本帖最後由 ViviTse 於 2020-7-13 04:35 編輯
kc_loo 發表於 2020-7-12 01:07
不過東港城感覺真係消費力比較低............
比起將軍澳南/天晉就應該係，但如果同寶林/新都城、調景嶺/彩明、尚德、或者南豐果邊比，東港城消費力絕對唔低wo
ViviTse 發表於 2020-7-13 04:34
比起將軍澳南/天晉就應該係，但如果同寶林/新都城、調景嶺/彩明、尚德、或者南豐果邊比，東港城消費力絕對 ...
但事實你見東港城行既人多, 入鋪頭既人少
同埋一貴少少既店鋪都做唔得耐
東港城十幾年其實都無幾何無吉位
kc_loo 發表於 2020-7-13 11:16
但事實你見東港城行既人多, 入鋪頭既人少
同埋一貴少少既店鋪都做唔得耐
東港城十幾年其實都無幾何無吉位 ...
睇邊類舖頭啦，時裝、化裝品、細舖我唔太清楚佢地嘅營收，但如果超市、食肆，應該唔算差（Jusco, Taste, 一田人流都絕對唔差），而食肆方面，東港城算係一到午市/晚市就最早出現人龍嘅商場之一，
例如日牛、上海婆婆等可以同新都城比，當然同將南檔次比高低，係另一個問題。
本帖最後由 kc_loo 於 2020-7-13 16:16 編輯
ViviTse 發表於 2020-7-13 12:56
睇邊類舖頭啦，時裝、化裝品、細舖我唔太清楚佢地嘅營收，但如果超市、食肆，應該唔算差（Jusco, Taste,...
一個地區有人住, 對超市就有需求, 何況東港城開過既超市都係好普通, 唔係咩貴野
食肆多人來來去去果一兩間, 上海婆婆其實而家都唔算多人
其他更加差
街市裝修前, 問利強記會唔會再開, 佢話唔會, 坑口賣得已經平過寶林, 但生意都差好遠
ViviTse 發表於 2020-7-13 12:56
睇邊類舖頭啦，時裝、化裝品、細舖我唔太清楚佢地嘅營收，但如果超市、食肆，應該唔算差（Jusco, Taste,...
其實我覺得新鴻基想係將軍澳區分返唔同檔次既商場,將軍澳站個邊就專做高檔嘢,東港城就專做平民少少，你睇寶琳個新都城不斷翻新既同時, 東港城都冇乜點大執, 淨係入一入個商場廁所都分到檔次高低，連新都城個廁所都靚過東港城多多聲，東港城得個中庭同二樓個到有裝修過, 其他都係少修少補。與其晒錢去裝修轉高檔, 不如引入更多特色鋪頭仲好，尤其係食肆。講真坑口區真係冇邊間食肆假日係唔洗排隊，連南豐呢啲低一檔商場都可以有餐廳例牌排晒長龍個陣，真係諗唔到咩理由唔開食肆。
MyTiF 發表於 2020-7-13 16:49
其實我覺得新鴻基想係將軍澳區分返唔同檔次既商場,將軍澳站個邊就專做高檔嘢,東港城就專做平民少少，你睇 ...
如果我咁classify寶林、坑口、將軍澳、調景嶺附近嘅商場，會唔會有錯：
- 區內高檔次：將南新果幾個商場，例如天晉
- 區內中高檔次：popcorn、將中
- 區內中檔次：將廣、都會駅、坑口各商場、新都城
- 區內較低檔次：尚德、寶林邨、景林、富康等
不如引入更多特色鋪頭仲好，尤其係食肆
呢樣真係非常同意，但有特色/稍為唔係個個商場都見嘅食肆已經執得七七八八......
雞圍果邊有幾檔新嘅細舖仔，但全部都基本上係take-away，真係要坐低食得飽嘅特色餐廳極少
講真坑口區真係冇邊間食肆假日係唔洗排隊，連南豐呢啲低一檔商場都可以有餐廳例牌排晒長龍個陣，真係諗唔到咩理由唔開食肆。
Exactly!! 假日有時6點鬆D就已經開始等位，真係幾犀利
kc_loo 發表於 2020-7-13 16:10
一個地區有人住, 對超市就有需求, 何況東港城開過既超市都係好普通, 唔係咩貴野
食肆多人來來去去果一兩間 ...
坑口賣得已經平過寶林, 但生意都差好遠
係指雞圍 VS 新都城街市？我又唔係好覺wo，厚德街市出名貴wo，
就咁求其一search就有晒報道、有晒朵「最貴街市」，雖然D報道係早幾年嘅
食肆多人來來去去果一兩間, 上海婆婆其實而家都唔算多人
坑口食肆種類唔算多，一係就快餐店，一係就集團式嘅餐廳（仲要唔係集團式餐廳嘅其他路線，
唔知點講好，即係係最傳統/最common嘅餐廳，例如太興本身就係集團中最知名嘅餐廳之一，
而茶木算係集團旗下其他路線，但坑口多嘅係最common而非其他路線果類）。
一田對出間拉面、上海婆婆都算多人，京都勝牛之前都想開店（但唔知係社會/疫情關係所以無開），
所以情況應該未算太差嘅。但如果講「餐廳少 所以就算間間排長龍 個total人數都唔多得去邊」，
咁呢個我又無咩意見嘅。（而上海婆婆，個人覺得近年無以前嘅水準，所以可能少咗人？）
ViviTse 發表於 2020-7-13 18:25
係指雞圍 VS 新都城街市？我又唔係好覺wo，厚德街市出名貴wo，
就咁求其一search就有晒報道、有晒朵「最 ...
街市貴同負擔能力未必有開, 再貴你都要買,
數一數二平街市反而係港島區
你睇東港城咁細都仲要做到咁
kc_loo 發表於 2020-7-13 21:27
街市貴同負擔能力未必有開, 再貴你都要買,
數一數二平街市反而係港島區
街市果樣都啱嘅...... 但真心唔覺得東港城果邊消費力低，聽親人講都係將軍澳最高，坑口差將軍澳DD
btw 上年有日平日lunch諗住去坑口間日牛，點知去到已經爆晒、門口仲排咗七八個人，
於是即刻搭車去新都城，結果去到仲大把位（大概坐咗一半），坐得鬆動好多。
不過唔清楚係因為果邊食肆選擇多D，定因為東港城果邊消費力高D(?)所致
ViviTse 發表於 2020-7-13 23:45
街市果樣都啱嘅...... 但真心唔覺得東港城果邊消費力低，聽親人講都係將軍澳最高，坑口差將軍澳DD
btw 上 ...
我都唔想咁諗, 但事實係東港城幾年係差, 吉鋪越來越多, 選擇已經少, 都做唔住,
坑口來來去去都係果一兩間叫多少少人
新都城可能你見食肆吉位比較多, 易搵位,
人口都多, 但佢地選擇都多好多, 只講酒樓已經多好多
無法, 見到既已經係咁