考慮
去山頂可以41A轉15，假日41A入海馬公園
原帖由 Kaix 於 2012-5-19 10:50 發表 http://www.hkitalk.net/HKiTalk2/images/common/back.gif
當然有認真考慮過,
深思熟慮之後認為629有位坐根本唔係賣點,
因為冇人會為左坐15分鐘唔企4分鐘而特登企係巴士站等10分鐘車
唔好同我講咁點解其他同鐵路重疊的巴士可以多客,
自己諗下點解
629想入中環, 都要有quot ...
都講過好多次，唔會 5 分鐘一班車，從來無人妄想 5 分鐘一班；
我從來唔會由其他線推論任何野出黎，因為每條線都有獨立環境同因素。
政府次次都係咁推論，但好多野幾年後其實唔係當初推論既結果。
Quota 樓上有人講過，地鐵開通南區線自然有機會放到出黎。
629 其實不明文規定，係唔可以俾客等車架，
個站頭一定要隨時上緊客，所以先造成一班接住一班。
大部分時候，一落到站頭，D 車都上緊客。
香港人走要快坐地鐵，但遊客唔係。
冇本地人會為左坐15分鐘唔企4分鐘，但有遊客會。
坐地鐵到中環再行上碼頭，當普遍遊客希望直車到達時
我又唔見得地鐵有咩優勢。
唔好再用 4 分鐘地鐵話地鐵好，但講到 629 就計埋等車時間。
到中環碼頭堅拿道天橋塞塞地車都係約 20 分鐘，我又唔覺 629 得會毫無競爭力。
再者，你憑咩話南港島線開左之後，內地網會叫哂d人搭地鐵?
幾頁紙，人地講629幾個賣點，你就一味話鐵路快，
所以話 629 無賣點無可取之處；
只不過係你認為鐵路快既賣點大過629姐，唔代表 629 無賣點。
咁討論落去根本就無意思。
我一D都唔犀利，只不過試過一星期有 5/6 日係海洋公園得閒時數下人數。
原帖由 Welsh 於 2012-5-19 00:48 發表 http://www.hkitalk.net/HKiTalk2/images/common/back.gif
試解說為何車車爆棚?
依家 629 除左散場都一定唔係班班爆。
連地鐵都未開, 629都做唔到班班爆
地鐵開左, 我真係唔敢想像629 個下場會有幾慘淡...
迪士尼條R8, 甚至R11, R21, R22 已經有辦你睇
個條629好大機會步佢地後塵
呢d 根本唔係黑心睇死, 而係用普通推理都推論得到...
如果你仍然擔心地鐵載唔晒, 或者有人真係無巴士不歡既
大可以繼續假日keep 住批香隧線兜海洋公園
平日既話, 我唔認為去海洋公園既客會多人到地鐵唔夠載囉.... :L
仲有, 數人數睇唔出d 乜
起碼我唔認為數人數會得出 "好多遊客會為左坐15分鐘唔企4分鐘"
一兩個都有可能既, 但唔通keep住條629去為呢一兩個服務? are you kidding?
簡單黎講, 629係有賣點, 呢點係無可置疑
但南港島線通車後呢d 所謂賣點仲存唔存在,
或者話吸唔吸引到乘客, 尤其是搭地鐵轉629個班
我個人極有保留囉....
原帖由 PB602 於 2012-5-19 11:49 發表 http://www.hkitalk.net/HKiTalk2/images/common/back.gif
R8剛剛減班，取消10分鐘時段：
https://www.nwstbus.com.hk/en/uploadedFiles/cust_notice/RI-CTB-R8-R8-D.pdf
唔好紙上談兵，如果呢類路線巴士比港鐵有可取之處，不如講吓點搞R8先。 ...
老老實實, 我等+搭 R8 去到青馬
我搭港鐵都唔知去左邊, 雖則東涌線等幾耐下
仲未計去到青馬仲要等 A/E 線
出市區肯定就坐港鐵, 去新界地區 R8 或者方便少少
但問題係有幾多新界人去迪迪尼:L 根本連香港人都少:L
P.S. R8 到而家仲有10分鐘時段真係奇跡...
作為一個遊客，
去到異地遊覽，如果有地鐵可以直達，價錢相約，相信大部份遊客都會咁做…
坐地鐵，
有固定線路、有路線圖睇，唔洗驚上錯車，就算上錯，都係o係地鐵入面…
而且，坐地鐵最多排隊入閘、等車、冇位坐，
時間又容易計，遊客玩三兩日，分分鐘都係時間，塞車塞一個鐘可能佢個旅程冇o左一截。
但坐巴士呢？
睇錯路線號碼、睇錯方向上錯車就係咁先…
就算唔洗排隊，一塞車就係咁先…
沿途有好風景就話好，冇風景睇的話(例如629)真係冇乜吸引力…
同埋，係香港人睇香港o既巴士先咁"正統"o者…
o係外國遊客心入面，巴士可能會係專呃遊客錢的遊覽車，
(例如o係內地某地方有公交係有乘務員sell乘客去做水魚睇景點)
又唔知係唔係合法交通工具…
除非巴士係獨市、或者有特別吸引之處，
否則巴士難以取代遊客心目中交通工具的first choice。
ps: 唔好話去外國咁遠，我身邊o既香港人上深圳，唔計坐的士，通常都係坐地鐵… 巴士？唔係唔會搭，但唔係first choice。
[ 本帖最後由 brian 於 2012-5-19 14:33 編輯 ]