[個人建議] 7B 7M 11K 三合一變單循環

潮流興幫中九龍止血，同時九龍灣廠亦要吉翻啲資源比大上托。適逢早前同版友討論過7B呢條線，就搵佢開刀。

好多時大家想搞7B或者佢隔離條11K，通常都係覺得橫頭磡去紅磡唔需要兩條線 (唔計103啦)，所以一係就縮7B (紅巴方案)，一係就縮11K (版友方案)，又或者雙循環方案都見過。補位係補得足，問題係慳唔到幾多車。講真中九龍今時今日多左咁多地鐵站，真係冇咁多客去養住咁多架車。咁倒不如玩單循環算。

改得單循環，自然會問，順時定逆時好啲。我就區外地圖黨嚟，加上觀乎11K 雙向班次類近，可以推斷其實順逆都各有支持者，所以持開放態度，不過因為聯合道南行落土瓜灣有85系幫手，所以傾向做逆時針。

車費上兩者有分別，建議因應竹園服務範圍增加 (以及改善營收，反正沿線兩蚊客同中產客唔係少)，稍為加價至 $6.3，並於聯合道北行增設 $5.8分段優惠 (11K原價)。後來冧冧下又想打劫埋7M兩架車，所以來回都會入樂富，北行入埋雅竹街兼增設 $4.6雙向分段。班次初步訂為平日/禮拜六日頭20分鐘一班，禮拜日/其他日子夜晚九點後減至30分鐘一班。

新11K路線停站如下:
竹園邨總站
天虹小學
馬仔坑遊樂場
宏業樓 (富美街)
樂富總站 ($4.6 雙向分段收費尾站)
摩士公園
摩士公園體育館
偉東樓
(聯合道北行)
延文禮士道
(延文禮士道/登巴頓道/嘉林邊道)
東寶庭道
(沿7B現時南行走線至信用街)
紅磡街市
德民街
黃埔花園總站
紅磡邨
鶴園東街
崇潔街
石塘街
(沿11K現時北行走線至鳳舞街宏業樓，衙前圍道新增$5.8分段)
樂富總站 (新增$4.6 分段)
(鳳舞街天橋/黃大仙道)
詠善樓 (新站)
(雅竹街)
竹園南邨趣園樓 (N26)
竹園街市
竹園邨總站

因應早繁竹園去紅土一帶翻工需求，同時建議新增三班 11P，大約朝早七八點開車，走線跟足現時11K南行到紅磡火車站，之後跟5C落尖沙咀碼頭，輔助5C下路尖沙咀客流(搏可以搶5C資源)。

7B, 7M線直接取消。何文田北行唔想兜土瓜灣嘅可以用現有嘅 18<>7轉乘 (當然等得18嚟不如上翻新11K算)。

當然有唔少細位可以再執，例如係咪應該做翻紅磡灣放棄黃埔，入唔入樂富總站食唔食7M甚至做順時定逆時 etc，但大體方案都係想二合一甚至三合一，呢度應該輕鬆斬到三四架車出嚟比大上托。

紅磡開應該要有特班去載學生客返學
循環線落到去可能有D晏

7B幾難飛甩何文田
始終某啲時間有一定需求

11K來回都入樂富總站都幾倒胃口

不如剩係將7B 7M合併
7B直接拉去竹園邨
咁樣會好睇啲

kay 發表於 2026-3-7 15:45
紅磡開應該要有特班去載學生客返學
循環線落到去可能有D晏

翻學係翻九龍城學校區？睇翻觀延縮7B方案，都會冧住開翻7B紅磡特比人翻學，睇嚟都唔係冇需求。不過本身經土瓜灣都有班次見得人嘅12A，加埋加密左嘅11K (現時11K早繁行緊25/1)，初初係冧住密車換兜路嘅。不過如果真係有需求嘅話，開翻兩班7B特班都未嘗不可。

如果係翻何文田嘅話，我打算推哂上大細8仔甚至241X/45算。

kmb71k 發表於 2026-3-7 16:35
7B幾難飛甩何文田
始終某啲時間有一定需求

我覺得好睇大家點斟酌 "某啲時間"。我自己就覺得何文田就算有新樓都好，人口都係開始老化，所以會傾向密車換兜路/ prioritise早繁 (視何文田為一個目的地多過一個起點)。亦都係揀逆時針嘅一個原因之一，確保橫頭磡一帶可以優先去何文田翻工翻學。當然，正如前帖所講，如果紅磡>聯合道接受唔到要經下路，咁爆啲7B特班都唔係唔得，不過全日雙循環就不了。88X/74K式日中調轉玩法更加唔適合，除非何土其中一邊人口再跌多啲先。

所以日間20分鐘一班其實都係妥協(鬼唔望過兩年又變翻25-30)，將資源集中到喺最多人嘅時段就算。

樂富總站有 debate 過，最大問題係依家總站自己冇乜車上竹園，冇理由推哂比103。另一個玩法係拉條2B入去轉個圈，咁會順路少少，不過都係嗰句，大家接唔接受到半個鐘一班頂廿分鐘一班嘅車...

淨搞7B 7M都得嘅，7B樂富線冇天馬苑包袱，走去雅竹街都得，只係慳車效果唔明顯咁解...

根據84M，合併會跟11K個價
30分鐘線換密車一向都不切實際
然後竹園落土瓜灣無85系


直接斬7B剩返放學時間就好過合併

JH_LE4612 發表於 2026-3-7 23:46
我覺得好睇大家點斟酌 "某啲時間"。我自己就覺得何文田就算有新樓都好，人口都係開始老化，所以會傾向密 ...

103雖然有過海後既分段價，但有靚車座、兼座得又舒服，再加上班次又唔算好疏。
二來，除左港島半山可以賺到笑之外；又可以再賺埋樂富總站上竹園既客。
按道理，九巴城巴應該好樂意見到，呢個情況可以繼續維持落去。