梨木樹巴士不便利居民 區議員：多年無車出尖沙咀

Ricky403 發表於 2018-12-16 20:43
我就係記得某版有人提過西鐵線去到紅磡前234X尖沙咀可以上50人，但過咗尖沙咀沿途上得20人
234X黎講
佐敦 ...

其實你而家就講中左 30X + 234X 最大個問題起邊到，
根本兩條線個競爭對手其實係港鐵加紅小，但係而家根本兩條線係互搶對方嘅客，
反之港鐵個堆客係搶唔到，甚至不斷流走。


九巴一日搶唔到真正競爭對手嘅客返黎，
呢兩條線註定上唔到位。

234X 都叫好少少，最少九龍方向都叫似樣啲，
回程其實真係唔算叫好，尤其拎 35A 呢啲線去比就更加。

S3BL100 發表於 2018-12-16 01:25
其實我係同意直接拆條尖咀特快，30X 減班、234X 縮短會係最簡單，
而根據你提供既客量分布，咁做似乎真係 ...

其實站起黃埔立場，
你一搵到條線去補 QE 個位，佢理得你係 30X 做丫定係咩路線做，根本唔緊要。
倒轉我都好明佢地係唔會無啦啦再放走條荃灣線。

換句話講，
30X 要搞特快，根本係同 QE 個位係冇衝突，
大前提就係要搵到條線去補位就搞掂。

而紅磡區其實真係要搵條線去補 QE 個位，
6F 固然可以係一個選項，但係其實仲可以考慮 2E，甚至 41、45 堆線嘅主意。
當然每搵一條線就自然會有反對嘅聲音，但係我始終認為呢啲區內位真係冇咩理由要搵條對外路線去做埋。

castanopsis 發表於 2018-12-18 05:59
唔係咁講
早繁港島個餅係大過去尖沙咀
你見960都開得密過260X

荃景圍上繁係有NR30，客量唔差呢條邨巴線大削後，都仲做緊隔10分鐘開6班，5班都坐得滿49座出去，仲要本身收緊$15
更加唔好講之前一日開緊16-30班嘅時候 (當然條定線係快到8點後先多人)
九巴叫人搭230X，問題係230X又落美孚又旺角就塞落公路，又唔算特別平，搭多幾次都怕
就算唔講西約，荃景圍都有客量支持，而且成日都被睇低，934A都做到荃灣中心坐滿啦

西約本身麗城二三期同灣景翠濤閣上繁有96P轉西鐵
車程穩定，少行路，但價位真係貴，要成$14
40上繁兜到美孚上公路都做到一定市佔，934同鐵路打得好正都開到5-8分鐘一班
荃景圍、西約兩區尖沙咀特快，就算有西鐵競爭，上繁真係15分鐘一班都撐唔到？

ricky 發表於 2018-12-18 11:30
48X兜梨木樹，重點只在經和宜合道工廠區同大窩口呢個兩站，否則九巴可能條條都好似49X咁行算數。

以深井 ...

不過事實係而家48X同234C都兜緊梨木樹
再有新線兜梨木樹，觀感實在極差
完全係荃景圍30X/39A/39M/934A一齊去荃灣站翻版

castanopsis 發表於 2018-12-18 05:00
方案一入面32/32X兩條線定位差好遠
32做平價流水，32X做貴價特快

講到價錢，你地講到洪水猛獸咁
其實真係有辦法可以維持最低收費不變，同時唔影響九巴營收

最低收費不變，係過到區會既必要條件，但事實係呢組線而家有唔少人唔係俾緊最低收費

即係好似 36A 36B 咁，而家梨木樹往來深長荔，分分鐘坐 36B 仲多過 36A，
我睇唔到有好大誘因，九巴要全部流水客最低收費就算

再加埋各線重疊得來又有一兩個麻煩位（例如石英徑 vs 石俊樓呢類），
一線走天涯，做晒流水客，基本係無可能

搞清楚呢點之後
我又會問你，你個方案唔加車點做得曬咁多條線？

36B改特快但要拉去尖東，唔會減到車（+/-0）
36A其實理論上要加班，但我都當你唔使加車（+/-0）
35A變35X上面計過，大約可以減6部，你個方案應該可以再減多兩架（-8）
32行長沙灣道拉長去佐敦，加2部（+2）
31B不變（+/-0)

整體得返6部車，新35A你打算開30分鐘一班？

no no no... 開 30 分一班果條應該係 36A 囉…

36A 只要縮去富昌調頭做循環（即係 GW 兄既方案），單程可以慳五分，
可以 3 部車 30 分一班，已經減到兩部出來


要留意而家梨木樹往來深長荔，坐 36B 隨時仲多過 36A，
36A 而家既班次，官方載客率都係得五成幾，係咁多條線入面最差。
留低好大程度係收費問題，要維持最低收費不變，
但另一個同樣重要既原因，係深水步填海區

搵 31B 做埋又唔係，但我唔認為完全唔理佢地係可以過到骨

經歷 32B+36 同 936 延長後，望下梨木樹雙熊既反應，
我唔睇好抽走佢地總站線既可能性，梨木樹最終應該都係會有兩條九龍線做總站，
你果套條條去晒石圍角應該無可能過到

再加上佢地多年來一直要左擁 36A 右抱 36B，維持兩條線出深水步，
今次變相用 32 食 36B（去程兜入總站）再放生 36B 變 36X 落尖咀滿足佢地願望，
應該幾合乎佢地合意…

你唔鍾意拆到咁散，但事實係呢堆麻煩位，包括你完全無 address 過既富昌/南昌，
局限左唔少想像空間，你唔照跟就好大機會全盤拉倒，
任你講到方案幾好，都唔會落實得到

況且成件事係 31B 不變，36A 只係改少少野，32 食 36B 做萬能流水，36B 放生變 36X，35A 自拆兼石蔭過俾 36X，
我睇唔到真係幾散囉

要留意 35X 同 36X 一轉行車時間明顯少過 35A 同 36B，
35X 仲送埋石蔭俾人，35A+35X 做緊既客數比今日 35A 仲少，
而 36B 而家載客率都唔係好標青，我睇唔到理由 35X 36X 要各自用 13-14 部車

亦因此完全唔會出現你口中入旺角巴士數目不減反增既問題

Ricky403 發表於 2018-12-17 16:47
西約自己都支持到934上繁開5-8分鐘一班坐滿以上出港島
如果講返工客，尖沙咀又唔係咩山卡啦地方，而家搭9 ...

既然你起返兩年前果次我而家睇返都覺得非常荒謬既
麗城兜足成個荃灣巿出尖咀特快既討論，我又望返下果條 thread，refresh 返一下自己當日既思路

首先，對比起上葵梨木樹線，到今年本版終於有一個我認為係近乎標準答案既方案；
30X 234X 呢組，似乎無論點搞，都要有位取捨，做唔到完美，討論空間大好多


麗城荃威二拆三，資源上應該難度最低。
但再諗落，麗城似乎真係如你所指，做尖咀特快好過做旺角特快；
同時荃威又似乎做旺角特快好過做尖咀特快，荃威就算經楊屋道走，西廊出旺角，
落到尖咀既時間都唔會同荃威兜麗城出尖咀有好大分別

當兩區既利益唔係完全 align 既時候，如果有方法可以將兩區拆返開，會唔會比較好呢？

再睇返我自己當日麗城併深井既 idea，如果落實到既，深井都係受惠者

而家諗緊 30X 自拆，30 39A 合共減三部車
（30 縮落西站或愉城，荔景段變循環，全日 30 分一班，-2；39A 變荃灣巿順時針循環，-1）
30X 改經荃灣東，黃埔段避死亡交叉，非繁 30 分一班，
而 230X 加經楊屋道但飛起美孚做全日，尖東止步，非繁 20 分一班，加埋咁多部車應該夠跑

將荃景圍同麗城分返開，至少唔會一邊出事就拖死第二邊

問題反而變左 234X 自拆，一條深井尖咀特快，來回大涌道；
234X 自己就縮落佐敦（九龍站？）
兼考慮回程行成條大涌道，不入荃灣巿，可以邊度搵車

就算 34M -1、234X -3，應該都仲差至少 2-3 部。
但呢條深井尖咀有個好處，就係真係有明顯新客源，
兼且收費可以十蚊樓上。唔知呢兩個理由，可唔可以支持到真係加資源落去，
定係 234A/B 無可避免都要供車…

Ricky403 發表於 2018-12-18 13:48
不過事實係而家48X同234C都兜緊梨木樹
再有新線兜梨木樹，觀感實在極差
完全係荃景圍30X/39A/39M/934A一 ...

深井開東九全日線，寧願叫屯門青公一帶同佢夾，唔好搞到石圍角、梨木樹，否則仲慢。

S3BL100 發表於 2018-12-18 14:24
既然你起返兩年前果次我而家睇返都覺得非常荒謬既
麗城兜足成個荃灣巿出尖咀特快既討論，我又望返下果條  ...

其實自從荃灣多左條 32H 醫院線之後，我覺得根本成件事就已經叫易解決左。
雖然我都明白醫院線個原意其實真係唔係比荔景做通勤之用，
但係既然條線就出現左就冇理由唔多加善用。

一直以黎 30 個起荃灣區一個比較大嘅存在價值就係沙咀道上荔景山，其餘早就比綠小打到死死下，
九記本身自己又有幾條大西北線上荔景，密都密過 30 多多聲。

廢話唔講，我意思就直情係要拉直 30 條線，荔景已經有 32H，
只需要將 32H 改行大河道北轉入沙咀道之後轉返行原線，再加經麗瑤都已解決唔少問題。（全日 30 分鐘一班）

當 32H 解決到荔景呢個問題之後，
拎 30 號所有資源拉直條線，最簡單，行青山公路直出，去到太子就算。
你九巴要收返 $ 8.90 先肯改咁就收返呢個價位。（其實最重要係佢肯做就得 ）

咁 230X 就可以好自然可以玩全日化，學你咁講加經楊屋道但飛起美孚做全日，
咁收費收返 $ 8.90 就大家 happy，紅磡區又唔會話冇左條荃灣線，荃景圍又有返條似樣少少嘅路線。

現有 230X 走線嘅繁時線將會保番，改為 230P。

車源分佈:
32H: 2 > 3 (+1)
30: 5 > 5 (0)
230X: 11 > 10 (-1)

到西約個邊：
以而家 234X 嘅走線，其實出市區已經算叫直接。難聽少少講要執 234X 定線其實都唔算話好似 30X 咁要咁急去做。
當然我係支持呢條線拉到去深井開，最少而家深井本身都已經有條 52X 去到旺角。

但係其實最直接就係將 234X 自己分拆，
將現有 234X 做灣景去旺角（循環線），來回用大涌道。我相信五架車應該都可以做到。
剩低個 7 架就做深井尖沙咀特快線（求其比定個 number 佢先：X234)，都係來回繞經大涌道。唔夠車起 234A 到拎。
繁時保留 234A，非繁時 234B 一條線解決。

當然九巴真係想搞掂 234A，就應該以線換線形式去講數。相信呢個誘因會另深井區於非繁放棄 234A。

到平衡各區利益方面去諗：
西約方面：
234X 雖然唔會再經荃灣市中心，但係大涌道成個工業區客佢會食哂，加上現時 934 非繁客量，相信客量唔會太差。
X234 有深井、汀九加持，再加埋柴灣角工業區，非繁 20 分鐘一班應該唔會有太大問題。

荃景圍方面：
30 拉直走線對於九巴黎講位位收 $ 8.90 點都好做過而家條 30，雖然同港鐵平排，但係大連排，眾安街、荃景圍應該會有客上。非繁 20 分鐘應該都可以頂得順。
230X 改行楊屋道食新區客，直出旺角呢個就已經係賣點。個邊而家越黎越旺，呢個位應該有得做。對於荃景圍黎講，拉住楊屋道換條特快旺角線，應該可以接受。

荔景：
32H 擴大荃灣區服務範圍，反對聲音應該會冇咁強。另外再加返 265M、269M 雙向分段應該可以解決到大部份問題。

castanopsis 發表於 2018-12-15 10:12
回程荃富街擺唔到站係缺憾
解決辦法唔係無，德士古道天橋底其實勉勉強強夠位劈開花槽起巴士灣
但咁大工 ...

我之前咁緊張大窩口新區同埋葵盛圍，其中一個原因就係怕 33A 37 陰乾。無錯你又或者某古生不斷話 30X 234X 深長茘無客，如果只做一區班次就會跌穿 30，荃景圍兜西約又做唔到大涌道。
不過大窩口新區個情況都唔係好得去邊。
點解我會話想開佐尖線而唔係旺角特快，原因就係依家 37 仲算好地地，33A 都仲收得平，如果搞完之後服務無好過，呢兩條線仲要被陰乾，咁就真係唔重好過重。
講真如果 234X 靠西約大涌道（甚至兜埋入愉景巴總）做深長茘線會開 30，咁按照你葵盛圍新區大窩口旺角線重組方案，成個大窩口新區葵盛圍都會大鑊。
如果 33A 37 無咗旺角客，得返深長茘客，會唔會變咗 234X 深長茘段翻版？
而按照你之前回覆，我唔知意思係咪 33A 37 客源主要集中喺深長茘，就算旺角客被快線搶走，呢兩條線都死唔去。
如果唔係，開完快線後葵盛出旺角依舊唔快得去邊，仲要被無啦啦 upgrade；33A 37 無咗旺角客，得返深長茘客，仲養唔養得起條線？如果最後陰乾成功，咁沿線居民出深長茘搭咩？落地底？
講真如果問呢幾區巴士係咪好做，我覺得荃景圍西約仲好。以鐵路站距離計，得西約行落西站會有人覺得唔使搭車（雖然我依舊覺得遠，不過搭車都要兜荃灣站附近，算數），但西鐵落深長茘都唔係特別方便。
相反大窩口邨唔少座數近大窩口站，葵涌邨又有 $2 機，部份座數其實電梯塔落去，行前轉個彎已經見到體育館。真係遠離鐵路站，其實係得葵盛圍山上果堆，同埋近新區公園果堆（但好不幸地其實光輝圍都擦邊做到佢地）。
而如果你覺得 33A 37 得返深長茘客仲可以留的話，我諗到唯一兩個優勢就係九龍段站位，同埋價錢差距（而講真，大窩口來往長沙灣地底加完價先收緊 $6.9，去程仲要未計 $2 機）。
所以如果 234X 深長茘段可以好似 33A 37 甚至其他深長茘線（一係好似 36A 咁收平價，一係好似 44 咁做埋旺角，亦係我之前提及過果幾點）咁將堆客留住，甚至吸客回流，我覺得未必無得做落去。而我一向唔主張陰乾平線，喺呢個原則下，我先提出大窩口新區葵盛圍做佐尖特快，以免快慢線互搶客引致陰乾慢線。呢個我覺得亦係 42A 青衣南沿線唔想重組其中一個原因。

castanopsis 發表於 2018-12-18 05:51
冷靜少少
我覺得你好多嘢誤解咗

32你號稱60-75分鐘一單用10部車搞掂，但而家31B同樣開15分鐘一班，只係用6-7部車，而32繁時既然補31B，下繁點都要開番11-12分鐘一班，因私牌時間加長再加多部蛇，就要用15部車，唔少得去邊
32X做10分鐘一班，按75分鐘一單計要用15部車
參考番而家36A搞到25分鐘一班半死不活，10分鐘一班，一定有水份，就算比你吸到客，沿路或者只係夠支持15-20分鐘一班九龍西線
呢15部，分分鐘有5-6部都係倒落海㗎喎，都係蝕
關鍵係你條32因為一次補哂細位焗住用15部車，同而家32+31B一樣咁劑，盤數會好樣衰，因為梨木樹同奧運站起$5.8，深水埗起$4.9，32原本$6.8都要降級；而32X，亦見唔到可以有幾大賺，其實同梨木樹邨巴無咩分別，但大連排唔同荃灣嘅工業區，冇得做，仲衰過238X，我唔太睇好
我知你可能想參考42A、43C，但人地係成條43C直接減剩幾班，而且減完係有再減，亦安排特大車行42A清客，先令42A無咁失禮
梨木樹可以容許32、36AB減剩32、36X？

又比較下GW兄同S3BL兄嘅方案，根據佢地建議，非繁計，36A 3輛，32 7-8輛，31B繼續6-7輛
繁時，36A繼續 3輛，32 8-9輛，31B繼續10輛
加埋的確可能多你2-5部
但人地起碼流水繼續拆散做，阻力小之餘又方便陰乾，32繼續行北葵但改行長沙灣道，亦係保守地可以分流35A同埋改善盤數，呢樣係你北葵一條35A做哂，無論開幾密都做唔到
由於32而家沿路都收足$6.8，分分鐘35A用$7.7分流旺角35X因尖沙咀同彌敦道配額只可以開15/20分鐘一班嘅客，長沙灣返石籬大部分想坐或上唔到車嘅就由$5.6/$4.9升級到$6.8，甚至焗安蔭先上32到石籬再轉35A/X俾$6.8，會除笨有精
你養到條32成三四水客但又人頭費低難回本，到時就真係難搞啦
人地1A流水得黎成功都大大話話競爭對手弱，又有獨市嘅貴價大流水，睇下40，而家因為唔想搶290客，搞$8.8快速流水，沿途客已經唔算少，結果如何？
而你提議嘅來回程唔同價，拉勻平均計總價，區議會一定有反應，287X已經話咗比我地聽，好難搞
41旺角分段，講咗好多年，講到41A改特快後都唔加，當然九巴就想佢少啲流水，遲啲比較多想像空間
再者，梨木樹平車36A係行下路，36A/B亦各有一個方向行緊長沙灣道，你用好肯定係行上路+青山道嘅32替代，真係會得到雙熊同意？歷史話哂比我地知，佢地唔係咁易擺平，就算有快車做補償都係咁話
所以我先話，到最後可能只不過35A/X慢慢做大 ，由其他蝕錢線收車供車出黎，牌面上新增資源，枱底就其他線日日收得再勁啲
如果要講可行嘅重組，我始終認為，S3BL兄同GW兄提議嘅重組已經係接近最好
梨木樹本來連尖沙咀線都冇，但鐵路競爭力唔大，起碼駁西鐵唔方便
按35X經驗石蔭尾站嘅話係勉強夠養，所以36X梨木樹+石蔭，食1號仔減完嘅quota同35X一齊開12-30，已經係最可行而又最好嘅方案；當然可以話去程好唔好安石蔭而梨木樹石籬，S3BL兄已經解釋咗因為人口基數唔同好難平衡兩邊班次
30拉直延長，撇開收費問題，剩係荔景山都注定要先重組，嗰邊議員，亦傾向死攬，擺平都唔易

寶達雙安嗰度，其實係九巴覺得兜淘大啟祥道佢地都會照上，咁不如用唔入啟麗做賣點順手食下淘大，回程仲有得屈貴$1
所以無太大誘因全日都開將軍澳道走嘅真特快
就算有，都僅限幾班去程而已
荃灣個情況，根本不能相提並論，淨係鐵路競爭力同局勢已經好唔同，荃景圍麗城處境對應嘅係淘大樂華 (或三彩) 同協和街，梨木樹先似觀塘山山頂
人口基數相近，但處境唔同，係冇得被你咁類比
梨木樹條36B而家又唔係去到尖沙咀，講得衰啲，唔駛俾佢地太好offer，有好offer點解唔先俾好支持35A/X、935、936嘅安蔭？