港鐵停車位置與幕門

今晚油麻地站荃灣線往荃灣月台, 2張相都係停車位置時影, 一張開左門, 一張關左門, 部車停到差咁遠, 直情開左門都仲有D列車開門位置入左幕門非開啟範圍,
我落車時差D撞到個幕門邊.....

其實最盡可以差多少? 這算是最盡的差距嗎

想問下你﹐當停定車之後係即刻開門﹐定係等了一陣才開門?   有無開了車門但幕門遲開的情況?

繁忙時間咁密車啲車架架都好似趕住去咁
到位就開門啦
仲會諗下爭幾多咩？

最火滾就係荔景站
荃灣線總係唔等東涌線的
好似趕住去死咁

原帖由 1005 於 2014-7-10 23:28 發表
繁忙時間咁密車啲車架架都好似趕住去咁
到位就開門啦
仲會諗下爭幾多咩？

最火滾就係荔景站
荃灣線總係唔等東涌線的
好似趕住去死咁

荃灣綫16個站34抽車唔夠2分鐘一班係咁架喇，朝早太子除非無法及時關門，否則幾乎例必唔等人添！

原帖由 1005 於 2014-7-10 23:28 發表
繁忙時間咁密車啲車架架都好似趕住去咁
到位就開門啦
仲會諗下爭幾多咩？

個問題就係咩叫"到位", 如果車門開啟位置完全無受阻礙, 本身當然無問題, 問題係佢爭位爭到幕門開左都阻礙人落車,
將開門位置實際上收窄左, 而右邊幕門更加差不多成邊上唔到車, 唔單只影響上落車速度, 亦可能影響安全, 如有失明人士下車/上車...

問題亦唔係會諗下爭幾多, 而是佢係設定下, 爭幾多就唔俾開門, 我認為最基本係要不阻礙車門開啟位置...(幕門比車門闊, 本身要求不過份..)

另外, 我留意似乎無幕門遲開的情況

[ 本帖最後由 3ASV196 於 2014-7-11 08:13 編輯 ]

原帖由 3ASV196 於 2014-7-11 08:06 AM 發表


個問題就係咩叫"到位", 如果車門開啟位置完全無受阻礙, 本身當然無問題, 問題係佢爭位爭到幕門開左都阻礙人落車,
將開門位置實際上收窄左, 而右邊幕門更加差不多成邊上唔到車, 唔單只影響上落車速度, 亦可能影響 ...

官方話部車列站﹐只要在指定位置自動停車(意思即係對得正幕門﹐停車位置正確)﹐車門及幕門便會自動打開。

即係一般來講﹐在自動駕駛運作﹐司機在上一站開車後﹐車到下一站便會自動停車﹐停車後只要車門在幕門的範圍內﹐便會即時自動打開車門及幕門﹐唔需要再按制打開車門。
所以﹐遇然有些「發夢」司機﹐無留意列車有沒有自動開門﹐在司機位發呆﹐夠鐘便按制開門(車門都無開﹐自然按制都無反應)﹐再看到車門關晒(根本車門都無做過野)﹐便按制開車﹐做成飛站見報。


如果好似上面張圖﹐好大機會係停車位置不正確﹐司機又知道相差唔遠﹐仍有大半對門係對到幕門﹐於是人手操作照打開車門及行落月台人手操作幕門閞關。(可能需要車務中心授權)
在c-train剛剛投入服務之時﹐此情況幾常出現在c-train之上﹐真係開車門後無左 1/3 上落空間。其後行車電腦不斷作出調校後﹐此問題才解決。

原帖由 1005 於 2014-7-10 11:28 PM 發表


最火滾就係荔景站
荃灣線總係唔等東涌線的
好似趕住去死咁

如果係繁忙時間﹐荃灣線如果要等東涌線的轉車客﹐只會令到荃灣線塞車﹐令到班次失準。

唔信?

自己去美孚站坐車去荔景﹐坐多幾次﹐睇下有幾多次會在隧道停車﹐或者減速到幾乎停車 (明顯同正常慢速入站再在車站內加速不同的)。


倒番轉頭講﹐東涌線的青衣車﹐又係永遠唔會等荃灣線的車﹐90%以上機會係荃灣線的車打開車門﹐對面青衣車便會剛剛好關車門﹐情況咪一樣。
餘下不足10%只不過係真係上客期間﹐荃灣線已經打開車門﹐令到乘客真係緊貼繼續上客﹐或者極少數係有一至兩位乘客飛奔到東涌線﹐令到司機唔可以按制關門(實際上已出廣播關門)﹐這一兩位勇者為其他人帶來即班車。


即使非繁忙時間﹐以荃灣線的班次﹐其實真係無乜需要等轉車客﹐三幾分鐘已經一班車﹐合理的等車時間。

原帖由 3ASV196 於 2014-7-11 08:06 發表


個問題就係咩叫"到位", 如果車門開啟位置完全無受阻礙, 本身當然無問題, 問題係佢爭位爭到幕門開左都阻礙人落車,
將開門位置實際上收窄左, 而右邊幕門更加差不多成邊上唔到車, 唔單只影響上落車速度, 亦可能影響 ...

只要架車停係指定既 range 內 (我唔記得幾多啦) , 架車就可以開門上落客
架 M-Train 開到門 , 就代表佢停岩位 , 你唔洗同佢驚既 ...

其實西鐵經常出現上圖既情況 ... 完全係家常便飯

原帖由 kei_hk 於 2014-7-11 10:25 發表


如果係繁忙時間﹐荃灣線如果要等東涌線的轉車客﹐只會令到荃灣線塞車﹐令到班次失準。

唔信?

自己去美孚站坐車去荔景﹐坐多幾次﹐睇下有幾多次會在隧道停車﹐或者減速到幾乎停車 (明顯同正常慢速入站再在車站內加速不同的)。 ...

中午就 3 分一班姐 , 夜晚非繁 5 分一班真係你等埋我個份 ...

原帖由 樂仔〞 於 2014-7-11 11:08 發表

只要架車停係指定既 range 內 (我唔記得幾多啦) , 架車就可以開門上落客
架 M-Train 開到門 , 就代表佢停岩位 , 你唔洗同佢驚既 ...

其實西鐵經常出現上圖既情況 ... 完全係家常便飯 ...

唔係同佢驚, 而是我想知所謂"停岩位"個RANGE 係幾多, 這算唔算最盡, 可惜閣下不記得了....

但照咁睇, 似乎佢所謂個"停岩位"本身標準太闊, 呢款M-TRAIN 門下組件本身有"6個格",
依家咁樣實際開門位置剩得"5個格", 即開門位置被阻約1/6 都叫"停岩位", 是影響緊上落
效率及安全....應該改進下停車位置問題, 尤其有幕門閘門下...