學生八達通唔可以入廿蚊三十蚊？

話說琴晚喺佐敦搭地鐵返屋企，
諗起自己張學生八達通得返十零蚊，係時候入少少錢for呢半個星期，
行到去counter想入四十蚊，
職員竟然問我張八達通負錢未，話負咗嘅可以幫我入十蚊，又叫我一係不如入五十蚊
我第一次遇到咁嘅事，就問佢係幾時開始有呢個規定同埋點解唔入得四十，
佢就話不嬲都係咁，又話咩以前…買飛…，聽完我唔知佢講乜。

但係大半個鐘之後，我喺大圍站counter入四十蚊，職員並無拒絕，好爽快咁就同我入咗四十蚊。


想問下，學生八達通係咪有規定只可以負錢時入十蚊，或者係好似其他八達通咁入五十蚊？

當時新增呢項措施係寫$10既倍數……

不過，佢「好心」提你，你增得$40，又係咪真係咁在乎要俾多$10？
(增值呢回事，俾多d錢都冇影響，因為o個$10都係用番o係搭車上)

我反而想問當負咗$34.8果陣，增值係咪最少要增值$40？系統會唔比增值$10/$20/$30

因為職員禁制既時候只係得10蚊 50 同100揀
如果你想增$40 佢就要禁一樣既制4次...

原帖由 chiuandy123 於 2014-7-24 21:04 發表
因為職員禁制既時候只係得10蚊 50 同100揀
如果你想增$40 佢就要禁一樣既制4次...

吓，但係我試過入20/30蚊，見到有啲職員可以一次過入哂，唔需要做兩三次$10喎

未試過增 $30，$40
不過就經常增 $20，但就未試過比職員拒絕
而且最後佢會出兩張單比我。

原帖由 lsc04d11 於 2014-7-24 08:28 PM 發表
當時新增呢項措施係寫$10既倍數……

不過，佢「好心」提你，你增得$40，又係咪真係咁在乎要俾多$10？
(增值呢回事，俾多d錢都冇影響，因為o個$10都係用番o係搭車上) ...

http://mtr.com.hk/ch/customer/tickets/about_octopus_add_value.html

我只知現時mtr網頁係這樣寫的

(乙) 前往任何港鐵客務中心，由職員為你的八達通增值，增值數額為港幣50元或其倍數。如屬長者八達通，或已加註「學生身分」或「殘疾人士身分」的個人八達通，最低增值額為港幣10元。

即係﹐每次係$10 或以上。
無話要$10的倍數 (反而其他的八達通卻講明係$50 或其倍數)


係唔係相關的卡主﹐喜歡增值$11又得﹐增值 $12又得.........



有時﹐唔係話卡主入多$10(即增值$50)便可解決問題。而係卡主當時根本無多餘的$10﹐這又點處理好?
莫非職員真係做更複雜的手續﹐幫事主記錄個人資料﹐再發一張單程車票供事主坐車 定係迫人買單程車票。



ps. 個人估計﹐mtr的原意係只係供人增值$10﹐之後便要$50(或其倍數)﹐係唔提供 $20,30,40的增值。不過有職員會利用重覆增值方式去處理﹐以方便有需要的乘客﹐所以有人成功增值$20,30,40。
只好怪mtr自己寫得唔清楚啦﹐比人有位入。唔知有無人好似我上面所講﹐擺明玩野﹐增值非$10的倍數。:lol

[ 本帖最後由 kei_hk 於 2014-7-25 12:36 編輯 ]

2008年之前，所有八達通都只可以增值$50的倍數，學生優惠只適用於前地鐵路線，而當時學生可以買特惠單程票（只限前地鐵）。

2008年，前地鐵和前九鐵的收費區域打通，學生優惠擴展至前九鐵路線，但同時規定學生不可以購買特惠單程票。如果學生的八達通負錢，而身上又無$50現金，就需要買成人單程票（貴咗）。為了解決這個問題，港鐵就容許學生增值$10，讓身上沒有$50的學生仍然可以增值，繼續享用學生八達通的特惠車費。

相信職員就係講緊呢段歷史。

按照以上歷史，職員所講的規定又不無道理。

原帖由 chiuandy123 於 2014-7-24 21:04 發表
因為職員禁制既時候只係得10蚊 50 同100揀
如果你想增$40 佢就要禁一樣既制4次...

我去過西灣河站增$40 有一個站務員會禁4次10蚊制
我去過九龍塘站東鐵線北大堂 站務員會直接打$40銀碼落去幫我增氫

可能個個站做法唔同