DIH 發表於 2020-1-18 15:48
感想：

今次旅程如願以償，搭晒HS1、ECML、WCML、GWML等高速鐵路，尤其ECML及WCML兩日絕對使盡張pass。行 ...

你講蘇格蘭果幾樣我做左九成，係冇坐到Jacobite Train，因為太貴
-
Scotlland Lowlands可以好似你係倫敦玩得咁隨意，Highlands絕對唔得，我果陣揸pass都要plan得好精準，因為就算平日車都好疏，一日先得四五班車，一miss左就成個行程都打亂哂。
-
大部分路段都係單軌，全部班次夾好要係特定雙軌車站等對頭車到先行得，我試過因為Glasgow入黎Highlands架車遲左，我坐果架等成半個鐘對頭車到先行得。Highlands中途站就算夠唔夠長都好，都只係會開中間果卡車門上落，中途細站落車差唔多到站已經耍行定去中間果卡等落車。

Jacobite Train
https://www.hkitalk.net/HKiTalk2/thread-1134457-1-1.html

Caledonian Sleeper
https://www.hkitalk.net/HKiTalk2/thread-1134261-1-1.html

指定既匯合車站&燈號

感想：

今次旅程如願以償，搭晒HS1、ECML、WCML、GWML等高速鐵路，尤其ECML及WCML兩日絕對使盡張pass。行程預備頗為倉促，加上有些計劃去到當地才生變，在資料搜集及時間運用方面未臻完善，早出晚歸、比預定時間遲走、10pm才食晚餐的情況經常出現。好在大部分要做的事都做到，最高興當然係去York睇鐵路博物館同搭NYMR，較遺憾是未能參觀London Transport Museum，但在其他地方睇到的已經好足夠，再講我始終覺得交通工具係為載人而設，「活生生」才最有意義。

返來香港不足半年，發現當地鐵路專營權又再改動，變臉密過首相都算係某種樂趣（或苦中作樂）。英國鐵路私營化超過20年，比歐洲其他國家做得更徹底，除標誌外已不留國鐵痕跡，既然不少鐵路本來就係私人興建，而家某程度上都係復古，例如LNER、GWR、Great Northern等名字都係鹹魚翻生。

英國鐵路歷史真係相當悠久，George Stephenson的蒸汽機在1825年於Stockton and Darlington Railway上線後，不出30年英國多處已建起現今鐵路網之骨幹，當我知道Brigthon Main Line係1841通車時完全打個突。到1960年代Beeching Axe，不少路線已有百年歷史，對比當時香港都只係研究緊起地鐵。雖然好多人都為Beeching斬走多條路線覺得可惜，但又正正因為有一批正線規格的路線投閒置散，至會有後來的heritage railways，有大量現成設施可供鐵路發燒友用作遊樂場，造就了世上罕有、極為活躍的蒸汽機車動態保存事業。

以前對蒸汽火車只有好籠統的概念，今次在鐵路博物館睇到多款機車，亦在NYMR親身體驗活古董，之後睇埋兩本鐵路雜誌，在為是次分享整理資料的過程中，加深了對各種機車的認識，並從中窺探到，在蒸汽機車長逾百年的發展史中，設計師如何為解決挑戰絞盡腦汁，鐵路公司如何為搶佔市場各出奇謀。正因為有如此深遠的歷史，才會有現在各式各樣的路線及列車設計，而百多年前的決定，對今日的生活仍然有切身影響。

將來會否再戰英倫實在係未知之數，如果有機會，我想勇闖蘇格蘭，去下各線終點，探下「香港仔」，搵下水怪，搭下Caledonian Sleeper同The Jacobite，希望唔使等到退休。

此次鐵路分享至此完結，多謝點閱。

之後目標會整理埋巴士部分，敬請留意。

＜全篇完＞

S3BL100 發表於 2020-1-13 02:00
其實我諗一般餐車到左夜晚十點都可能無咩無咩貨剩。同埋 cold sandwich 去到西方是但一個國家都係好平常 ...

有小賣部、咁夜仲開已經好啦，而家越來越多火車得食物手推車，仲要夜咗就無。多人企、行李架/單車位滿瀉，部手推車過唔到，就咩都無得賣。

DIH 發表於 2020-1-12 15:44
第7章：Lake District

此日行程係從幾個選擇中篩選出來：

其實我諗一般餐車到左夜晚十點都可能無咩無咩貨剩。同埋 cold sandwich 去到西方是但一個國家都係好平常，本身真係唔係打算畀人翻熱食的。我舊年坐 Milan -> Lyon TGV 都因為時間所限，有其他熱食選擇下求其買左個 cold sandwich 當晚餐就算（當然當日早餐同午餐都食得相當好）

不過英國對比起對岸既法國同德國都無咩好野食就真

但架 Virgin 個小賣部咁大，我又真係其他地方既鐵路列車上面未見過

ArnoldC 發表於 2020-1-7 03:57
Yorkshire Coastliner 840 前年獲選為英國風景最靚巴士線，不過三個幾鐘車程之中，只係得 Pickering 至 Whi ...

我呢次剛好搭到近Goathland一段單程，真係幾壯觀。其實我去之前只當佢係普通巴士，坐到上層車頭先知有幾爽。

當日我見有部分乘客好似真係坐足全程，亦有普通流水客。