九巴個ETA系統唔識處理定時點.
以110為例, 加連威老道ETA好似係設定為巴士到達麼地道時間若干分鐘後, 有時係8分鐘, 有時係10分鐘.
例如, 巴士於12:40到達麼地道, 加連威老道ETA就顯示為12:50.
實際上巴士會於12:45由麼地道開出, 12:45或12:46就會到達加連威老道.
但係九巴個ETA系統反應太慢, 架巴士已經由麼地道開出, 甚至乎已經到達加連威老道.
加連威老道ETA都未及更新至12:45或12:46, 所以樓主就會見到架巴士到咗站但ETA顯示5分鐘.
另外, 九巴ETA有樣嘢做得唔掂, 就係定時點 (例如110號線麼地道) 係顯示巴士預計到達定時點ge時間, 而唔係由定時點開出時間. 當巴士到達定時點巴士站之後, 嗰個班次ETA就會消失.
站喺乘客角度, 我要知道嗰班車幾點由定時點開出, 從而知道我趕唔趕得切去搭呢班車. 消失的ETA就冇辦法令乘客知道原來有班車喺定時點停留緊.
而新城ETA大部分情況下都可以顯示定時點巴士站ge開出時間.
順帶一提, 自從星期一至五110最尾三個班次都改為循環之後, 九巴ETA曾經有一段時間連星期六星期日以麼地道為終站ge班次都當成循環, 即係話紅隧收費廣場南行都可以見到呢啲假ETA. 唔知有幾多乘客被fake. |
樓主
