[2024.05] 京阪神和 鐵道篇

Day 3 神戸



▲大阪駅隔住圍欄影


▲今日去搭阪急


▲阪急神戸線每 10 分鐘一班特急


▲1985 年投入服務的 7000 系 7012 號


▲阪急梅田最正在於 10 面 9 線一字排開的架勢，係日本國內 JR 以外最大規模的頭端式車站，令我諗起慕尼黑中央車站，而創始人亦的確有參考歐洲車站。阪急列車多年來塗裝及外型均無大變化，已成獨特風格，加上保養得宜，四五十歲老將同新車拍埋一齊，毫無違和感。


▲車尾駕駛室


▲本站為 HK01


▲搭 5 個站，中途飛 10 個，論時間應該 JR 新快速更快，但考慮到三宮轉巴士的方便程度而選搭阪急。


▲阪急梅田至西宮北口右側展望


▲去到神戸三宮落車，回頭影一影塊牌，已經開始顯示下一班列車資訊。


▲神戸三宮駅路線圖及阪急售票機


▲有繁體中文介面


▲出站轉右等 Kobe City Loop 去布引索道山麓駅，相關內容請見巴士篇。


▲2022 年本來想上去睇夜景，但睇錯日子未有夜場唯有打道回府，今次日頭去就一定上到。


▲購票及排隊 15 分鐘左右到達上車處。這條神戶布引索道在 1991 年 10 月 23 日開業，2010 年 11 月 29 日封閉重修，2011 年 4 月 1 日復業，現有系統由 Nippon Cable 聯同奧地利 Doppelmayr 製作。


▲離站上升


▲時間尚早，有對頭車係吉的。


▲左下方山間長形物體係新幹線新神戸駅，雖然只得 2 面 2 線，但全部列車都停站。


▲回望山下


▲布引貯水池、五本松堰堤


▲風の丘中間駅，乘客可於此站中途上落。


▲此站服務布引香草園下端，家人腳力有限所以我地唔會行呢部分。


▲繼續上升


▲溫室及餐廳


▲終點在望


▲經過 1460 米路程、上升 330 米後到達山頂駅



▲園方聲稱係以德國 Wartburg 為藍本——老人不宜遠遊，歐洲又局勢複雜，今次旅程特登摻一些仿歐景點止渴。


▲俯瞰神戸港島及空港


▲Port Liner 路軌


▲園內設有餐廳提供德式食物，我地因為計劃落山食午餐，所以只係淺嘗。


▲落山


▲途經風の丘中間駅


▲市內一條直線係生田川及旁邊的公路


▲再次見到五本松堰堤


▲諗起海洋公園


▲返到山麓駅


▲之後行去新神戸駅搭 Kobe Port Loop，相關內容請見巴士篇。


▲話落山食就係食呢間 Eggs 'n Things，2022 年來過後念念不忘，2023 年去鹿児島食過一次，今次再返來食。


▲整個下晝都在 Harborland 一帶 shopping，走時最接近係 JR 神戸駅，搭新快速返大阪。


▲見到只在早繁使用的 1 號月台


▲225 系牽頭新快速到站


▲神戸入站及三ノ宮至住吉（通過）右側展望


▲甲子園口（通過）至大阪右側展望


▲返到大阪


▲酒店樓下食拉麵

＜是日完＞

Day 4 大阪市內


▲先來點阪急出入站片


▲此日行程在大阪市內，用地下鉄一日乘車券，閒日 820 円，星期六日只收 620 円，但星期六日我已不在大阪市。


▲其他日子我都係 09:30 後才出發，此日係唯一一次早繁落去打大佬。


▲御堂筋線係大阪地下鉄大動脈，重要性有如香港荃灣綫，乘客極多，梅田又係重要轉乘站，一路行一路見到候車乘客沿樓梯排到上大堂層，好似以前紅隧排 104 咁。


▲上車後閂門前再被人潮推實，好彩家人企得穩，我同佢地講日本人係咁。去到淀屋橋落了大部分客，到本町就直情開始吉，因為呢班係新大阪往天王寺的區間車。


▲大国町落車，睇下資訊幾豐富。



▲用車係大阪市交通局 21 系


▲大国町駅為 2 面 4 線設計，外側御堂筋線、內側四つ橋線，藍色係四つ橋線車輛。


▲要早繁打大佬的原因係去木津市場


▲門口間海鮮丼冇打算排，入去市場食魚生買生果。


▲返歸


▲御堂筋線本身去到江坂，江坂以北屬於北大阪急行，相互直通運轉，而北大阪急行北端剛於 2024 年 3 月 23 日延長至箕面萱野。


▲本列車為北大阪急行 8000 形。阪急擁有北大阪急行過半股權，故列車內裝都用上阪急木紋風。


▲車尾展望：難波


▲車尾展望：本町，御堂筋線各站正因應路線延長及万博（世博）來臨而翻新。


▲返到梅田，本班列車以新大阪為終點站。


▲超鍾意大阪地下鉄這種洞穴式設計


▲午餐食鐵板


▲跟住再搭御堂筋線出難波


▲用車為大阪市交通局 30000 系



▲地標相是一定要影的


▲特登走去某藥房後面的打卡位


▲家人只去 Donki，難得可以沿河漫步。


▲之後去 Lalaport 門真，首先落地底搭千日前線。


▲大阪市交通局 25 系


▲到谷町九丁目轉谷町線


▲谷町線 22 系，此段要搭 14 個站，車程逾 30 分鐘，我都瞌着幾次。


▲谷町線東北面總站大日


▲樓梯中間的斜道初時不知有何用途，後來見到係畀單車用。


▲再轉單軌搭一個站


▲大阪單軌大日駅車費表，單軌不能使用地下鉄一日乘車券。


▲非繁時 10 分鐘一班



▲大阪單軌 3000 系 53 編成，2021 年 10 月 12 日投入服務。


▲55 編成就更加新，維基無資料。


▲車尾駕駛室


▲車內窗明几淨


▲好快就到門真市


▲Overrun track，好想佢拉到去 Lalaport 加個站。


▲行去 Lalaport 大約需時 10 分鐘，但沿途無瓦遮頭，又要落樓梯經行人隧道過馬路，如果天氣唔好就會好狼狽。


▲我在此處冇乜購物欲望，上天台睇雲。


▲晚餐食海鮮丼


▲沿路返去門真市駅，雖然可以京阪轉御堂筋線，但手上有一日券梗係搭返谷町線。



▲重複剛才路線搭一個站單軌去大日



▲今次係 2001 年投入服務的 2000 系 11 編成


▲轉谷町線


▲大阪市交通局 30000 系


▲請巴士司機


▲返到東梅田


▲梅田地下街出名係迷宮，我行到去一個位上天橋，發現天橋陣通唔到去酒店。


▲要落地面經 JR 大阪駅自由通路


▲一日乘車券戰績，閘機會在票後打印乘車記錄，但打到遮晒字。是日路程正價 1,350 円，賺 530 円。

＜是日完＞

Day 5A 伊丹空港


▲阪急 again


▲今日搭宝塚線去蛍池，轉單軌去伊丹空港睇飛機。


▲2007 年投入服務的 9000 系 9001 號，車頭披上漫畫角色聯乘廣告。之後會再遇到呢抽車，more on that later。


▲另一邊京都線列車


▲搭急行去蛍池。1978 年投入服務的 6000 系 6003 號，比香港任何一列 EMU 都要早，仍然老當益壯。阪急現役車隊內尚有更資深的 1967 年 3000 系及 1968 年 5000 系。


▲本來只係影路線圖，睇相發現對面又係 1 號仔，今次係 2013 年 12 月 24 日投入服務的 1000 系 1001 號。按阪急編號規則，第一抽車係 1000 號，所以 1 號仔唔係第一抽。


▲第三個站就到


▲阪急連殯儀館都撈埋


▲梅田至豊中左側展望，過淀川時與神戸線競走。


▲13 分鐘就到蛍池


▲又去搭單軌，前一晚搭路線東端，呢日就搭西端。


▲蛍池至大阪空港右側展望


▲大阪空港軌道盡頭


▲2021 年投入服務的 3000 系 52 編成，預備下一程返門真市。


▲大阪空港駅外觀，睇飛機部分請見航空板。


▲回程


▲同樣係 2021 年投入服務的 3000 系 51 編成，車頭色帶唔係桃紅色而係黃色。


▲大阪空港至蛍池右側展望


▲返到蛍池等阪急


▲向南望


▲向北望


▲重遇 9001


▲駕駛室


▲蛍池至梅田前面展望。車上唔太多人，車程唔長唔短，正好適合。


▲返到梅田


▲下一程又轉返行普通


▲聯乘熊仔特寫


▲神戸線車輛


▲聯乘商品剛剛開售兩日


▲一字排開的閘機


▲午餐食京都風意粉

（下續）

Day 5B 南海 rapi:t


▲午餐後取行李轉酒店，此時才醒覺大堂這個裝置上的金色線係阪急阪神路線圖，因為酒店都係阪急集團。


▲再搭御堂筋線去難波


▲用車為大阪市交通局 30000 系，此車車齡 6 年左右，我因雙手各推一個喼所以冇任何外觀相片。


▲去到南海難波駅自行用售票機購票


▲千辛萬苦明明有直車都唔搭，就係為了南海電鉄 50000 系ラピート（rapi:t）。直車係指 JR 関空快速，関空快速一程過需時 61 分及 1,020 円，而家我咁搭需時 75 分及 1,580 円，但今次唔搭唔知有冇下次。


▲難波一端頭兩卡係 2+1 排列的 Super Seat，其餘四卡則為 2+2 排列的 Regular Seat，後者票價為路費加 520 円，Super Seat 則再加 210 円，差額計返港紙又唔算貴，但家人覺得無需要搭商務，所以只係揀普通席。


▲上到月台，列車剛剛入站，每道門都有乘客排隊，我要顧住兩個喼都費事走遠影車頭（朝早去伊丹睇飛機，然後推住兩個喼搭御堂筋線，此時已身心俱疲）。事實上，抵站乘客落車後，清潔工會封閉車廂幾分鐘清潔，上車後都有 9-10 分鐘時間才開車，若非與老人同行，我係夠時間自己竄去影車頭。


▲在行李架安置行李後就座，普通席座椅都好舒適。


▲飛機式行李櫃及橢圓形車窗都係此車首創，如今車齡已有 30 年。飛機內裝已轉過幾代，而南海暫時無聲氣換車，但將來的事無人知。


▲旁邊的平民 1000 系


▲上座率唔錯，不過冷氣唔係幾夠，我搭到落車都唔覺得有涼過。


▲車票


▲車門


▲走廊位，我都係臨落車先記得影。


▲難波至堺左側展望


▲堺至岸和田左側展望（路程中最長不停站路段）及りんくうタウン（Rinku Town／臨空城）開車


▲Bye-bye rapi:t，希望有緣再會，下次可以豪少少搭商務座。


▲出站後見到特別塗裝 rapi:t


▲酒店房間拍攝的南海電鉄 1000 系


▲臨空城車站全景


▲往大阪的 225 系関空快速，對面線往関空 Haruka 疾駛而過。


▲往大阪南海開出及同一方向 Haruka 通過


▲往関空 225 系


▲往関空 rapi:t



▲酒店 2,300 円自助晚餐


▲房間夜景


▲短片集合：往大阪 Haruka 超越南海、往関空 rapi:t 入站、夜晚往関空 Haruka 通過

＜是日完＞

Day 6 和歌山


▲酒店 1,800 円自助早餐，有即製班戟。


▲朝早的臨空城，是日天氣極佳。



▲是日行程去和歌山，JR 或南海均可到達，JR 有車先就搭 JR。我上次去和歌山係 2001 年跟團，記憶非常模糊，今次對我來講係全新體驗。


▲往関空 Haruka 通過


▲往関空 rapi:t 到站


▲223 系関空快速到了


▲幾分鐘落到日根野


▲搭 lift 過對面，往和歌山方向 1 號月台見到回送的 223 系。


▲剛才乘搭的関空快速（前四卡），已駁上後來入站的紀州路快速（後四卡）。


▲披上「パンダくろしお『Smileアドベンチャートレイン』」（Panda Kuroshio “Smile Adventure Train”）塗裝的 281 系 HC601 編成くろしお（Kuroshio／黑潮）入站


▲短片集合：Haruka 臨空城通過、関空快速臨空城至日根野右側展望、Kuroshio 日根野入站


▲對面月台有一列往京都方向 Hello Kitty Haruka 入站，我以為係通過，佢竟然停站開門，後來才知原來早繁往京都及晚繁往関空的 Haruka 會加停和泉府中及日根野。


▲與此同時，我要搭的 225 系紀州路快速都來了。等車時醒起會拆卡，前四卡往関空、後四卡往和歌山，好彩冇企錯位，停站時目睹乘客大遷徙。紀州路快速在日根野以南各駅停車。


▲田園景色一攝


▲紀州路快速日根野至長滝、和泉鳥取至山中渓左側展望


▲離開山中渓後入隧道，下一站係紀伊，兩站相距 8.1 公里，係阪和線上最長站距。原本以為出隧道後會豁然開朗，但阪和線地勢較低，兩旁又多樹木及住宅，故視野不太開揚，冇影相或拍片。上方的阪和自動車道則較有居高臨下的感覺。


▲跨過紀の川


▲六十谷至紀伊中ノ島左側展望


▲到達和歌山駅


▲對面往大阪的 225 系


▲留置線的 225 系


▲剛才搭的 225 系停留大約 15 分鐘就返轉頭出大阪。


▲出去等巴士往黑潮市場，相關內容請見巴士篇。


▲四個鐘頭後返到和歌山駅——黑潮市場出發的巴士首先到達 JR 和歌山駅，加上南海普通車係橫向座，不及 JR 舒適，所以回程一樣係搭 JR。


▲289 系行走 Kuroshio 早我地 10 分鐘開出


▲225 系紀州路快速入站


▲對面往御坊的普通


▲和歌山至六十谷右側展望


▲和泉砂川附近景色


▲吹田総合車両所日根野支所


▲到日根野


▲轉関空快速返臨空城


▲往難波 rapi:t 入站

之後搭巴士去 Aeon Mall，相關內容請見巴士篇。

＜是日完＞

Day 7 一站関空


▲酒店餐廳門口一攝


▲家人忙於執喼，是日得我一個去食早餐。


▲最後一日咁樣睇車


▲臨空城車站外觀


▲Outlet 海邊影関空大橋


▲見唔見到有兩卡車行緊？


▲另一班列車過橋短片


▲Outlet 午餐


▲午餐後取行李，搭一個站去機場。臨空城係特別的車站，一站兩制，JR 及南海共用閘機，外側軌道為南海、內側為 JR，兩者於站後合體過橋，去到関空分返開各自月台及閘機。由此站往関空，搭是但一邊都係 370 円（Haruka 不停站），但如乘搭南海 rapi:t，regular seat 要補多 100 円，super seat 則要補 730 円，然而一般列車班次頻密，相信都冇乜人會咁搭。


▲今次南海勝出


▲1000 系


▲不出 10 分鐘車程就到関西空港


▲求其影下，而家開返關大把人去，心態真正復常，唔使好似探險咁。

今次旅程天公造美，大部分日子陽光普照，影相好靚，溫度維持 18-25 度，相當舒適，所有行程按計劃完成，心情舒暢不少。關西之旅所有交通分享至此完畢，多謝觀賞，歡迎討論。

DIH 發表於 2024-7-6 12:02
Day 7 一站関空

舊年去嗰次雖然上文提過上網訂咗 Haruka 票，但行程中間有一日要入多次 KIX 接屋企人機，本來係想去試 Rapi:t，點知即班 Rapi:t 滿席買唔到飛，唯有搭空港急行入去

我認真睇時間表先發現原來 Rapi:t 係追唔到上一班空港急行，感覺相當搵笨

DIH 發表於 2024-7-3 21:52
Day 4 大阪市內

樓主的鐵路報告勾起我唔少陳年回憶，好多地方我都去過，但已相隔多年；我上次去關西已經去到 2018 年，嗰次仲有咁多晚都係留喺神戶，大阪 / 京都就更加耐無去過

列車包括 Haruka（6 節 281 系，Hello Kitty 塗裝尚未面世，亦無得停大阪站）、南海 Rapi;t（車頭形狀同圓形車窗，覺得好特別）、Thunderbird 特急（當時仲係終到富山）、奈良線（普通車係 103 系），睇嚟現時同我記憶都有點距離

印象中 10 幾年前買過大阪地鐵 1 day pass，當時平日 ¥800 假日 ¥600，都幾抗通賬吓

亦有去過宇治（平等院、大橋）、布引纜車（行過落低一個纜車站至上返車）、神戶港、道頓掘，反而伏見稻荷（同清水寺）我好似咁多次京都 trip 都無去過 :/

去得和歌山，有無影 / 搭到和歌山電鐵幾款特色列車，同搵貓站長？
我本身有一次路過和歌山，但臨時行程有變，去唔到和歌山任何景點...

DIH 發表於 2024-7-6 12:02
Day 7 一站関空

其實諗唔明臨空-關西空港一段係點拆賬 尤其是呢段路都多人搭，真係會五五分賬？上次喺呢度都有少少迷，唔知點解同時間有2部關西空港喺兩邊，不過最後係搭咗JR返機場，快南海啲啲

clivetock 發表於 2024-7-6 19:18
舊年去嗰次雖然上文提過上網訂咗 Haruka 票，但行程中間有一日要入多次 KIX 接屋企人機，本來係想去試 Ra ...

坐Rapit最好係有行李位同張凳舒服，同埋架車咁靚坐上去會覺得威啲