港鐵停車位置與幕門

西鐵通車時，試過一邊車門完全停到幕門玻璃面前，只有一半位都開到門，至於地鐵就少見啲，唔知標準係咪一樣

原帖由 OTISHK 於 2014-7-12 09:10 發表
西鐵通車時，試過一邊車門完全停到幕門玻璃面前，只有一半位都開到門，至於地鐵就少見啲，唔知標準係咪一樣

如果接近一半無左, 咁可能直接影響輪椅上落, 都幾嚴重BOR

反而記得98年東涌線通車, 第一次有幕門時, 列車要停到好正先開到門, 地下仲有黃/橙斜線顯示車頭"o岩位"位置, 本身好似得約半米寬
記得係當時細d 有個職員講的....有錯請指正

原帖由 3ASV196 於 2014-7-12 10:12 AM 發表


如果接近一半無左, 咁可能直接影響輪椅上落, 都幾嚴重BOR

反而記得98年東涌線通車, 第一次有幕門時, 列車要停到好正先開到門, 地下仲有黃/橙斜線顯示車頭"o岩位"位置, 本身好似得約半米寬
記得係當時細d 有個職員 ...

西鐵的車門與幕門的「走盞位」係好少的﹐差不多可以用2者一樣闊 (相比之下)﹐所以停車位置要求好高的。

直至今天﹐都唔係每一次都可以完完全全都可以對正幕門位﹐間中都有車門 "飛" 出幕門﹐不過只係差幾寸位(同樣情況在地鐵係無問題的﹐完全在幕門範圍之內)。

會唔會影響輪椅上落?  我估普遍地又唔會令他們出入唔到﹐同其他普通乘客一樣﹐帶來一些不便囉。
當然﹐去到極端情況一半車門(一邊車門)﹐應該係剛剛好夠輪椅過的。


至於東涌線﹐其實所謂的「對正」已經比初通車時放鬆了﹐都係有時早停﹐有時遲停﹐都有很少機會輕微超出幕門範圍。
通車初期﹐9成9都係輕輕偏前少少﹐以車門關閉後中間的門膠位置同幕門相同位置比較。好似自K車引入後﹐才開始出有不同位置偏差。

我亦試過差 1/3 隻門﹐司機要做一大餐野去人手開車﹐又前又後幾次去對正幕門﹐才打開車門。(註: 近幾個月的事)


有時真係唔係唔想人手去開動列車去對番正幕門﹐但現實係這樣攬一攪真係最少用多2分鐘﹐在繁忙時間(東涌線除外)真係直接影響之後所有列車﹐有排都未追得番原有班次安排。東涌線有條件﹐只是因為班次疏(最密都只係4分鐘)唔易阻到後車﹐同埋車站距離長﹐有條件利用車速去追時間。

原帖由 kei_hk 於 2014-7-12 12:08 發表


我亦試過差 1/3 隻門﹐司機要做一大餐野去人手開車﹐又前又後幾次去對正幕門﹐才打開車門。(註: 近幾個月的事)

小弟試過，東涌埋站冇左一半至2/3車門 (單邊計)，車門開到，幕門冇反應，結果係搞左半分鐘，車長行出車廂去月台個panel 搞左D 野之後疑似「手動」打開幕門，整段期間冇重新郁過車

西鐵有時仲過份, 得2/3

2/3 應該都 OK 嘅。
香港標準係要留 900mm 畀輪椅過，
K記同U記(A記唔知)車門標準闊度都係 1400mm，
2/3 輪椅應該都過到。

其實樓主幅圖好小兒科，
另一角度諗，
一部八卡咁重嘅列車，物理上載多人載少人重心等都會影響停車準確度，所以間唔中唔正都好正常

好如果只係差六分一都唔開，要移0.5-1米基本上係好難，多左咪又係差另一邊六分一，所以除非差二分一，否則無咩理由為六分一而移前

仲有，行緊嘅車同停定再開車係好唔同，識揸棍波車都知車要起步係好多步驟，更何況係列車，時間好緊迫的

原帖由 ArnoldC 於 2014-7-15 00:40 發表
2/3 應該都 OK 嘅。
香港標準係要留 900mm 畀輪椅過，
K記同U記(A記唔知)車門標準闊度都係 1400mm，
2/3 輪椅應該都過到。

撞正晚繁既天水圍站就好麻煩
卡頭尾2門有排落

原帖由 Lelouch 於 2014-7-17 06:57 PM 發表

撞正晚繁既天水圍站就好麻煩
卡頭尾2門有排落

有幾煩﹐咪停站停耐些少﹐乘客互相遷就囉。

唔通真係唔開車門﹐再慢慢移正部車才開門?
所花的時間真係仲耐過乘客遷就上落的額外時間。

原帖由 Lelouch 於 2014-7-14 20:47 發表
西鐵有時仲過份, 得2/3

合併後? 以前未合併時的個人經驗, 對唔正的機會極少, 但一對唔正就必定要再移動. 聽講合併後千九減速度好似改過?