回復 10# 的帖子
我認為日本換車頻率較高的確如你所言係同行專線有關，但並非全因操勞或檢修頻密，而係新幹線路網不多，幾十年來都在同一條軸線逐步延長，
當技術不斷進步，行車速度可以加快時，舊車就必須讓位。
日本新幹線，尤其是東北，尚有空間提速。
東北新幹線提速時間表
1982：210 km/h
1985：240 km/h
1997：275 km/h
2011：300 km/h
2013：320 km/h
將來：360 km/h
至於德國的情況，ICE 在沒有高速專線的情況下可以行舊線，
當有新車加入，舊車可用來在二線地區擴展服務取代 IC
（即「被和諧」，有時行車時間無乜快到但價錢貴一截），
再者國土呈四方型，南北東西可以有多條幹線，
舊車行舊高速線、新車行新高速線，既然部車行得亦無提早報廢之理。
按維基資料推算，ICE-1 在 1991 年投入服務，
預計最遲服役至2023年，整個車系最多服役約 32 年；
而在日本，0 系結果行了 44 年先至完全退役。
[ 本帖最後由 DIH 於 2015-2-4 10:25 編輯 ] 不過要留意，最後一列零系係國鐵民營化前，即1986年才生產
新幹線使用週期的確係相對比較短
好似300系都巳經退晒，700系都開始退役
如果運用強度大，都要面對金屬疲倦的問題 原帖由 053h4 於 2015-2-3 23:43 發表 http://www.hkitalk.net/HKiTalk2/images/common/back.gif
不過要留意，最後一列零系係國鐵民營化前，即1986年才生產
新幹線使用週期的確係相對比較短
好似300系都巳經退晒，700系都開始退役
如果運用強度大，都要面對金屬疲倦的問題 ...
300系其實主要死因係縮唔倒8卡去做kodama而死.
700系退,都係因為踢無可踢,東海又要慳電而退一部份
(另一部份係渡讓左比西日本行岡山<>東京o既hikari) 本帖最後由 DIH 於 2024-8-15 17:44 編輯
第四部：City Night Line (CNL)
CNL 是 DB 旗下的夜行列車服務，有多種艙等，
包括躺椅 (Seating)、簡易臥鋪 (Couchette)、經濟臥鋪 (Economy Sleeper)、豪華臥鋪 (Deluxe Sleeper)。
Couchette 有 4-5 個牀位，類似大陸的「硬臥」，
後兩種 sleeper 在雙層車廂是上下格床，最多可容納兩名乘客，
在單層 Comfortline 車廂則多了一個中鋪，最多可容納三名乘客。
經濟臥鋪房內設有小型洗手盤，廁所浴室須全卡共用。
豪華臥鋪設有獨立廁所及浴室，在雙層臥鋪車佔去兩個經濟臥鋪的空間，
在單層 Comfortline 車卡則和經濟臥鋪大小相若，
但浴室偷位侵佔經濟臥鋪空間，換句話講即係兩者都好迫。
同日本寢台特急一樣，即使持 pass 都要畀「寢台料金」，
持二等 pass 最多可以搭到經濟臥鋪，
持頭等 pass 則最多可搭到豪華臥鋪，
兩種情況「寢台料金」都係每人 75 Euro，
當諗到同樣車程搭 ICE 至少需時 6 個鐘，都幾化算。
我在十五年前睇書見到 CNL 已經好想搭，在計劃行程時就諗可唔可以加落去，
商量後決定搭柏林至慕尼黑一段，而頭等／二等 pass 差價唔太多，一於買頭等 pass 住豪華臥鋪。
搭後感：Upgrade 去頭等 pass 搭豪華臥鋪，即使加上寢台料金都絕對物超所值，
車內非常舒適，玩完一日有自己的浴室真係好重要，我地去柏林時成 34 度呀～
連帶其他用 pass 的車程都可以搭頭等，又闊又靜，而且通常包保有位，二等真係可以多人到無位坐。
現時 CNL 雙層車廂已退役（見#18），我地都算好彩。
如果站友有興趣搭，車票（全票或寢台票）發車 90 日前開賣，
豪華臥鋪名額非常少，預訂時無須持有 pass，有買趁早。
歐洲鐵路 pass 有個 7 pm rule（click here），乘搭過夜列車（發車時間係 7 pm 後而終到時間係次日 4 am 後），
pass 使用日係計算到站當日，所以我地到慕尼黑之後都搭了高速列車使盡佢。
（2024 年更新：已改為計算過夜列車出發當日；另外，CNL 品牌已消失，德語區臥鋪列車由 Nightjet 接手，以奧地利為中心，已沒有柏林直達慕尼黑臥鋪服務；高速新線建成，ICE 由柏林至慕尼黑只需 4.5 小時，亦有兜遠路的 ICE 行駛與本文列車時間相近的過夜班次）
柏林 Hbf，21:04 發車的 CNL 1247，預計 07:05 到慕尼黑 Hbf，07:27 到慕尼黑東站。
德國境內 CNL 繼承傳統有自己名號，本班車叫 Capella。
在柏林開車時只有 5 卡，第 18-19 號車廂係雙層臥鋪車。
萬分期待
車來了，Class 101 機頭。
兩張床。如只有一人使用，上格床會事先收起。
房間內有兩張椅同一張檯，椅後面有空間擺雜物，背囊下面係個小層架，右邊有個蚊型衣櫃。
敲碎玻璃手槌
上下格床都可以撳到燈掣
門鎖壞壞地。每卡有專屬乘務員，車卡之間會上鎖，治安唔使擔心。
煙霧探測器
房間其實唔算好大，房門位置係車廂中線，好在床鋪夠舒適。
企缸，有沐浴露、花灑頭，冷熱可自己控制，而且無限制使用時間。
去水麻麻，沖完涼已經成淌水，行車期間搖下搖下更難沖，最好在停站時沖，接近十一二點的停車時間好長。
Foot for scale
廁所
鏡櫃內有風筒、毛巾、兩杯密封飲用水、插座等，設備齊全。
第二朝起身見到的田園景色。前一晚有雷雨，乘務員告知會遲到一個鐘。
我地原本係買到慕尼黑東站，然後搭 S-bahn 返轉頭以免時間過早，
而家列車遲到，大約 8 am 到慕尼黑，我地就決定直接在慕尼黑 Hbf 落車。
剛起身時列車只係在 Ansbach 附近，行成兩個鐘先到慕尼黑。
上格窗可以望天
經濟臥鋪／豪華臥鋪包含早餐，由乘務員送上，有麵包、果醬、肉醬、熱飲、果汁等。
拎住行李最麻煩就係梯級，但又只有雙層車先有咁闊落的豪華臥鋪。
走廊，向上係豪華臥鋪房間，向下係經濟臥鋪房間。另外亦有全經濟的雙層車廂。
到慕尼黑市區
落車，月台只見到通道一邊，睇唔到雙層客室分佈。
我地個車卡同好似 Susan Boyle 的乘務大媽
原來在夜晚加掛了載車車卡。為有效運用資源，各線 CNL 會在中途節點交換車廂，
這批車卡可能係由漢堡開出，又或者在柏林已有但我地唔知。
前面的座席車廂，有乘客開窗。
順帶一提，歐洲大陸車站多數不設閘機，本班車泊在最旁邊的月台，我地唔使經過車站大堂就可以直接落街。
另一晚路經月台時影到雙層一邊
（本部完，待續）
[ 本帖最後由 DIH 於 2015-3-15 21:26 編輯 ] 原帖由 DIH 於 2015-2-4 23:44 發表 http://www.hkitalk.net/HKiTalk2/images/common/back.gif
第四部：City Night Line (CNL)
CNL 是 DB 旗下的夜行列車服務，有多種艙等，
包括躺椅、四人臥鋪、經濟臥鋪、豪華臥鋪等，後兩者均為上下格床，最多可容納兩名乘客。
四人臥鋪是只有床鋪的房間，類似「軟臥」。
經濟臥鋪有上 ...
多謝分享,我最喜愛德國鐵路,特別係新版ICE3,(Velaro D), Vectron電力機車,CNL雙層豪華臥鋪WLABm171.1
另想問,雙層豪華臥鋪WLABm171.1係未西門子產品:
https://fbcdn-sphotos-a-a.akamaihd.net/hphotos-ak-xpf1/v/t1.0-9/10931283_10152664475658857_6834574719581114687_n.jpg?oh=0d473284c2205fed86af93aac2a2103e&oe=55568AB0&__gda__=1433243855_e6833d74034690b21c817d0e6585874e 補寝台計日本係JRpass 會貴過Europass
而且歐州夜行多有座卡,補數euro 已ok
係來往西班牙至其他歐州地區既Targo因是Hotel train 级
補坐卡劃位費都仲好貴
另欧州近年好似多了廉價載客私鐵,只擁列車無路權
全行國鐵缐來往各城市
呢樣日本JR都好應該有 原帖由 053h4 於 2015-2-3 23:43 發表 http://www.hkitalk.net/HKiTalk2/images/common/back.gif
不過要留意，最後一列零系係國鐵民營化前，即1986年才生產
新幹線使用週期的確係相對比較短
好似300系都巳經退晒，700系都開始退役
如果運用強度大，都要面對金屬疲倦的問題 ...
日本隧道較細，每次高速出入隧道車體面對更加大壓力，早退都有原因 原帖由 ben1985623 於 2015-2-6 12:24 發表 http://www.hkitalk.net/HKiTalk2/images/common/back.gif
多謝分享,我最喜愛德國鐵路,特別係新版ICE3,(Velaro D), Vectron電力機車,CNL雙層豪華臥鋪WLABm171.1
另想問,雙層豪華臥鋪WLABm171.1係未西門子產品:
https://fbcdn-sphotos-a-a.akamaihd.net/hphotos-ak-xpf1/v/t ...
從以下連結所知，雙層車卡可能係 Schindler 出品：
http://proaktiva.ch/zhtramnews/news/?item=310714d
CNL 雙層臥鋪自 2014 年 12 月時刻表改正後已退役 :( ：
http://www.flyertalk.com/forum/european-rail-travel/1643453-cnl-comfortline-vs-double-decker.html
這份文件有個 CNL 的 case study，值得一看（p.9-15 有車廂介紹）：
http://www.hitrans.org.uk/documents/Sleepers_Uncoupled_-_Case_Studies.pdf 原帖由 89B 於 2015-2-6 14:56 發表 http://www.hkitalk.net/HKiTalk2/images/common/back.gif
另欧州近年好似多了廉價載客私鐵,只擁列車無路權
全行國鐵缐來往各城市
呢樣日本JR都好應該有
日本人口集中在首都圈同關西，大城市間已有新幹線，無新幹線的地方又冇肉食。
在人口密集地區，私鐵有自己路軌，與國鐵直接競爭，某程度上比歐洲更進一步。
至於偏遠地區則有第三sector做緊呢樣野，但乘客唔多唯有加價。
歐洲私鐵出現，係歐盟規定須開放市場的結果，而佢地背後都有大財團／老牌運輸公司back up。
如果係同時有國鐵行的路線，必須撳低價格才有競爭力，但容易造成硬件質素不佳；
如果係全線讓渡，係就係獨市，不過人地放得畀你就知係雞肋，無後台泵水都幾難做。
例如行走多瑙河谷鐵路的 agilis 背後係漢堡高架鐵路（即地鐵）公司；
來往漢堡及科隆的 HKX 目前係由威立雅（Veolia）以合約形式營運，並逐步更新車隊；
連接慕尼黑至 Lindau 的 alex 就更加複雜，擁有權首先係拜仁州鐵路加瑞士聯邦鐵路，
之後被英國 Arriva 收購，後來 DB 又收購 Arriva，要嘔返德國部分，
再由意大利國鐵 FS 及一個法國盧森堡投資基金接手，來來去去都係政府或大型交通機構背景。
對遊客來講，最大好處就係張 pass 唔理邊間公司都可以用:victory:，
我覺得 JR 東日本轄區與歐洲情況較為相似。
[ 本帖最後由 DIH 於 2015-2-6 16:55 編輯 ] 從以下連結所知，雙層車卡可能係 Schindler 出品：
http://proaktiva.ch/zhtramnews/news/?item=310714d
估唔到Schindler都生產鐵路客車
CNL 雙層臥鋪自 2014 年 12 月時刻表改正後已退役 :( ：
http://www.flyertalk.com/forum/european-rail-travel/1643453-cnl-comfortline-vs-double-decker.html
咁CNL有什麼豪華卧鋪車廂會取代雙層臥鋪
THANKS