原帖由 PB602 於 2012-10-12 23:10 發表 http://www.hkitalk.net/HKiTalk2/images/common/back.gif
中華巴士公司以前大把非過海路線蝕本，俾城巴接手後大有起色。最經典係5B，當年拍晒烏蠅，用XF行只做工半車，班次時有時無，點之城巴接手後竟然慢慢成為線皇。 ...
中巴頹做, 少客可以理解, 而城巴接手, 服務質素明顯提升, 至少用車新淨D企理D, 收費不變(?),
加上市民對生活質素要求慢慢提升, 故此城巴接手大有起色亦不無道理.
但係九巴始終係九巴, 就算派新車落頹線做, 乘客未必會理, 5B主要做西區至銅鑼灣, 沿線居住人口密集,
商業區又越做越大, 越來越繁盛, 如果keep住客少, 就要好好檢討下.
[水已抽]九巴應該迫切考慮交出專營權:handshake , 避免蝕得更多:lol [/水已抽]
九巴可以24小時個班次都係15-18, 蝕唔係因為油錢貴,管理大問題到咁, 直頭行緊中巴條舊路
九巴成日話七成線蝕,
大家又成日話年年想睇RDP,
不如望望每年有幾多九巴線,
會上RDP傾生殺廢立?
莫講話七成, 連7%線都唔夠!
即係擺明放棄, 救蝕線都費事!
有心救市o既,
點解唔係七成蝕線之中, 至少都為一半線以上,
拋少少方案o黎救,
而只係得每區寥寥可數幾條線,
仲要係幾個只減不救, 甚至毀滅o既方案?
一年到黑, F1板建議仲多過每年RDP入面傾o既路線總和!
地產霸權控制巴士公司,
根本唔係想做交通生意!
佢地只想要車廠地換起豪宅,
同埋要有一堆巴士, 製造龐大cash flow!
[ 本帖最後由 transbus 於 2012-10-13 00:19 編輯 ]
九巴呢幾年加價既論調都差唔多
唔覺得佢有用其他方法解決問題
就算比你重組到路線，又點?蝕少D會咁易滿足?
7成蝕錢，電視新聞話最蝕個廿條一個月加埋都係蝕千幾萬
又唔講下賺大錢個廿條一個月賺幾多?
RDP重組路線失敗，就走去加價，再伺機降低服務質素
究竟係要阻止九巴用呢D態度經營巴士重要D，定係重組路線重要D?
如果學似九巴建議，載客量少過3成既線就取消或重組
又有幾多路線取消到?有幾多部車剩?幾多乘客受影響?
我覺得九巴有七成蝕錢線同埋RDP唔理堆蝕錢線係兩件事黎
九巴刻意向公眾提及七成蝕錢線，無疑只係壯大自己內部虧損問題同加強加價理據說服力
但已有心水清版友提到，所謂七成蝕錢線其實包括左大量只係得幾班車的特別線
而響晚間新聞報導提及九巴只有二三十條線係蝕到入肉，即係話就話七成路線蝕，但元兇往往只係少數蝕錢王
例如報導中十分強調的692線，亦可見九巴幾想郁呢條線的決心。
所以對九巴黎講，只要郁左呢堆少數的蝕錢王，財政問題基本已經大大改善。如是者，每年提上RDP的修訂亦只會包括一堆蝕錢王，蝕得唔勁嘅線可以唔洗郁住
加上蝕得唔勁，一方面可能係客量有返咁上下，變相改動受影響乘客會較多，一般黎講都係唔郁好過郁，而且蝕得唔勁都應該唔會係問題核心。
因此我覺得唔好睇話九巴提得少少線上RDP，就等於九巴根本無心做巴士業務。
再者，大家亦知道九巴有為數不少賺錢線王，往往都係補返一眾蝕錢王嘅虧損，但當相關路線虧損程度越黎越大，既不能開源(開新線吸引新客源)，就務必節流(重組/削減服務)。所以九巴有幾多賺錢路線根本唔洗講比你聽，因為今次佢唔係響有盈餘情況下申請加價!
再者，我覺得九巴今次提出加價，除左真係希望透過加價減少虧損外(我絕不認同九巴加價目的係改善服務!)，亦係與區議會的角力的表現
過往加價報導都無咁強調區議會阻撓，睇黎九巴係有心加強同區議會之間的角力，逼區議會放棄各自的山頭主義。所以睇加價同時亦唔好忽視佢向區議會的施壓呢個潛台詞。
[ 本帖最後由 jd2522 於 2012-10-13 01:57 編輯 ]
原帖由 053h4 於 13-10-2012 01:29 發表 http://www.hkitalk.net/HKiTalk2/images/common/back.gif
巴士適度加價都應該
但九巴除左加價，確實要大力重組路線
無奈成班區議員出嚟嘈左嘈右，重組路線計劃做幾好都無用
FF:如果九記每次重組出三個評估建議，
一個係乘客角度出發，一個係公司出發，
重有一個係平衡雙方之後再出，再將三個建議比大家討論，
限期之內出唔到就唔出車行，會唔會加快重組呢？
原帖由 ATE11 於 2012-10-12 23:12 發表 http://www.hkitalk.net/HKiTalk2/images/common/back.gif
不明白何達文有何理由，仲可以留任九巴管理層?
呢個先係重點...
有時聽D年資耐既巴士佬講當年既九記同而家既九記存在既分別...
的確,
有D野唔可以否認係管理層做成...
以前有錢賺既線真係做得好好睇睇,
而家收車至上...
對伙記人工計到岩岩好,
行車時間俾到岩岩好,
D車私黎私去都係油黎...
但你做唔到生意...搵唔到錢...
同埋你D車私黎私去,
班次又係拖疏左,
變相受害既又係乘客...
自己拆自己招牌...
好啦你而家得罪左D客,
轉過頭又話公司冇錢賺要加價,
你係客聽到點會唔火都黎埋?
車...越開越疏...
錢...越搵越少...
老細刻薄伙記無心戀戰,
新人黎完又走...
你去訓練一個新人...用既又係錢...
好啦...得失完D客轉頭又攪一大堆PR野出黎...
乘客唔受落之餘你又晌度燒錢...
咁你攪黎咪又係倒錢落海...
有時有D野唔好下下賴人...
我都知有時區議會真係阻住地球轉,
但你調番轉諗,
當年咁長既一條70過成四五個區議會,
年年區議會都反對你,
你最後又係取消左...
而家你又走黎話區議會阻住你?
當年70你郁到手,
今時今日你郁唔到手?
唔好玩啦...
[ 本帖最後由 da93 於 2012-10-13 02:43 編輯 ]