香港是否"新共產主義"復辟？

原帖由 238X 於 2010-6-15 01:00 發表


其他野可以控制，
一講到要無天災人禍，打定輸數都得，
尤其是中國天災人禍規模係世界第一流。

主題係「香港」丫嘛。

如果單講香港，就比較容易冇天災，最多都只係颱風暴雨，而家變成引頸以待的娛樂添。
人禍，只要天安門鎮壓沒有在香港來個山寨版，也不會有甚麼人禍。
黃毓民李柱銘，或鄭耀棠劉江華，佢地講乜都依然有飯食有衫著。

我心目中香港上一輩經歷過的，天災係例如制水、六一八水災、溫黛襲港等，
人禍包括二戰、內戰、大躍進、文革及六七暴動等（包括因這些事而逃難來港，苦難記憶已深印腦海），
真係影響到生死存亡，談甚麼公義？誰畀飯你食，誰就是皇帝了。
類似的事件在短時間內都應該不會在香港發生。
但我不保證香港在未來數月以至數年不會出現嚴重影響社會運作的群眾事件。

如果「社會穩定」係有得評級的話，以近來的情況我一定要降評級。

[ 本帖最後由 DIH 於 2010-6-15 10:06 編輯 ]

原帖由 DIH 於 15/6/2010 09:33 發表

如果「社會穩定」係有得評級的話，以近來的情況我一定要降評級。

香港之前被評為「社會不和諧」算不算評級？

原帖由 dippy 於 2010-6-15 23:09 發表


就算係乜野時代都會有一定既爭論
而爭論所引致既反思會引發另一波論
呢個係進步既過程
所以我認為社會係大多數時間都係處於不和諧既狀態

對啊，和諧社會你先驚：
一係假和諧，表面風光其實內藏極大怨氣（大陸正是）；
二係真和諧，大家都係冇乜思考，一旦有甚麼大風波威脅國家安全，人民以至國家機器都無經驗無能力應付。

我讀BIO，演化論的重點，亦即生命的本質，
黃霑已經寫過，「知否世事常變　變幻原是永恆」。
不懂變的生物會被淘汰，不會變的社會也只有死路一條。
物種越多樣越好，越單一的生態越不堪一擊。

[ 本帖最後由 DIH 於 2010-6-15 23:35 編輯 ]