點樣知道一個女仔有無男朋友?

[ref=400864]hsu[/ref]  在 23.10.2005 10:13 發表:
抑或係西門兄曾經被人拒絕過
而有意無意地針對果位暗瘡同事呢？

我覺得身為男仔/男人都唔應該下下針對人地
仲要特別強調果位暗瘡同事
俾人有種此地無銀三百兩既感覺咯

定係因為睇唔過眼...
因為唔明點解人地有暗瘡都可以有男朋友??!!
所以次次都會咁樣強調...

算啦...我都係唔會明白的。

睇左咁耐, 想問西門兄

1. 你同那兩位女同事的關係- 你俾到我直覺上覺得你對有男朋友的女同事產生一種妒忌

2. 你是否對她們/其中一人有意- again, 你d 回文'醋意'好濃, 如果你對人有意又抵受不了她們有男朋友, 你大可以找個女朋友, 日日傾電話曬幸福; 你或者真的抵禦不住她們的行為, 你可以向上司投訴。

樓主發文背後既目的、動機或者思維，
對探討個主題都有好大作用，
你可以話佢地離題，但唔離題根本唔得深入，
對樓主既幫助亦唔會大，
反正討論女仔有冇男朋友既主題都唔係第一次，
無論如何都唔准離題既話，
板主一開始就鎖文同引導大家去舊文繼續討論就夠。

[ref=401956]S3BL103[/ref]  在 24.10.2005 16:16 發表:
夠喇....!!!!!!!!!!!!!!!!!!你地究竟知唔知道你地已經離哂題喇,
難怪有朋友同我講,hkitalk好多文章都係離題的,完全冇意思睇落去,
呢篇文章係樓主貼出o黎想問下點樣知道女仔有冇男朋友,
而唔係俾你地響度討論,討論又討論什麼公司女同事傾電話,SMS等等事,
你地想同Simon兄傾就唔該開另一篇文章慢慢傾,但唔應該響度咯.....

回正題(樓主): 其實你可以透過該女仔身邊的朋友套一套口風先, 多數會準確的, 而我之前都從一些女同學之中得知我心儀的對象暫時冇Boyfriend,我都想出擊同她有進一步發展。

雖然我唔可以代表所有有份離題討論的人，
但姑且等我講一下我的睇法...

第一，simon兄引用佢舉的例子，
係想話俾大家知點樣可以睇到一個女仔有男友，
而我地係無就呢一點而離題的。

我地離題的地方，
係講緊到底呢類人的做法有無問題，
又或者simon兄的觀念有無邏輯上的矛盾。

第二，我地當中亦都有人講到點解佢地會覺得simon兄的想法有矛盾，
而我地亦都因為比你知道更多有關simon兄跟他同事的關係，
即使我地亦都知道你提出的方法，
都沒有講出來，
原因係根本呢件事係不可能的。

第三，點解唔應該講呢?
係因為我鬧過simon兄八卦?
但係，呢一點係完全同技巧有關，
你如果一點技巧都無的，
咁就算你知道有某一種技術，
我相信係好難做到唔會得出相反效果的。

RE一RE S3BL103既文~

老實講~~~話到落底
我地一向討論開既人
基本上都知道呢度既遊戲規則點玩既
雖然我地中途傾既野與原主題或多或少離題
但我諗未必要嚴重到要去特登開另一個主題去討論囉
主要原因
去到發展家下既討論內容~正如307兄所講
都係因為西門兄所提出既內容而發展而成
因此都冇離背到本身主題
而後尾既內容
我都承認係的確稍為偏離左原旨
但係係我角度睇未算嚴重咯
每篇文總有偏離主題既機會
難道一偏離主題就要另開新文
未免太晒心機喇卦？
除非我地講既野同A13版任何一個子板不符
咁另開新文討論就可以
但我地傾既內容都未曾偏離A13版
站係我角度睇~~真係未必有需要另開主題

S3BL103兄…你既「夠啦」
係我角度睇我覺得頗有語氣過重
本身討論氣氛好好
但我一D都睇唔出你需要用上「夠啦」呢個咁重語氣既字眼既地方
我個人認為你既態度真係仲有改善既地方
希望你可以注意一下

[ref=403455]hsu[/ref]  在 26.10.2005 11:42 發表:
RE一RE S3BL103既文~

老實講~~~話到落底
我地一向討論開既人
基本上都知道呢度既遊戲規則點玩既
雖然我地中途傾既野與原主題或多或少離題
但我諗未必要嚴重到要去特登開另一個主題去討論囉
主要原因
去到發展家下既討論內容~正如307兄所講
都係因為西門兄所提出既內容而發展而成
因此都冇離背到本身主題
而後尾既內容
我都承認係的確稍為偏離左原旨
但係係我角度睇未算嚴重咯
每篇文總有偏離主題既機會
難道一偏離主題就要另開新文
未免太晒心機喇卦？
除非我地講既野同A13版任何一個子板不符
咁另開新文討論就可以
但我地傾既內容都未曾偏離A13版
站係我角度睇~~真係未必有需要另開主題

S3BL103兄…你既「夠啦」
係我角度睇我覺得頗有語氣過重
本身討論氣氛好好
但我一D都睇唔出你需要用上「夠啦」呢個咁重語氣既字眼既地方
我個人認為你既態度真係仲有改善既地方
希望你可以注意一下

我相信丁點離題其實係A13區的特色之一，
但呢個離題，誠如hsu兄所講，
並唔係無道理的。

當我們處理感情事的時候，
我們可否只看一件事來處理呢?
如果我們這樣做，
就只是頭痛醫頭、腳痛醫腳，
但根本沒有做一個詳細的檢查，
又怎能對症下藥呢?

我們若不知道一件事的來龍，
又怎能知道其去脈，
從而作出建議，
甚至小弟的看家本領之一 ﹣預測呢?

仲有，當一個人的看法跟另一個人不同的時候，
自然會有辯論的過程，
但理據又是否每每都與主題完全有關呢?
又，我們又可否知道、理解一個看法怎樣建立呢?
沒有離題的討論，
我們又怎樣可以得到一個好的討論呢?

此外，
A13區內的文章，
內容萬變不離其宗，
只是每次的事都會有一點不同，
而沒有離題討論，
我們又真的會完全了解一個人嗎?

就正如，
我們跟一個新相識的朋友交往，
我們只會跟他/她談一些雙方都熟識的事嗎?
交往的深度，就正正由此建立。

至於態度上，
或許我會覺得S3BL103兄只是路見不平，
或許當中有板友的態度亦非上佳(諸如小弟)，
為此帶來的不便，小弟表示抱歉。

只是，恕小弟不認同需要用得上「夠喇」一類的字眼...