再轉載一則反高鐵言論... (放心，我無轉軚)

e + 699億元ge撥款就通過左啦 所謂 反高鐵人士ge反應 大家上yahxx睇新聞都知
如此反應可看出該批人士之冷靜情況為下等
更不要再說分析利弊
本人認為'反高鐵人士' 必需先分析高鐵之利弊
你地可說高鐵浪費金錢 但係 試問港鐵起一條新線時 有邊條冇比人插 有邊條ge做價唔係天文數字
如果你話咁就唔好起 咁你大可以話
唔好起公屋 因為做價貴+公屋夠班輪侯緊ge人士住
唔好起商廈 因為做價貴+未必有人入去
唔好起幹線 因為做價貴+未必有車行
咁你地鐘意 keep住停滯不地 sorry 只係你地姐
大部份市民都想社會進步 經濟進步

但現今議案已通過 居然有約萬人衝擊立法會??
要動用九龍新界南之警察增緩??
已成事實 就接受左佢啦  你地咁樣攪法 政府就會讓步??
因為10000人而取消699億元撥款??? 成功率多大 大家心中有數

原帖由 回憶的呼喚 於 2010-1-17 09:01 發表
e + 699億元ge撥款就通過左啦 所謂 反高鐵人士ge反應 大家上yahxx睇新聞都知
如此反應可看出該批人士之冷靜情況為下等
更不要再說分析利弊
本人認為'反高鐵人士' 必需先分析高鐵之利弊
你地可說高鐵浪費金錢 但係  ...

我完全唔明班反高鐵人士搞咁激做乜?
1) 669億唔係去起高鐵,都唔會走去起公屋居屋架啦,香港咁多樓冇人住,不如叫香港人自己努力搵多d錢買樓,好過成日"攤大手板"搵政府求救.
2) 反高鐵人士,好多都係教書,除左去美食之旅(幾百蚊去2日,抵玩!)之外,基本上佢地好少上大陸.另外,反對者大部分都不是要納稅那班,
真正要交重稅既人,都係經常來往中港既商人,如果反高鐵既人暴動,呢班商人更加應該走去暴動,因為現時來往中港做生意用既時間太長,班
反高鐵阻頭阻勢,呢班商人俾咁多稅香港,但係政府幫唔到佢地,班商人會點諗?
3) 菜園村都話係香港象徵,香港年年都有大把鄉村舊樓被政府收番啦,根本搵來搞....天星皇后那些就反得有道理,但係菜園村算得上什麼? 第日
起沙中線,都有些村落要收回,唔通又走去反對?
4) 在錦上路做總站,要收回既村更加多,佢地口口聲聲話要五代同堂,而家班反高鐵為左個菜園村而拆人地村既堂,呢種損人利己的做法算得上什麼民主?

呢篇野垃圾至極......
講高鐵全部都從乘搭方面入手
根本避重就輕
完全冇討論過高鐵真正意義同目的