香港是否"新共產主義"復辟？

有時我覺得近呢幾年香港簡直係＂新共產主義＂復辟。
　
大商家搶奪小店鋪（小職員）辛勤工作的成果。又市民為了層樓幫地產商打一世工，令市民生活艱苦。功能組別呢樣野原意未必有錯，但由於多數功能組別議員都是幫商家，結果俾不滿生活的市民群起攻之。

您看廿蚊張，係商人的角度根本無錯，因為人工是佔企業開支好大部分。結果成本高最終都攪到物價高，香港人又唔係接受Fair Trade 呢樣野，又入晒功能組別數，再求廢除功能組別。

也許今時今日，我覺得香港好似當年點解有共產主義出現一模一樣。

阿爺最錯係，回歸後只懂對大商家統戰，不會對受壓迫的小市民統戰。（唔好話CEPA是幫晒香港人）

P.S. 我不是幫建制派，我每次立法局區議會也投白鴿黨（區議會）和職工盟（立法局）一票。因為我唔想香港只有一把聲音。但呢數年社民連的興起，他們的手法令我感到香港會唔會有另一種"新共產主義"復辟。

[ 本帖最後由 Crotone 於 2010-6-6 20:38 編輯 ]

香港原則上個個都係自私同自視過高
唔能夠包容, 所以唔理咩政黨咩派, 都係走唔出獨裁主意
至於咩傾向大商家, 呢個世界有邊個地方唔傾向商家?
問題係個商家有無良心.
王天林晌黑社會講過一句話, 每樣野都要取得平衡,
呢樣野晌華人社會尢其係香港社會係永遠都做唔到

[ 本帖最後由 dbat98D 於 2010-6-6 21:03 編輯 ]

我相信世上無一套制度係可以永遠都work
制度就好似鐘擺咁
物極必反
而且響未走到盡頭之前好難逆轉
共產主義係資本主義走到盡頭時出現
同樣地共產主義最終響冷戰之下成為輸家亦都某程度上因為呢個制度走到左佢ge盡頭
(當然仲有好多其它理由)

我諗真正有意無意實踐馬克思「過渡論」的國家，目前只有北歐數國，
西歐有部分，但東亞一定未出現。

假如不是被人誤解誤用，這套理論其實有它的現實基礎和必然性：
要人人富足，首先要國家「中央肥胖」，之後才有照顧低下階層的餘力；
再等到低下階層都得到財富和學識，社會的貧富差距及其所導致的知識差距不太大，
道德水平、國民自覺提高，才有空間去營造人人安居樂業、無分貴賤的理想國。

由蘇聯以至毛澤東，錯就錯在基礎未建好就想跳到下一步甚至更多，
結果就是戲劇性的崩潰（蘇聯）和表裡不一的中國特色社會主義，
亦即強行把鐘擺搖向另一邊，造成極端資本主義。

香港，而家覺得以前好係因為以前大家一樣窮，其實以前的商家一樣係百般剝削甚至更厲害；
英國人在回歸前三十年的人心建設和內地的改革開放，使香港一下子搭上白金升降機；
但這部升降機未到要去的樓層便已經慢下來（單論經濟：金融風暴、SARS、金融海嘯），
上唔到去的人半天吊，既唔想回到從前的貧困，但又不肯接受不能再往上流的現實。
本來社會無風無浪繼續炒上去的話，政府手頭有更多資源扶助低下階層，會慢慢向社會主義邁進；
但現實就是香港卡在資本主義發展的其中一步，但很多人已經忍唔住了，於是就想理想國早日降臨。

可是他們忽略了，假如現在一切就依他們的要求進行，這個社會根本未儲夠「資本」去支持，
到頭來，升上頂層的少數被拉了下來（或離開），但下層的人仍然是沒有上來，
只是見到上層的人同自己困埋一齊而自我感覺良好。

[ 本帖最後由 DIH 於 2010-6-7 16:50 編輯 ]

我自己有個觀點
無論共產或資本主義, 在華人社會都演化成權力主義
香港-以金弄權
鄰近地區-以官弄權
即使放棄資本主義, 也只不過是把貨幣"bypass"咗, 最終出現各式各樣的"次貨幣";
可能是官權, 可能是欺壓, 勢力等等數之不盡的power in black market

在公司裏; 可謂一個小規模的社會模式, 員工之間都沒有甚麼資本主義, 不過, 各式各樣的階級爭鬥永無休止, 例如我做少D你做多D, 我把口大你把口細等等...

尤其是華人管理的團體, 實事實幹受欺壓, 指指點點可領功
精人出口, 笨人出手, 可謂華人社會的典範
另外小圈子文化, 東西方都有
東方的小圈子靠搞關擦鞋埋堆而組成, 西方的小圈子是共同理念的人組成一起例如各式各樣的工會...圈子劃定了利益分配的邊界, 試問東方和西方的圈子架構, 哪一種在生產鏈中具有效互相制衡的能力?

試問這些根深柢固的民族基因而造成的社會問題, 行資本/行共產真可治愈?

[ 本帖最後由 barking 於 2010-6-7 19:52 編輯 ]

原帖由 DIH 於 2010-6-7 16:48 發表
我諗真正有意無意實踐馬克思「過渡論」的國家，目前只有北歐數國，
西歐有部分，但東亞一定未出現。

假如不是被人誤解誤用，這套理論其實有它的現實基礎和必然性：
要人人富足，首先要國家「中央肥胖」，之後才有照顧低下階層的餘 ...

可唔可以闡述吓香港「未夠資本」呢個睇法?
因為就咁聽落, 我見到香港無論係政府同地產商身家都以千億計
就算無左功能組別, 中期內佢地都仍然好有錢, 業務亦唔會受到太嚴重的影響
而香港政府呢幾年, 年年派糖儲備都仲係咁升