十幾年後的今日 重有人會用呢個品牌手機嗎?

早兩三年佢堆中低階機都仲有啲競爭力…但呢一兩年智能手機市場發展到連中階機都開始效能過剩既時候Nokia連中階市場都力不從心了…

E21A 發表於 2022-10-31 14:32
早兩三年佢堆中低階機都仲有啲競爭力…但呢一兩年智能手機市場發展到連中階機都開始效能過剩既時候Nokia連 ...

中高比其他大廠霸佔晒﹐好難爭佔有率。
或者講﹐中高階機的市場主要係已經高度發展的地方(eg. HK)﹐大家根本睇唔上這些中低階機。

而中低階機的市場﹐主要係發展中國家/低收入國家﹐發展潛力大好多﹐爭市場佔有率易得多。

在有限的開發成本而言﹐集中去打一個易攻佔的市場﹐回報效益會比較高。
所以﹐nokia 轉攻這個以中低機的市場﹐好易理解到。

peterkwan 發表於 2022-10-29 15:50
2018 年尾由 HTC 轉用 Nokia 新出既 8.1 到依家, 當年選擇 Nokia 係因為佢既 Android One 機比 Google Pixe ...

我部副機就係 8.1 - 6GB Ram 版本 (佢有分4 / 8 GB Ram的)。

如果唔係粒電開始大肚﹐我都唔會咁快賣仔換另一部。


亦都好可惜﹐Nokia 中高階機真係少之有少﹐無法吸引到我﹐所以我部副機無再買nokia了。

kei_hk 發表於 2022-10-31 17:24
我部副機就係 8.1 - 6GB Ram 版本 (佢有分4 / 8 GB Ram的)。

如果唔係粒電開始大肚﹐我都唔會咁快賣仔換 ...

佢今年同ZEISS分手，中高階已經唔多會再搞落去

我都用咗廿幾年nokia, 由feature phone到windows phone, 到今時今日的android
我係6138>8210>8250>lumia 610>lumia 830>nok9a 6>nokia 8.1>XR20

8210和8250真係好耐用, 兩部機我都用咗6-7年先壞

之後windows phone其實真心唔錯, 系統簡潔, 動態磚夠大, 可惜做唔起
相對以前手機, lumia手機冇咁耐用,
我部610用咗兩年就壞收音咪, nokia 830就壞聽電話的喇叭

到nokia 6, 可能係nokia被HMD收購後第一部手機, 除咗慢之外, 其他真心唔錯,
跌落地超過10次都唔爛, 真係連保護貼都唔駛用

之後因為實在太慢, 頂唔順換咗部8.1. 8.1硬件性能冇問題, 影相比我現在用的XR20更好
可惜佢好脆弱, 我試過兩次爆mon, usb頭又鬆, 最後因為電池發脹, 連底殼都飛起咗.

之後把心一橫, 換咗現時用緊的xr20, 睇下係咪真係好似廣告咁, 卡路士都射唔爛

kei_hk 發表於 2022-10-29 11:06
講到尾﹐都係當年Nokia 在開發上有大問題﹐才令手機市場沒落。

有touch mon的年代﹐開始進入智能手機年代 ...

當初佢搞唔掂個 Symbian，如果轉落去 Android 到都唔會死到咁慘，

當年 SE 出左部 X1 之後冇耐都整左架 X10 出黎行 Andoird，至此就開始大玩 Android 機，
HTC 又係；明明玩緊 Windows Mobile 之後都轉投 Android 陣營；
Nokia 好揀唔揀，揀去痴埋 Windows Mobile 到，呢啲真係包咬頸嘅行為。真係自作孽。

又假如當初 Nokia 冇死到，或者而家 Android 一哥都唔到三星玩。
HTC 本身都睇高一線，不過佢地 marketing + 個出新機嘅策略真係越黎越衰 …

AVD1 發表於 2022-11-1 14:10
當初佢搞唔掂個 Symbian，如果轉落去 Android 到都唔會死到咁慘，

當年 SE 出左部 X1 之後冇耐都整左架 X ...

我唔肯定當年看到的資訊有無錯。

當年 Nokia 的Symbian都算係智能機的開端﹐但最初係唔支援touch screen的。
之後﹐市場上開始有touch screen﹐於是就在S系統上加建﹐用外掛去處理touch screen輸入。

當然﹐外掛就一定係效能差及運作上有bug。

Nokia 都拖左一段時間﹐才決定重新用新由最底層重製OS﹐以便原身支援touch screen。
可是﹐投放力度不足﹐進度極慢。

去到差不多死的時間﹐新版本的symbian才可以推出市場﹐錯過晒黃金時代﹐被android搶唔少市場。

有說就係Nokia 用了唔少資源去重寫symbian﹐所以唔肯轉投android陣營。


至於你講nokia 放棄symbian 之後﹐轉用M$陣營。
無記錯係M$作怪﹐M$先搵nokia 合作﹐之後再收購了nokia。
2間公司在手機市場上都係跌到入谷底﹐大家都想求番生﹐自然肯合作。
在這個前題之下﹐好自然就係要幫 "老闆" 出機﹐而唔去推出android手機。


Sony/Sony Ericsson﹐本身都有出智能os(唔記得係自家寫﹐定係幾間廠夾埋寫)。
當然學你所講﹐好快就斬纜﹐轉用android。


HTC方面﹐本身就係靠windows phone起家。
當時﹐windows phone已經佔據絕大部份的市場。
佢係專幫其他大廠做機的OEM廠﹐之後有一定經驗之後﹐就自己推出手機。

最後一版可供廠家自製介面﹐就係6.5﹐仲係用緊舊的架構。
之後﹐M$就用新架構重寫windows phone﹐推出全新版的windows phone。
但係學埋apple的好野﹐就係唔可以用廠家的自製介面﹐同埋有嚴格的硬件要求。
令到不同廠都唔可以用硬件去打高中低階機市場﹐亦唔可以用自家介面去吸引用家。
於是﹐包括HTC在內的絕大部份廠家﹐由此時開始轉投android陣營。
M$這個決定(限制)﹐真係幫晒google。

我最後一部windows phone就係HTC 部神機 : HD2﹐唔少人之後刷ROM 成為Android 機﹐玩多好多年。


HTC的市場策略﹐真係自佢地CEO 換左做女人之後就出事。
當中有一期﹐真係笑爆咀。
跟機有個高級耳機的機款﹐就儲存量細。跟個普通耳機的機款﹐就儲存量大。
真係完全錯配資源。
難怪有人將HTC 花名改為 Help This Company


三星方面﹐其實佢都有一期想過唔用android的。
但係寫左自家OS之後發現前途有限﹐未推出市場已經放棄﹐專心用android。

在未幫google出nexus機之前﹐佢套rom真係批為垃圾級﹐bug多及用電高。
同期的LG 都有相同問題﹐又係直到幫Goolge代工出nexus為止。

傳聞係google 出手幫2間韓國廠處理os的調校及 "教導" 他們寫apps的技術﹐才追得番當時的HTC等大廠的水平。