新巴595點解成日脫班

新巴595成日勁耐先有車,往往搞到香港仔嘉年華酒樓對面個站打晒蛇餅,條龍長至利港對面.路面問題0係呢條短途線影響輕微,塞車因素可以撇除(如果塞,98都甩晒班la),究竟點解595成日脫班?

595 0係海怡開0既班次係按時間表
但係"受害"於香港仔大道、洛陽街、成都道0既"長期擠塞"
(尤其成都道慢線長期停埋晒0的貨車)
加上有時要等94A開左先可以上落客
結果就變成香港仔番海怡0既班次極不穩定
一時無車 一時兩、三架一齊到站

PS 595係循環線 無指定香港仔要開幾多點


98無脫班? 話無就呃人0既0者

如果將 98 及 595 不經成都道﹐用香港仔海傍道改停香港仔巴士總站﹐脫班情況會否改善？

原帖由 chai 於 2007-6-3 00:16 發表
如果將 98 及 595 不經成都道﹐用香港仔海傍道改停香港仔巴士總站﹐脫班情況會否改善？

問題未必有改善 可能更加惡化
如果要98同595改停香港仔巴總
(順手將94A往利東改成唔駛入中心)
等於叫佢地用香港仔大道...
(如果用番成都道 班客一定嘈話「點解行成都道又唔停成都道」...)

香港仔大道東西行兩條"闊路"
日日都可以見到0的輕、中、重型貨車擺0係度
而家就算得70同95C行西行 都足夠攪到香港仔大道間唔中塞一鑊甘0既
(因為要互相就 或者俾其中一邊0既車過晒先...)


我知有0的人會賴話"咁都係因為中心多小巴0者"
中心多小巴唔係問題 佢地載得幾多人 上落客要幾耐 大家心裡有數
但係0的貨車上落貨 甚至"擺低架車 0的人不知去向"0既情況實在太常見
尤其泊到"巴士站界 前後"都有車0既時候 咁就三個字講晒─"係咁先"
(成都道、洛陽街、香港仔大道東/西行、甚至香港仔天橋齊齊排長龍)

呢個係根本問題 98同595客流又唔係小
但係0的貨車又要上落貨 一係要安排佢地有個位可以上落貨又唔阻住成都道車流
一係就要595(同94A)飛左成都道個站
98唔郁都無咩問題 因為佢佔晒湖北街同湖南街之間一段成都道慢線
邊架貨車會停(得到)98站頭前後0既位置(前就轉彎位 後就得一米都無)

同埋 595 用的車種間接又使上客/落客慢了,
595 呢o的線最好係用 MAN (15XX)
雖然可能要加班, 但其實情況會好好多~
同埋海怡之交通環境或許又會使上述情況出現~

原帖由 ronaldlau 於 2007-6-3 19:45 發表

595 呢o的線最好係用 MAN (15XX)

係都用dart啦
邊有MAN？？？

難道叫新記買城記d MAN咩...

原帖由 天瑞總站 於 2007-6-3 20:48 發表

595 係新巴路線
新巴未有 MAN 車隊

我指的是大型低地台巴士,
Dart 仔只是中型而已~~~

原帖由 ronaldlau 於 2007-6-3 19:45 發表
同埋 595 用的車種間接又使上客/落客慢了,
595 呢o的線最好係用 MAN (15XX)
雖然可能要加班, 但其實情況會好好多~
同埋海怡之交通環境或許又會使上述情況出現~ ...

用Dart也好 用MAN都好
呢個問題都係解決唔到
因為即使上落時間可以縮短
但根本問題未有得到解決
(尤其紅字[星期日及公眾假期]595已經5分鐘一班...)
而且海怡可能會因為經常上唔到車而走去投訴...

而家間中有Dart 走595(唔知攝車定咩)
結果係海怡成架"頂閘"落香港仔 再"差唔多企爆"停香港仔巴總個站
真係邊個諗到條區內線可以由朝旺到黑...

595要進行改動. 真係無想像中咁易
太多0野要考慮喇...

595 星期日有6架車走..但有時香港仔塞一塞..多多車都假??
6架車有一半都係香港仔塞住哂...條龍長到利港中心...
倒不如將98或595是但一條線個站擺係香港仔巴士總站出面個凹位..唔知咁可唔可行呢??