港鐵範圍，中方直通車撞死狗狗
http://hk.on.cc/hk/bkn/cnt/news/20140820/bkn-20140820180846915-0820_00822_001.html由此可見，原來港鐵並不如汽車駕駛者般，尊重狗狗生命，後者的交通意外原因，往往是為避免動物受害，乃尊重動物生命的一群！
為何港鐵不即時通知漁護署或愛協，到現場拯救在路軌範圍的狗狗，而是用列車處理掉？ 根本就係謀殺
為咗唔使延誤服務致罰錢
就唔理會隻狗嘅死活重開列車:@ :@ :@ 為左唔洗罰錢,港鐵可以去到幾盡?:@
為左通車,不惜成為殺人(狗)兇手,漠視狗仔既生命
呢件事反映出港鐵無恥,冷血,涼薄,自私,貪婪,無人性
香港竟然有錦樣既鐵路公司,簡直係香港之恥
倒抽100口涼氣都無用!:@ 我喺FB睇到之後即刻X咗一聲出嚟...難道恢復服務比拯救一條生命重要？
救翻隻狗MTR實會畀人讚今次事件處理得好好。
Seriously... That's unacceptable...
[ 本帖最後由 WilliamRC 於 2014-8-20 23:13 編輯 ] 原帖由 JX9097 於 2014-8-20 10:49 PM 發表 http://www.hkitalk.net/HKiTalk2/images/common/back.gif
根本就係謀殺
為咗唔使延誤服務致罰錢
就唔理會隻狗嘅死活重開列車:@ :@ :@
根本不存在罰款問題﹐因為是外來因素﹐非MTR自己問題引起﹐所以係唔需要罰。
現實係針無2頭利﹐停晒車去捉狗﹐你估引起的延誤﹐又係所有乘客都認同?
即係講出一點﹐其實點處理﹐總會得失一班人。分別係愛護動物的人﹐定係一眾趕車的乘客。
點處理﹐都會話MTR做得唔好處理有問題﹐真係夾在中間﹐左右做人難。
據知係當時上水站的職員已經按緊急制去令列車停止﹐聯同乘客想方法去救番隻狗。
FACEBOOK 入面有相看到的﹐入面亦提及最少3班車即時受影響要停車等候重開。
不過﹐唔知什麼原因﹐隻狗都係走失。結果控制中心便落指示恢復行車﹐但相關路段減低車速。
最後﹐隻狗可能周圍走﹐結果被直通車撞死。
我亦都想講多一件事﹐一隻狗如果真係跑﹐係跑得好快的﹐在有空間給它四周走的情況下﹐唔係咁易比你捉到。
而一部列車要停定亦要一段距離﹐車上司機見到隻狗突然閃出來﹐要停車亦未必停得切。
最後結論 : 隻狗係死於不幸的意外。
不幸的係MTR根本無得選擇﹐唔可能停車太耐捉狗﹐以免停晒列車做成大規模的班次延誤(骨牌效應下﹐真係連大埔都會受影響﹐再進一步便去到沙田)﹐連帶其他交通大亂。
意外係列車停唔切而撞死。 其實外國, 甚至西方國家, 有動物被車及火車撞死, 係好平常的事, 我係澳洲塔斯曼尼亞渣車, 成條路都有唔少動物屍體,
香港絕大部分鐵路範圍(重鐵)都有圍網, 已叫做較少呢d情況發生....相對上幸運
動物生命本身是需要保護, 但有時的確需要平衡, 係咪捉唔到就東鐵成日都唔駛行?
係唔係大嶼山有牛就唔俾所有車行?
有時意外就係意外, 見唔到事件上有人係故意傷害
要站在道德高地好易, 但人與動物, 生命價值有別係事實
(當然, 事件有d野未清楚, 如部直通車司機有無特別留意狗隻及見到有無響按等避免意外)
[ 本帖最後由 3ASV196 於 2014-8-20 23:37 編輯 ] 很多事情都是說易行難，停列車捉狗不是無，只係狗不會停定俾你捉，因為捉狗導致
列車不斷延誤，結果引來更多不必要投訴，要明白今時今日做任何決定總有人反對
最終狗隻不幸死亡，對職員內心並不好受，因為既要善後，又要交各式各樣報告，
無人得益只有指責 原帖由 kei_hk 於 2014-8-20 23:14 發表 http://www.hkitalk.net/HKiTalk2/images/common/back.gif
根本不存在罰款問題﹐因為是外來因素﹐非MTR自己問題引起﹐所以係唔需要罰。
現實係針無2頭利﹐停晒車去捉狗﹐你估引起的延誤﹐又係所有乘客都認同?
即係講出一點﹐其實點處理﹐總會得失一班人。分別係愛護動物的人﹐定係一眾趕車 ...
佢圍網穿咗個窿，隻狗經個窿入咗路軌範圍，又算係邊個引起？
回正題，為隻狗長期停駛又可能騎呢咗啲，但慢駛會減低行車聲浪降低警覺，起碼都應該同時頻密響號示警。 原帖由 h2o 於 2014-8-21 00:10 發表 http://www.hkitalk.net/HKiTalk2/images/common/back.gif
佢圍網穿咗個窿，隻狗經個窿入咗路軌範圍，又算係邊個引起？
回正題，為隻狗長期停駛又可能騎呢咗啲，但慢駛會減低行車聲浪降低警覺，起碼都應該同時頻密響號示警。 ...
頻密響號又會比附近居民投訴架姐！你都知東鐵附近幾多民居架啦？
針冇兩頭利，有啲野要睇大圍利益，小眾利益必須放棄，漁農處同愛護動物協會捉狗都要用特別工具啦
港鐵職員跟本冇此等工具，就咁去捉既俾狗咬又點算？如果隻狗有瘋狗症又點算？更何況隻狗會跑會走
咁易捉咩？要記住隻狗係流浪狗，唔係寵物狗，流浪狗對人的戒心好重的！
利申：我家隻狗係流浪狗，初初收養時好怕人，雖然而家已經大為改善，但仍然比其他狗膽小
有人話搵愛護動物協會或者漁護署捉狗，但好老實等得佢地黎都唔知幾時既事，唔通要成條東鐵幾十萬
乘客為左隻狗冇車搭？而且等得佢地黎隻狗都可能唔知行左去邊囉！
照事實講姐，不喜勿插