[新聞] 九龍南線谷客 港鐵市佔再升

原帖由 KC3555 於 2010-8-19 09:19 發表

咁另一方面，我有一段時間返工係屯門至紅磡坐上客，咁我就係其中一小部份人出九龍啦。
人面全非有乜唔啱？屯門去天水圍落左一大截，天水圍人咪坐係走左嘅人個位度，跟住朗屏落ｄ，元朗落ｄ，有位就自然有人坐，咁樣係你邏輯性有問題囉。

以下討論純屬我個人每日搭西鐵的觀察及經驗。

上午繁忙時間，我都會由天水圍上車往紅磡方向，一般情況而言，天水圍站上車都好少人會有位坐，即是列車在兆康及屯門已經坐滿及有人要企位，即使有部份乘客於天水圍落車，座位在車門打開前都已立即被其他屯門乘客坐上。我觀察所見，好多天水圍既乘客就會特登唔企門位，而走入車廂坐位之間企位，搏有乘客於朗屏或元朗落車便可以更快爭到位坐。不過我所見到，通常去到朗屏及元朗，真係有座上客落車，兩站加埋都係得三五個，大部份座位既乘客都係屯門及兆康往九龍方向的乘客。

當然，隨著早上最繁忙時間過去，到非繁忙時間，往九龍的屯門客的比例會下降。但總括而言，我認為自兩鐵合併及南線通車後，長途客比例已大幅上升，而短途客數目並無特別理由上升，因此長途客理應早已沖淡短途客比例，我就比較唔相信「屯門出九龍，座位乘客人面全非」的講法，亦唔乎合我自己搭西鐵的觀察。

[ 本帖最後由 ahbong 於 2010-8-19 11:19 編輯 ]

原帖由 ahbong 於 2010-8-19 11:14 發表

以下討論純屬我個人每日搭西鐵的觀察及經驗。

上午繁忙時間，我都會由天水圍上車往紅磡方向，一般情況而言，天水圍站上車都好少人會有位坐，即是列車在兆康及屯門已經坐滿及有人要企位，即使有部份乘客於天水圍落車，座位在車 ...

再講清楚少少，我係屯門站上車，通常屯門站只係會坐滿或企兩三個，兆康站客比屯門站係多，
有學生又會係兆康站落車，天水圍站多數係屯門站上車人落車，
而多數兆康站人已經可以坐左屯門站人走左之後嘅吉位。天水圍客仲多一大部份，繁忙時間兆康同天水圍站都會有人選擇唔逼上車，
當朗屏及元朗站過左，我每一日都係發現自己身邊，對面，兩個斜對面，人面全部都唔同哂。
你觀察係啱，但係你唔同我係屯門站上車。

原帖由 homan0323 於 2010-8-19 10:54 發表
我一直都話以我係屯市觀察為根據,其他分支往屯碼我不知道,亦不在我視線範圍內。

我已建議你自己搵個時間整個時段持續去睇先有用。只係一班兩班,某D日子、某D時段坐過既班次無意思,之前都話客量會隨日子、人流定向每 ...

所以咪話你的數字唔中肯囉。屯門市中心有中環同灣仔為數不少的邨巴，
中環同灣仔邨巴一定係客滿即開，中環去屯門良景一帶晉榮系列掛大興花園及寶怡牌，幾乎8-10分鐘就上滿走人，
中環龍威往屯門碼頭約10-20分鐘一班都係上滿走人，
伍氏兄弟主力做經市中心往碼頭的灣仔邨巴10-15分鐘一班都係上滿走人，
仲有鰂魚涌，少量觀塘、九龍灣同埋上環，仲有固定路線紅磡，新蒲崗小量班次。
尖沙咀去屯門碼頭大部份都唔去市中心，
我唔係唔信你有做野，而係如果南環線影響只係講尖沙咀去屯門區的邨巴，你的數據就大部份唔適用啦。

講巴士數據，如果講可以企街數車時間我一定唔會夠你多，我亦認同一眾人話260X客係少左，
佢ｄ柯打已經Cut到所餘無幾，我都係嗰句唔重覆，不過，如果你企到咁夜，我佩服你的勇氣，
我又要返工又要返學，根本無可能咁做。
但如果10:30pm - 11:00pm到市中心的班次，就唔會 得出口囉。

[ 本帖最後由 KC3555 於 2010-8-19 12:12 編輯 ]

我剩係數佢經過屯市既車次,你無須強調有幾多條路線經屯市、幾多分支、班次點樣。經過屯市,然後往屯門各區既村巴班次係少左。

經過市中心後每班車客量我見到既客量係咁就係咁。因為大家並非同時段、同日子於同地點觀察,你自己可以對有關路線客量有你既睇法,但絕不能話人地同你觀察吾同或有部分出入就否定人地數據,甚或一刀切話大部分吾適用,哩個係吾尊重人地觀察既行為。

坦白講,你話22:30至23:00哩個鐘數點樣爆,奈何每次見同一班次既客都好吾平均,但不能否認係比之前既時段既客量好D。除非咁岩撞正你搭班車一齊見證,否則我點講都不能合乎你既客量預期,觀察行為不是同時進行係一定吾可能出現與你相同或相近既結果。

[ 本帖最後由 homan0323 於 2010-8-19 12:34 編輯 ]

原帖由 homan0323 於 2010-8-19 12:13 發表
我剩係數佢經過屯市既車次,你無須強調有幾多條路線經屯市、幾多分支、班次點樣。經過屯市,然後往屯門各區既村巴班次係少左。

經過市中心後每班車客量我見到既客量係咁就係咁。因為大家並非同時段、同日子於同地點觀 ...

如果你呢句：「1小時得7班車,仲用 形客,可想而知每班車客量有幾"好"。」無講到出口，我就唔會覺得你講嘅係嘩眾取寵。
#26的論述亦很有問題，我相信一眾住屯門的板友都不會否認。
你話在屯門市中心睇無問題，至於你話睇住邨巴屯門市中心落客前定落客後的狀況，
我敢肯定，港島入屯門的邨巴晚上九時前一定係客滿才開。第一個站係屯門市中心，
加上港島邨巴比例比尖沙咀更高，就算我係唔係企係個站到睇，都絕對唔會認同你所講得返兩三成人。
至於私返屯門，龍威車我最熟，根本佢地係唔會私返屯門，如果佢地知唔使要車增援，就會留守科大做校巴。
港島一定會堅持上到九點左右尾車客滿才走。
伍氏兄弟屯門碼頭落完客就皇珠路經屯門市中心私返總部，晉榮行完鰂魚涌線返屯門碼頭都係皇珠路經屯門市中心私返元朗。
係，你係有觀察，但你係咪真係清楚人地條定線，如何營運，定線如何，加上觀察才相得益彰。

現時題目係南環線客量增加令市場佔有率上升，唔淨係講屯門市中心邨巴客量如何，
我都尊重你的觀察，但無疑，我只係覺得你用的字眼根本有點嘩眾取寵。
由始至終我都係點出，俾數字係要中肯持平，而我在#38提出我坐的時段260X班次客量飄忽且偏高。
我一直係無否定過260X客量係低左，但係你講到咁樣，我大部份日子頂閘算係乜野？
邨巴日日都客滿即開，你話得番二三十個人，仲話吉車回空呢樣個樣，根本唔了解運作。
邨巴好少係會在市區Standby太多，頂盡只會回一部吉車返去。通常都會做到盡，
巴士司機之間都有溝通回唔回空出市區。
我講咁耐，只係想你明白到，你自己睇的數字背後係乜野。同埋根本係無助帶入題目作引證。
老實講，260X一直以來9-11嘅時段無論西鐵開左定未開都係最多人載客率最高。唔好以為我唔知。