十幾年後的今日 重有人會用呢個品牌手機嗎?

相信呢度唔少板友都有聽過「諾基亞」（Nokia）呢個品牌。
佢曾經係手機市場嘅龍頭，不過隨後因為iOS、Android陣營冒起而令市場份額下降
2013年，Microsoft收購諾基亞手機製造、設備同服務業務，並於翌年完成交易。此時，「Nokia Lumia」呢個名字一度存在喺手機市場上，小弟亦都見過身邊嘅人有用過有關產品
後來，Microsoft又將有關業務售予手機代工商F，同時諾基亞亦向芬蘭公司HMD Global授予全球獨家專利使用權，允許H公司以Nokia品牌之名生產Android產品

而家所見嘅Nokia產品，除咗Android手機同平板，仲有一啲平價function phone。
老實講，仲用緊Nokia嘅，大有人在。

小弟廿多年前第一部手機至今，
一路未擁有過諾基亞以外嘅手機，
包括Windows Phone年代嘅Lumia系列。
個人認為WP嘅動態磚好睇同好用過Android嘅版面，
未能興起著實可惜。

唯一用過嘅non Nokia，係多年前公司提供嘅手機。
（公司機唔係小弟擁有）

有無師兄/姐都係咁？

早兩年買過部1500蚊既Nokia Android機粗粗地開工用，除左影相爭D之外都唔差

講到尾﹐都係當年Nokia 在開發上有大問題﹐才令手機市場沒落。

有touch mon的年代﹐開始進入智能手機年代﹐亦係nokia開始步入死亡階段。

原來﹐佢係因為食老本而出事。
事關佢套OS 本身係唔支援touch mon的﹐只不過用外掛形式去加上去﹐令到手機硬件性能好都無用﹐都係限制了成部機的效能﹐結果就越來越多問題﹐加上android的出現﹐用家自然離開。

去到佢重新編寫過一套全新版本支援touch mon的OS﹐已經太遲了﹐已經失去大部份的客仔。

google & apple的智能機又越做越好﹐加埋配套支援﹐真係好難令用家用番nokia。


而M$ 本身係智能機的大亞哥﹐但係佢一個錯誤決定﹐跟apple去純一OS﹐唔再容許廠家自定OS介面﹐又趕走唔少用家及廠家。

其後轉新ver的OS﹐動態磚﹐都吸引唔到廠家去生產。
如果唔係當時買了nokia(唔記得係部份定係全部權益)﹐可能win phone 那時已經玩完。

win phone最後都因為市場支援性問題﹐根本無人肯寫apps﹐所以M$都面對現實﹐自己正式放棄智能手機市場。

最後﹐Nokia 去到HMD手中﹐以android作為OS再打江湖。
有一段時期都在香港都算進取的﹐以中階/中高階手機﹐加埋售價唔算貴﹐都有一定吸引力。
其中一樣野就係3年更新﹐當時無幾多間廠會提供。

可惜﹐市場都係競爭大。
高階/中高階機好難同大廠爭﹐於是改為主打中階及低階市場﹐令到在香港地更少人會買。


ps. 我有2部nokia手機﹐公司手機1部(使用中)﹐自己的副機1部(已賣出)。

2018 年尾由 HTC 轉用 Nokia 新出既 8.1 到依家, 當年選擇 Nokia 係因為佢既 Android One 機比 Google Pixel 平而我又唔想有咁多 bloatware (唔想為咗 del 尐 bloatware 去 root 部機), 咁我就可以只係裝自己需要用既同自己寫既 app.
部機用咗接近 4 年個 performance都重算唔錯.

上年清里數果陣意外遇到X10/X20上巿無耐換咗部X10返嚟用，結果都唔錯，鏡頭又靚而且原生Android足3年更新兼兩年保養

講返XpressMusic系列
佢係當年Nokia為咗迎戰Sony Ericsson嘅Walkman而推出嘅音樂手機，設計上可作為可攜式音樂器之用
除支援microSD卡外，亦備有內置揚聲器及耳機插頭

反觀現今手機市場，內置揚聲器已經成為標準，個別更經過大廠調校
但係廠家喺高階機種上，卻不再支援microSD擴充 同 3.5mm耳機插頭，會否有點美中不足？

智能手機用過nokia8
旗艦機規格4000蚊有找, 算係性價比高
最重要係唔會咁易同人撞機

我由第一部電話開始就係用Nokia
（6150 > 8210 >  6230 > N73 > X6）
去到X6之後終於頂唔順轉會iPhone 4S，6plus後轉過會去LG G5
最後都係揀番iPhone X，用到依家

Nokia其實真係衰在冇與時並進
若果一早投入touch mon市場的話
應該未致於兵敗如山倒