就快2024調圖，你認為香港高鐵有乜改變?

CR400AF-1006 發表於 2024-4-12 18:09
但問題係....港深之間交通資源都已經好豐富，根本唔係東鐵爆獲的話，高鐵可以專注出省...始終依家最高客 ...

當初阿董年代只係叫區域快線咋

講到短月台, 其實某些由兩抽車重連且港段乘客不多的班次可否 西九龍出發只是9-16卡果組, 然後到内地段車站(例如深圳北/廣州南)先再同不跨境的1-8卡重聯, 增加短月台利用率

FatStupid 發表於 2024-4-14 13:07
講到短月台, 其實某些由兩抽車重連且港段乘客不多的班次可否 西九龍出發只是9-16卡果組, 然後到内地段車站( ...

大陸唔係日本，唔會搵自己麻煩去搞。同埋香港仲有長月台預留咗，有乜論據說服大陸？

站係龜嘅立場，十六卡車你留位俾深圳同廣州仲好，香港客坐到短途之餘，車同乘務都唔駛佢出，唔係就唔會搞到大堆長途車加停福田。

CR400AF-1006 發表於 2024-4-12 18:09
但問題係....港深之間交通資源都已經好豐富，根本唔係東鐵爆獲的話，高鐵可以專注出省...始終依家最高客 ...

非也. 而家大時大節我一定高鐵避開過關人潮

CR400AF-1006 發表於 2024-4-12 18:09
但問題係....港深之間交通資源都已經好豐富，根本唔係東鐵爆獲的話，高鐵可以專注出省...始終依家最高客 ...

本身香港段高鐵個設計同定線，包括總站放西九龍，都係因為想將條線當城際用，而廣深港之間客流亦都支撐得到一條城際線，但而家中國高鐵網絡擴張，國鐵用呢條線入到嚟香港，搞到票務同候車安排同邊境檢查同安保措施同車站設計都要睇齊長途火車，令到條線分流廣深港間客流嘅功用被大幅削弱，先至要講話要點救條線。
如果真係專做國鐵嘅話，將個高鐵站搬去牛潭尾，然後將牛潭尾至西九龍之間段隧道撥俾北環線直通，取代中鐵線唔駛起，慳返1000億仲好過，仲可以方便北部都會區有高鐵直達

qunow 發表於 2024-4-16 10:33
本身香港段高鐵個設計同定線，包括總站放西九龍，都係因為想將條線當城際用，而廣深港之間客流亦都支撐得 ...

安保措施其實你係咪城際都係要做，同埋其實南行高鐵方便過北行好多....不過啊董年代嘅計劃被國家upgrade到做高鐵計劃嘅時候，香港政府班人唔知道上面玩緊乜咖咩？

qunow 發表於 2024-4-16 10:33
本身香港段高鐵個設計同定線，包括總站放西九龍，都係因為想將條線當城際用，而廣深港之間客流亦都支撐得 ...

另一邊廣珠城際都係城際當高鐵用，結果加埋水魚號之後爆瀉。

香港個客流除咗長定短途車，都受制於有幾多車進港，一般高鐵只係留0000-0600做維修窗口，香港段都遲開早收，之前都有版友講過要加供電先可以再加班，而預留月台都未用。

咁就引伸到香港段繁忙時間載客率有幾多，繁忙時間有幾多剩餘容量。如果已經用盡咗，咁當然買唔到飛嘅客就用咗其他方法。

南行方便過北行之下，星期日晚深圳返香港基本上都賣得哂。