探討重建清麗商場的可行性

清麗商場連接有蓋行人天橋，距離屯馬線美孚站僅約2分鐘步程，卻長年十室九空，人流稀疏。

清麗苑作為所有單位自由轉讓的居屋屋苑，和仍由房委會持有的清麗商場分屬兩個獨立地段，前者位於NKIL 5752 RP，後者位於NKIL 5752 S.A。重建清麗商場為新居屋項目，或出售地皮興建精品私人住宅，均可吸引屯馬線沿線或瑪嘉烈醫院上班人士入住。到底重建清麗商場為一獨立新項目是否可行？

依家政府話自己搵夠地
應該都未必有迫切性

1. 未睇過清麗苑地契/公契，唔肯定有無用盡地積比同其他條款，如果清麗商場同清麗苑係bind埋一齊，要重建唔係只係房署話事
2. 塊地對正呈祥道，就算起樓都可能係背脊樓，又或者要做好多噪音緩解措施，吸引力可能無乜，而而家咁嘅市況做精品住宅更加唔可取

清麗商場而家出租率有九成
兩層共 15 個舖位有 14 個租出 (共 6 個租戶)

地下人流唔少，因為係居民出入必經之路
只係唯一既食店裝修殘舊又難食先無乜吸引力，個個落美孚食

清麗商場喺鐵路保護區範圍入面，實際上都同荃灣綫、港口鐵路線預留隧道相當接近，再發展潛力好有限

jpoon 發表於 2025-8-4 02:30
1. 未睇過清麗苑地契/公契，唔肯定有無用盡地積比同其他條款，如果清麗商場同清麗苑係bind埋一齊，要重建唔 ...

其實就算起到都係一棟
無咩大價值

真係重建，起個設施大樓/專科門診加商場、𨋢塔上瑪嘉烈易過好多。真係起樓都收咗九華徑先啦。

巴士的膠 發表於 2025-8-15 01:14
真係重建，起個設施大樓/專科門診加商場、𨋢塔上瑪嘉烈易過好多。真係起樓都收咗九華徑先啦。 ...

咁又唔同
清麗商場最值錢係佢劃咗入九龍。華荔邨九華徑全部都計新界 市值差一截
不過 而家市況呢塊蚊型地咁高建築成本冇乜經濟價值