原帖由 marklam 於 2006-3-20 19:04 發表
看來你埋怨西鐵生不逢時。
講真如果當時政府早於八十年代,把
興建輕鐵的金錢來興建西鐵(或者以前叫
的西北鐵路),沒有說59,61A等當時區內線,
連59M,60M,68M等線的命運與現時的
72A,73,73A線一樣。無需出 ...
西鐵生不逄時的確係事實
我自己住過屯門
仲記得九七年西鐵剛上馬時
每朝搭 962 過海
單係由龍門居去到屯門公路口已經要塞 40 分鐘
屯門公路五日一大塞
兩日一小塞
當時人人都望西鐵快Ｄ通車
點知九八年三幹通車
新界西變成另一個世界
巴士服務由可憎變成可愛
西鐵零三年先通車當然太遲
車費就更加唔洗講
西鐵上馬時預計車費每年有 10% 增長
所以諗住通車後單程可以收 $21
邊個會估到由九七年到零三年
車費反而會出現 10% 負增長？
相反將線通車時
區內巴士服務及對外交通仍處於甚差水平
將線當然易於成功n
[ 本帖最後由 ahbong 於 2006-3-20 20:26 編輯 ]
本人想知道九鐵經過今次"兵變"事件，那班曾經支持黎文熹九鐵高層會不會未來兩鐵合併受影響?
仲有, 西鐵上蓋好似一個都未成功出標書?
原帖由 hk_ayu 於 2006-3-20 10:01 發表
唔覺有幾荒謬,
限制巴士及道路網擴展的確有助減低路面交通需求
洛杉磯係一個全球引以為鑑的失敗例子,
高速公路網密集式過度發展,
導致路面交通需求一直高企,
公共交通出現零需求,
產生高度污染
...
你諗得太單純,
冇完善道路網的話,
好多設施都唔會將呢個區域列為選址,
工商業活動不靈會導致社區吸引力低落,
連拉動人口同工作機會搬入去都成問題,
又何來有足夠需求起鐵路.
可能你講得o岩既係需求乃人為,
建設得差咪創造唔到需求,
只係連你推崇既鐵路都會受害o者.
原帖由 epsilon 於 2006-3-20 23:41 發表
你諗得太單純,
冇完善道路網的話,
好多設施都唔會將呢個區域列為選址,
工商業活動不靈會導致社區吸引力低落,
連拉動人口同工作機會搬入去都成問題,
又何來有足夠需求起鐵路.
可能你講得o岩既係需求乃人 ...
為何倫敦東京巴黎香港可以係一級國際都會,
洛杉磯d高速公路咁密集反而只係次等都會??
閣下似乎將"唔完善"誤解為"不可達/難達"
商業靠人流,工業靠物流,
倫敦東京巴黎香港道路網唔係唔完善,
只係人流靠公交,物流靠道路,
道路維持適量擠塞有助維持此分工作用,
才可達至最高效率
原帖由 superay 於 2006-3-18 15:17 發表
雖然單比較九龍塘來往旺角或尖沙咀，地鐵學生價較便宜
但一比較成人價格，就會發覺東鐵的成人價，幾乎就是地鐵的學生價。
但學生優惠的確是地鐵好過九鐵的地方。
但似乎唔少成年搭客多數都會揀地鐵.
好多時見九龍塘車站去尖東方向月台都比較少人等車.
[ 本帖最後由 Trident_10.3m 於 2006-3-21 20:37 編輯 ]
sorry,吉文
原帖由 Trident_10.3m 於 2006-3-21 20:35 發表
但似乎唔少成年搭客多數都會揀地鐵.
好多時見九龍塘車站去尖東方向月台都比較少人等車.
呢樣野係相對，東鐵九龍塘站北行搭客當然會多過南行
仲有，唔係所有係地鐵九龍塘站等車都係去旺角及尖東，所以九龍塘車站去尖東方向月台都比較少人等車
有乜咁出奇
點可以咁樣比較:L
原帖由 hk_ayu 於 2006-3-21 09:30 發表
為何倫敦東京巴黎香港可以係一級國際都會,
洛杉磯d高速公路咁密集反而只係次等都會??
閣下似乎將"唔完善"誤解為"不可達/難達"
商業靠人流,工業靠物流,
倫敦東京巴黎香港道路網 ...
唔完善又何來最高效率?
人流用鐵路, 物流用道路,
概念上冇錯誤(但唔係絕對正確),
但冇必要犧牲物流效率黎禁絕人流用道路,
因為資金唔會流向道路網絡差既地方.
原帖由 Eddie 於 2006-3-18 18:41 發表
所以巴迷經常批評運吉保鐵係毫無理據
閣下不知情咪毫無根據lor
馬鐵開辦後, 沙廠日出車由700多架減到約600多架, 果100架閣下知唔知邊個叫減架? 做唔掂自己唔識減o既?
根據之前某內部數字統計, 馬鐵開辦後, 沙田區整體載客人次跌幅不足1成, 但就要減最少15%的班次, 而且部分都係不是鐵路沿線原因何在, 減幅根本已經唔成正比, 而減班的數字不是按客量跌幅作指標, 政策根本就好有問題, 只怪閣下孤陋寡聞吧
以下針對hk_ayu君的一些過激言論
一條鐵路起好, 能使交通方便, 促進地區發展, 帶旺人流, 從而帶旺自身的交通行業, 你的觀點某程度是將個cycle掉番轉咁, 只是為了將所有通勤乘客送去鐵路公司, 並令其有足夠的收益, 順道排除異己, 將其他替代或競爭路線全面取消, 實屬不智, 有完善鐵路網就冇所謂, 唔好同我講用閣下250%負載的理念套落香港, 6,6A, 102等同地鐵重疊點解會咁多人搭, 成日打爆? 我就唔信地鐵能再容納你所說要取消的大線客源吧, cut o西佢咪少人出街, 空氣好d呀? 沙中線起好乘客模式點樣變都唔知, 就諗定點cut線, 看來又是閣下發揮豐富聯想力的時候, 好彩廖局長都不是聯想力豐富的人
閣下經常引其他不切實際例子, 樣樣野可以搬字過紙咁敷淺就唔駛搞咁多野
上水同市區距離幾遠呀, 開巴士線都唔夠快啦, 油錢塞車誤點已令巴士公司唔開咁多跨區線, 雖然有些例外277X同279X做得唔錯, 但係同其他區如沙田等好難作出比較, 情況都唔同, 時間上的優勢又唔差太大, 人口分佈又唔同, 點比?
閣下經常舉出其他世界大城市做例子, 人地鐵路歷史對比香港有幾長呀, 香港發展得遲, 好多地方已經是已發展區域, 擴展的幅度與放射的網絡根本同人地無得比, 政府或鐵路公司都冇e個能力將鐵路網深入各家各戶, 請係在發表意見時需留意客觀現實環境及可執行性
若想實現閣下夢寐以求的公交王國好簡單, 所有運輸改由公營, 要想咩政策就咩政策, 唔駛煩
對不起, 已經off-topic