原帖由 053h4 於 2015-4-5 00:55 發表 http://www.hkitalk.net/HKiTalk2/images/common/back.gif
上下層咁擺，局人轉車班次接唔到咪一樣趧客
開短棍有咩咁奇怪，唔數咁遠，東鐵咪一樣有短棍
重有康城特車，北角出發唔同目的地 點解轉車接唔到一定係趕客？而家都好多人響南昌站／大圍站上落轉車啦
仲有你講長短棍，咪一樣要Ｄ客等
原帖由 3ASV196 於 2015-4-5 19:15 發表 http://www.hkitalk.net/HKiTalk2/images/common/back.gif
但如果將來"將軍澳直到東涌線", 有車係以添馬係終站, 仲要唔少班次(一半)的話, 情況就唔同, 添馬只是成條線的中間, 受影響的乘客會較多....
而將來可能會出現係, 將軍澳/北港島線西行乘客如果要去添馬以後D車站, 因為避免轉車, 就唔會上添馬短棍, 結果呢D人就會累積係沿線月台
等下架, 而由於好似站友建議, 每4班先有1班東涌車, 呢D東涌人唔會少, 而驚上唔到車/因為多人, D人唔會係月台較後位置等, 而是係月台
幕門前等, 結果呢D 去東涌的人就會係沿線月台都阻住其他人上車, 我所講就係呢D影響效率....(將來東涌仲可能有東涌東站, 東涌西站, 乘客人數只會加)
英國倫敦 District Line，
西行有三條分支、東行有兩條，連短棍共有6種班次，
部分路段仲同 Central Line、Hammersmith & City Line 共用月台，
繁忙時間有時夾埋2分鐘一班車，
倫敦月台比香港窄好多，咪一樣係噉。
講返香港，
每小時30班、1/4班次到東涌，即係大概8分鐘一班東涌車。
呢個班次，熟客應該會預時間搭車。
生客與其企咁耐，應該都會搵地方坐下。
如果成個時間表 list 出來，就更加易做啦。
其實港島線早年都有太古短棍，唔覺有問題。
[ 本帖最後由 ArnoldC 於 2015-4-6 01:28 編輯 ]
原帖由 jpoon 於 2015-4-6 01:17 發表 http://www.hkitalk.net/HKiTalk2/images/common/back.gif
點解轉車接唔到一定係趕客？而家都好多人響南昌站／大圍站上落轉車啦
仲有你講長短棍，咪一樣要Ｄ客等
短棍預啱時間可以唔使等。
原帖由 rickywk 於 2015-4-5 18:37 發表 http://www.hkitalk.net/HKiTalk2/images/common/back.gif
最大問題係高速車行車期間擺動幅度遠遠大過現有港島線隧道限界，若果真係要東涌線直通運轉，批車可能要用窄車身去遷就，再加上西隧同青馬橋限制，變相影響載客量 ...
「高速行車」應該係指 80km/h 以上行車？
香港站以東，無論駁將軍澳線定係港島線，都無一處會超過 80km/h 。
就算唔係，而家估計2026年通車，但係呢類基建基本上包遲完工，到時批 A-Train 都近30年，可以換車啦。
原帖由 053h4 於 2015-4-5 18:15 發表 http://www.hkitalk.net/HKiTalk2/images/common/back.gif
第一點，機場快線未來客量似乎難再有增長
因為主要增長來源唔係商務客而係轉機同本地居民外遊
而第二點，東鐵短棍同羅湖\落馬洲，都無聽過人話會話坐錯車 ...
點會冇
仲有康城車都有人坐錯
原帖由 ArnoldC 於 2015-4-5 09:26 發表 http://www.hkitalk.net/HKiTalk2/images/common/back.gif
英國倫敦 District Line，
西行有三條分支、東行有兩條，連短棍共有6種班次，
部分路段仲同 Central Line、Hammersmith & City Line 共用月台，
繁忙時間有時夾埋2分鐘一班車，
倫敦月台比香港窄好多，咪一樣係噉。
講返香港，
... 當我地覺得香港人既一套用向大陸人身上行唔通既時候
點解你地會覺得英國或者日本既一套又一定向香港人身上行得通呢？！
即使幾多硬件數據相似都好，人始終都係最大既變數
其實我地香港人係咪睇得自己既適應力太高？
應該話，我地香港人係咪睇得我地自己既素質太高？
簡單如290/290A都話搞唔掂既時候
一個冇number既列車短棍安排真係咁易成功？
香港人一向奉行個套生活方式同英國/日本奉行個一套完全唔同
唔通，因為大家都係生活在已發展地區，所以就可以劃上等號?
原帖由 ArnoldC 於 2015-4-6 01:26 發表 http://www.hkitalk.net/HKiTalk2/images/common/back.gif
英國倫敦 District Line，
西行有三條分支、東行有兩條，連短棍共有6種班次，
部分路段仲同 Central Line、Hammersmith & City Line 共用月台，
繁忙時間有時夾埋2分鐘一班車，
倫敦月台比香港窄好多，咪一樣係噉。
講返香港，
...
本身倫敦地鐵我唔想講, 因為多方面根本比較唔到香港....
如果你有認真爬我文, 就知唔係"熟客應該會預時間搭車", "生客與其企咁耐，應該都會搵地方坐下"咁簡單就可解決,
少人咁樣當然無問題, 我多次強調係"多人"情況
依家東涌好大部分人主要係來往香港站, D乘客主要早繁香港站下車, 夜繁香港站上車, 如果試下繁忙8分鐘一班,
18:30去香港站睇下D人係點上車? 有幾多人?加埋青衣短棍唔駛8分鐘都班班爆, 而將來直車呢班人就會係北港島
線沿線上車, 再加埋新客源, 但東涌車因青馬限制不可加班, 你可以諗到部車會咩情況嗎.....
就好似依家每朝係南昌已經唔係班班上到晒D客...嚴重可能等超過2班先上到... 根本唔好講將來, 講依家, 已經好多人..
.根本繁時已經好滿...如果到時北港島線本身去添馬都多人, 短線客又會上長途東涌車, 繁忙時間d人真係會搵地方坐下?
列車埋站先施施然去上車? 唔好玩la.... 至於熟客, 點預時間都要排隊上去車ga? 我真係唔明....你講法點解決到我講的問題...
好多人覺得直車可行, 根本唔了解東涌現時運行情況,"搵地方坐等車"都講得出....就等於你係金鐘見班車咁滿, 叫人搵
地方坐等下班少d人先上一樣, 唔知你要等到幾點呢....
咁多人唔明, 舉個例子, 可以易d想像, 就係依家東鐵北行開沙田短棍, 但沙田短棍會佔列車比例係一半....試想像沿線月
台結果會係點?
港島線太古短棍 ? 好例子, 不如又試下依家mtr 係港島線每2班有一班太古短棍呢...又睇下會點? "有無問題"?
列車服務本身要全盤考慮, 包括極端時情況, 尤其香港鐵路乘客比例將來只會加, 本身如果網絡都不斷加強係無問題,
但東涌線正正因為基建限制已無法再加強, 但這情況下將其列車直接再延長一倍去將軍澳, 再將其列車夾雜於超級短棍
之中(再提, 呢個短棍唔係短2個站, 係短成條東涌線), 要可能4班先有1班/2班東涌車, 引發的問題唔係咁簡單可以講"無問題"吧....
[ 本帖最後由 3ASV196 於 2015-4-6 08:44 編輯 ]