[2024.05] 京阪神和 鐵道篇

5 月時同家人去關西，繼早前分享飛行報告及巴士篇後，現分享鐵路相片。

快速停車：
Day 2A 宇治稲荷　Day 2B 京都　Day 3 神戸　Day 4 大阪市內　Day 5A 伊丹空港　Day 5B 南海 rapi:t　Day 6 和歌山　Day 7 一站関空
——————————
Day 1 Haruka

適用於私鐵的 Kansai Thru Pass 在出發前加價，而且新版唔包巴士；JR West Pass 則路線及車種受限，加上想為行程預留彈性，計過之後無特別買 pass。出發前預訂はるか（Haruka／遙）遊客單程票，関西空港至大阪原價 2,740 円，現只需 1,800 円。


▲單程票可免費劃位，由於一列 Haruka 九卡中只有兩卡自由席，因此劃埋指定席比較穩陣。出票後已經 16:35，下一班車係 16:44，問職員會否太趕，佢話「You can make it」，就幫我地劃呢班。取票後立即帶埋行李以最快速度入閘落月台，此時列車剛剛入站。睇返行車方向，佢應該係由站後留置線吉車入站，一開門就上客。


▲我地係 9 號車，去到最尾。眼見快到發車時間，我同家人走入 7 號車先，再一路推過去，擺緊行李時列車已經開動，好險。


▲座椅比飛機更舒適


▲往京都方向頭六卡係 281 系，後三卡則為 2020 年投入服務的 271 系。271 系現時共有六組三卡編成，全部有 Hello Kitty 彩繪，並與 281 系併結運轉組成九卡 Haruka。281 系則並非全部車都有 Hello Kitty。


▲ヨドコウ桜スタジアム（Yodokou Sakura Stadium／淀川製鋼櫻花體育場）


▲33 分鐘去到天王寺


▲京セラドーム大阪（Kyocera Dome Osaka／大阪京瓷巨蛋）


▲離開天王寺後車速比我預期快（梗係啦，各站全飛），表定只需 11 分鐘就到大阪。通過弁天町後同家人拎行李準備落車，潛落地底一段只能透過車門玻璃觀摩。假如手腳夠快，可以過埋野田先動身都得，但時間拿捏唔好就可能被其他人阻住。


▲從関空出發，只需 47 分鐘便到達啟用一周年的大阪駅地下月台。地下月台為 2 面 4 線設計，南行的 21 號月台設有智能幕門，可因應車門位置自動調整幕門開口，但其餘三個月台則不設任何幕門。


▲大阪東線往久宝寺及旁邊往奈良的 221 系——得益於地下月台啟用，大阪東線列車終點站由新大阪延長至大阪。


▲Haruka 開車片段


▲這塊站牌睇落簡單，但意義深遠。因軌道配置所限，多年來列車來往大阪環狀線及東海道本線只能取道梅田貨物線而無法在大阪駅停站，特急亦不例外。隨着梅田貨物站撤出，該段路軌實行地下化改道，大阪駅地下月台於 2023 年 3 月 18 日啟用，成為大阪環狀線西九条及東海道本線新大阪之間的新客運車站，貫通大阪南北的 Haruka 及くろしお（Kuroshio／黑潮）終於可以停靠大阪駅。


▲此處將來會繼續變身：討論多時的なにわ筋線（Naniwasuji Line／浪速筋線）於 2019 年取得鐵道事業許可，預計將於 2031 年落成，路線由此站向南途經大阪市中心再分岔連接 JR 及南海兩個難波駅，大大增加可達性及路線容量，勢將帶來另一番新景象。


▲新地下大堂


▲左邊係人面識別閘機，暫時只有日本人可登記使用，我就唔想用喇。


▲出閘收飛，影低佢先。


▲慶祝地下月台開業一周年


▲大阪駅 150 年歷史展板


▲大阪駅周邊近年都在重建，尚有一些大樓未開業。


▲出閘後行過幾條長廊再上天橋就到酒店，沿途均為 barrier-free，非常方便。正正因為 Haruka 加停大阪我至會住梅田，関空快速如果搭到大阪駅人都癲（車程 47 vs 71 分鐘，快速途中會被 Haruka 超越）。


▲房間景色


▲可以望到阪急


▲酒店樓下食刺身湯漬飯


▲酒店夜景

＜是日完＞

舊年去都係住呢間酒店，但冇訂到高層，所以淨係望住樓下商場天台，望唔到阪急

嗰次 Haruka 車票我係經 K 字頭平台訂，往市區比較特別係去入閘機旁邊部機掃 QR code，只會指定車廂而不指定座位，而且係印類似收據嘅乘車券所以要行有人通道；往機場就照常去售票機出票劃位

clivetock 發表於 2024-6-30 18:55
舊年去都係住呢間酒店，但冇訂到高層，所以淨係望住樓下商場天台，望唔到阪急

嗰次 Haruka 車票我係經 K  ...

我直接上 JR West 官網買 Haruka 票，落地時去客務中心完全唔使排隊直入，職員年輕又識英文，整個體驗也不錯。

我出發前兩個零月 book 酒店，見條件相似的房間價錢相差無幾，就豪少少訂高層，更為了平價入埋會，未出發已經寄張實體會員卡畀我。呢間酒店會住四晚，夜景真係好正，晚晚都唔捨得瞓～

DIH 發表於 2024-6-30 21:45
我直接上 JR West 官網買 Haruka 票，落地時去客務中心完全唔使排隊直入，職員年輕又識英文，整個體驗也不 ...

我book酒店通常去agoda訂，然後喺remarks寫request 高層禁煙房，通常酒店方面喺條件許可都唔使你加錢就幫你安排，慳返一筆㗎
3月去東京嗰次，remarks寫埋It‘s my birthday睇吓酒店有咩搞作，跟住第一晚10點個經理攞咗袋汽水上嚟，仲要鞠晒躬咁，受寵若驚

Day 2A 宇治稲荷


▲房間可俯瞰阪急列車出出入入


▲到大阪駅北口展開今日全 JR 之旅


▲參觀 2011 年開放的「時空の広場」


▲舉頭望天幕


▲低頭新快速


▲返落去入閘


▲JR 售票機


▲首站去宇治，由大阪直接去要 990 円，但如果在京都出一出閘，京都至宇治收 240 円，總價只需 820 円，便宜 170 円，夠買一罐汽水。


▲列車有點延遲，但新快速始終會快過快速，維持原判搭新快速。


▲延遲的快速到站後非常多人，落咁多又上返咁多。


▲225 系牽頭新快速到站


▲車內


▲京都落車，列車後段為 223 系。


▲快速大阪開車，新快速大阪到站、大阪至西河原新橋（JR 総持寺附近）左側展望及京都開車片段


▲京都駅 30 號月台的 Haruka


▲京都駅 0 號月台的 289 系


▲出閘再入閘


▲搭 11:37 班みやこ路快速（Miyakoji Rapid／都路快速）


▲普通用 205 系


▲快速用 211 系


▲京都至東福寺一小段行車片，當時見沿途都係住宅，景色好似冇乜特別，加上自己坐倒後位拍得好辛苦就冇再拍。當時向前座位多數已有人佔用，我坐在車端部 box seat。


▲沿途景色一張


▲17 分鐘到達宇治，重遇早 7 分鐘開出的普通。


▲緩急接続


▲快速較先開出


▲部分 287 系披上「京都不死鳥」（Kyoto Sanga）球隊特別塗裝


▲宇治駅外觀


▲香港的士（誤


▲始建於 646 年的宇治橋，當然現代經過重建。


▲宇治平等院鳳凰堂，雖然湖面未能波平如鏡，但絕美天氣下藍紅綠互相輝映，仍是賞心悅目。


▲從背後出來時就有較好的倒映效果


▲午餐食宇治抹茶餃子及拉麵


▲橘橋


▲朝霧橋


▲朝霧橋上攝宇治川上游


▲有水湧出之處係観流橋，湧水來自宇治発電所放水路，該発電所於 1913 年落成啟用，從逾 10 公里外的瀬田川洗堰取水。（資料來源：http://www.suiryoku.com/gallery/kyoto/uji/uji.html）


▲朝霧橋上攝宇治川下游


▲宇治神社鳥居，要行樓梯就冇上去。


▲夏天時用作鵜飼的小船


▲我平時唔會幫襯士打北，但今次有期間限定蜜瓜特飲，無奶無咖啡因，可以一試。


▲返到宇治駅


▲下一站稲荷要搭普通


▲向北望


▲向南望


▲205 系普通到站


▲車內。205 系老當益壯，雖然站站停，但每站之間都出盡全力，行得幾快下，可惜無拍片。


▲雖然身在奈良線，門頂卻貼着大阪環狀線、大和路線及阪和線的路線圖。


▲稲荷駅有獨特建築風格，該處外國遊客甚多（甚至可以話「極多」），即使係細站都特別標示 Rail Pass 出閘位。


▲一出車站對面就係伏見稲荷大社大鳥居


▲二番鳥居及楼門


▲外拝殿


▲鳥居造型絵馬


▲千本鳥居，極多人行，好難先影到冇乜人的景象。


▲我行一段去到奥社奉拝所就返轉頭


▲離場再攝楼門，當日行程安排先宇治後稲荷，由於座向相反，兩者都可以正光。

（下續）

Day 2B 京都


▲返落稲荷駅


▲大約 15 分鐘一班普通


▲向北望


▲向南望


▲站牌


▲對面往城陽的 205 系普通



▲都路快速通過


▲我地搭的普通亦係 221 系


▲幾分鐘車程就返到京都


▲只有 普通 電車 停靠 稻荷站!!


▲兩抽 221 系並列


▲途經 0 號月台見到的海報，今次因時間所限冇去京都鉄博。


▲683 系行駛斬到敦賀的 Thunderbird


▲京都駅大樓


▲京都塔


▲京都塔上向東望


▲新幹線與 Thunderbird


▲下行新幹線入站及離站


▲望向京都駅大樓


▲東海道本線上行外線及內線兩列車


▲後面又有新幹線追上


▲好似一條鰻魚


▲京都鉄博在貨場旁的樹林附近


▲天黑後的京都駅


▲晚餐在旁邊商場食 shabu-shabu 放題


▲天黑後的京都塔


▲返京都駅


▲搭新快速返大阪


▲225 系牽頭


▲又有遲延，不過影響唔到我。


▲Avantgardey


▲車內


▲放題食得太飽，好彩新快速有廁所，我諗都唔多人用，好乾淨。


▲出來時已快到新大阪


▲大約 30 分鐘車程到大阪，列車繼續往網干前進。


▲It’s been a long day


▲夜晚電視節目介紹波蘭 Krakow 電車


▲緊接下一套就係東武東上線，睇到唔捨得瞓。

＜是日完＞

DIH 發表於 2024-7-1 21:41
（續）

上次我去咁啱又係同師兄你一樣行程，宇治之後去埋稲荷；但我去程特登兜去搭京阪去宇治，仲課咗 500 円坐 premium car；回程就搭返 JR

其實如果去平等院，京阪個站係近過 JR 個站，只係梅田出發就要駁多程地鐵

clivetock 發表於 2024-7-1 21:50
上次我去咁啱又係同師兄你一樣行程，宇治之後去埋稲荷；但我去程特登兜去搭京阪去宇治，仲課咗 500 円坐  ...

係喎，而家先發覺搭京阪時間差唔多，價錢又再平少少，不過如果搭京阪就無得睇時空の広場，2010 年時已經搭過京阪就算了。加上 plan 行程時諗緊好唔好買 JR West 2-Day Pass，個腦將該段路與 JR 掛鈎，決定唔買 pass 之後只係改為新快速而無再調整。

想問樓主係咪識日文，上年去大阪已經覺得英文/普通話都唔係好溝通到，去到呢啲近郊應該更難

上年去京都大阪同人一齊唔啱自己節奏，冇乜地方去到，心思思想再去，但係去完2個trip好攰+手頭緊

Fuk19805 發表於 2024-7-1 22:36
想問樓主係咪識日文，上年去大阪已經覺得英文/普通話都唔係好溝通到，去到呢啲近郊應該更難

上年去京都 ...

我 22 年前學過一個暑期日文課程，據稱可以去考 N5（最低級日語考試），不過我冇考。最主要都係學識平假名、片假名、極基本文法，其他都係靠去旅行睇牌同睇火車書慢慢浸。上網訂酒店、睇餐牌叫野食、買飛增值可以，日語会話不能。

可以用 IC Card 同周街鬼佬的地方已經唔算郊喇，上一個龍年去網走釧路就真係郊爆，搭火車見到狐狸、樹林中突然響咹急停（有鹿）都試過，而且架車係熱狗 Kiha。