點解東涌出香港尾班車咁夜 但荃灣出中環咁早既

Ricky403 發表於 2025-11-14 10:13
TWL中環開頭車平日去到太子食三班觀塘綫下行 (兩班彩虹起載、一班觀塘起載)，唔爆就奇
你見到嗰抽031呢單 ...

唔清楚以前頭車係咪一樣咁爆，亦唔清楚綠線藍線頭車前會唔會有不載客做巡軌。
如果以八十年代香港開發程度，新界得荃葵青先相對有大規模開發。
過深井入屯門就好似上深圳，元朗同大嶼山更加唔駛諗。
所以本身頭車0606中環開，0636到荃灣，比兩條線遲，當年嚟講亦係好合理。

近月巴士公司係咁提早頭車，亦反映到清晨跨區甚至長早通勤需求越來越大。
不過鐵路唔係話改就改，因為夜晚得2-4兩個鐘維修。
4點後仲要預留成個鐘以上做buffer，再等工程車返晒廠先出頭車。
除非港鐵肯提早尾車，否則好難提早頭車。
更何況港鐵好似都話過平時夜晚維修時間都唔夠。

TA7343@N241 發表於 2025-11-14 11:34
唔清楚以前頭車係咪一樣咁爆，亦唔清楚綠線藍線頭車前會唔會有不載客做巡軌。
如果以八十年代香港開發程 ...

其實係地理問題。
紅藍兩線車廠都在末端，正正係出車需時所以會出現 (如果沒有備用車過夜或提前出車去對面) 反向頭班車要好遲……

toyl 發表於 2025-11-14 16:03
其實係地理問題。
紅藍兩線車廠都在末端，正正係出車需時所以會出現 (如果沒有備用車過夜或提前出車去對 ...

有金鐘側線，叫做不至於下行頭車去到尾站掉頭先開到上行頭車

toyl 發表於 2025-11-14 16:03
其實係地理問題。
紅藍兩線車廠都在末端，正正係出車需時所以會出現 (如果沒有備用車過夜或提前出車去對 ...

依家紅線除咗往中環尾車，收車一定擺中環再做往荃灣頭車外，近年keep住另有至少三抽車夜晚不載客擺街。
平日尾車時段見過075、077、078、079都會不載客落中環，甚至001都見過。
078、079、001依幾抽尾車後先會出現，唔知係咪車廠入面空間唔夠。

冇記錯油麻地南行0601頭車，到中環後做北行第二抽車。
太子南行0608頭車，到中環後做北行第三抽車。
但擺街啲車正路全部不載客返荃灣。
如果將一兩抽車改太子起載，解決到頭車時段北行迫爆嘅問題（頭車遲加上班次疏），我自己覺得唔難，只係港鐵唔肯。
紅線住宅區主要喺太子或以北，太子起載都滿足大部分市區清晨入大嶼山／新界西嘅通勤需求。

Ricky403 發表於 2025-11-15 17:44
有金鐘側線，叫做不至於下行頭車去到尾站掉頭先開到上行頭車

改時間表前，平時紅線尾車前會有抽075不載客落金鐘側線。
只係要同工程車爭調線，深夜啲工程車大部分九龍灣廠出，其次係柴灣廠。
荃灣廠就好少擺工程車。
將軍澳廠唔清楚，但感覺應該好少。
所以一般情況下九龍灣廠啲工程車落港島線（或相反），或柴灣廠啲工程車去荃灣線做維修，就要用到金鐘側線調。

所以正常情況下，金鐘側線唔會三條軌擺晒車過夜，最盡兩條。
如果三條線擺晒車，即係工程車要頭車後先調線返廠。
而工程車等頭車後先返晒廠，好明顯唔係港鐵作風。

有幾次喺東涌線／葵芳／荔景範圍，見到啲工程車大約0515-0530過站，相信係出第一抽車前返晒廠。
試過有次鑽石山等綠線西行頭車，0545左右落到月台，直到頭車都見唔到東行工程車過站。

TA7343@N241 發表於 2025-11-14 11:34
唔清楚以前頭車係咪一樣咁爆，亦唔清楚綠線藍線頭車前會唔會有不載客做巡軌。
如果以八十年代香港開發程 ...

其實以依家夜晚少咗人出街，但頭車乘客量不變（呢十年來追過一兩次新線頭車，都見唔少客等開站搭頭車），不如尾車提早半個鐘，同時間頭車都提早半個鐘，等清晨交通多啲選達

TA7343@N241 發表於 2025-11-15 20:57
改時間表前，平時紅線尾車前會有抽075不載客落金鐘側線。
只係要同工程車爭調線，深夜啲工程車大部分九龍 ...

又唔駛泊滿，但三條入面應該會泊咗兩條
ISL一抽堅城壞車側線一抽金側，TWL一抽中環一抽金側

TA7343@N241 發表於 2025-11-15 20:43
依家紅線除咗往中環尾車，收車一定擺中環再做往荃灣頭車外，近年keep住另有至少三抽車夜晚不載客擺街。
平 ...

近年嘅話，其實可能係配合新信號測試啲野黎？
TWD未必做到3點一野踢20抽起嘅車出廠又喺5點左右收哂返廠，所以提早踢咗部分當日凌晨參與測試嘅M車出街先🤔

Ricky403 發表於 2025-11-16 08:01
近年嘅話，其實可能係配合新信號測試啲野黎？
TWD未必做到3點一野踢20抽起嘅車出廠又喺5點左右收哂返廠， ...

近年指2021-2023嘅事，去到2023下半年開始已經極少頭尾車時段去睇車，嗰時印象中未試新信號。
冇記錯依幾年一直有堆Q-Train擺荃灣廠未用得？

S3V3 發表於 2025-11-16 00:47
其實以依家夜晚少咗人出街，但頭車乘客量不變（呢十年來追過一兩次新線頭車，都見唔少客等開站搭頭車）， ...

郁尾車會搞到一班人由有車變無車搭，頭車再多人都未至於唔夠載，佢點會搵嚟搞。