用八達通咁坐輕鐵合規嗎?

例子1: 巿中心去青松, 505送車尾要等12分, 剛有614P埋站, 上614P(兆康原車變615P)直接坐到青松

例子2: 巿中心去景峰, 外區人上錯751在兆康轉返614/P去景峰

例子3A:豐景園去蝴蝶, 507去到屯碼沒按車廂廣播指示重新拍咭, 走去隔離月台坐610去蝴蝶

例子3B:屯門醫院去安定, 751一程過經友愛返安定, 沒按車廂廣播指示重新拍咭.

查過附例也問過AI, 但綜合幾個答案都不一致. 各位大大可以幫手解答嗎?

1: 無問題﹐無重覆車站。

2 :無問題﹐無重覆車站。

3A : 無問題﹐無重覆車站。3B : 唔肯定﹐可能有問題。
*註 : 我係區外人﹐唔知你提及需要再拍卡的廣播內容是什麼。


相關的乘車條款這樣寫 (link - 路線建議內﹐車費下面)

8. 已確認之八達通或單程車票只適用於從確認入站或購票車站起，作單一方向乘車前往另一車站，期間不可重複車站。乘客在回程或再乘車時(包括所有循環路綫)，必須重新確認八達通或另外購買合適車票。

車票原則 (月票或日票例外):
單程車票或已確認之八達通卡, 只可作單一方向乘車, 不可以作回程或重覆車站使用

例子1:
可以, 無重覆收費區, 合理辯解及乘車模式,
正如使用705經天水圍站, 4區>4區咁樣搭法, 官方容許

例子2:
單程車票肯定不可, 因收費區會由2>3>2, 原則上已出問題
八達通或者可以, 只可作單一方向乘車原則OK, 但呢個情況或會在查票時尷尬, 要講得出你點搭車

例子3A:
可以, 一直都有人咁做
持單程車票人士或以往未有八達通情況, 都係叫人咁做, 因為同一收費區

例子3B:
可以, 只要你解到我直搭751原車到安定, 唔記得喺市中心落車轉505,507,614等車就OK
再補充,
如果自己唔小心要由洪水橋往元朗坐了751去天逸方向, 坑尾村發現自己搭錯車, 即過對面月台轉761P去元朗方向,
呢點都不違反原則

同樣地, 如果我由山景南北上505, 去到石排對面轉返車去屯碼/市中心, 都係合法搭法
但一定唔可以搭到新圍轉車, 如查起票上來會解唔到籤

例子2, 我一向以來的認知是可以, 614/P咁疏咪先上車涼住冷氣去兆康再轉車. 但剛問過AI, AI指在兆康轉車已經不是單一方向, 應再在兆康落車再拍咭付費.

例子3B, 751去到友愛, 每班都有幾個客無落車坐返安定. 車長就算有走出駕駛倉也不會理, 但輕鐵在入邨時廣播有講 "友愛是總站, 回程必須重新確認八達通咭". 不過無指明安定是否屬於回程.   

只可以作單一方向乘車的意思
就是不可以作回程或重複車站使用
所以只要係一條線直去
由屯門泳池坐去真正的屯門泳池
雖然去到屯門碼頭要轉車
但這是可以的

hippohippohippo 發表於 2026-2-10 12:18
只可以作單一方向乘車的意思
就是不可以作回程或重複車站使用
所以只要係一條線直去

大熱天時在屯門等朋友時想搵個位坐兼涼冷氣, 用八仔俾$5.3在巿中心上505, 去到兆康轉614/614p去杯渡落車拍咭都可以?

八達通有效乘車重點是「單一方向沒有重覆車站」，意思係數乘車經過的車站要單一方向去數沒有重覆。
有時元朗上車疏車起嚟，我都試過610澤豐轉507去豐景園，就類似屯門碼頭去三聖要兆麟過對面月台轉505一樣道理。

基本上只有經過兆康以北先有可能出現不能回頭乘車的方式，兆康以南大部份都有得用繞行方式去順向乘車，查票都咬唔入