建議政府停止印發10元鈔票

從而減少塑膠污染。
需要使用10元面額貨幣的情況，可改用輔幣支付。

沒留意，近年還有印新的嗎？

ccicoltd 發表於 2022-4-29 23:49
沒留意，近年還有印新的嗎？

wiki寫最新2018年

問樓主 : 明明有$10硬幣﹐點解政府要重新推出$10紙(膠)幣?

唔知現時金屬價值﹐是否仲值得做?


ps. 其實膠銀紙係可以循環再造的。
反而﹐大家手上的信用卡製造更多的塑膠污染

舉例說環保袋都是塑膠造
需要視乎耐用程度定義環保與否

一個月全港都棄置逾億個口罩啦

你會當10蚊紙幣係垃圾？基本上佢可以用好多次，污染極有限吧？

kitarolo 發表於 2022-4-30 11:16
舉例說環保袋都是塑膠造
需要視乎耐用程度定義環保與否

又唔好用口罩相比﹐在社會衛生上係無得計較的。
唔同﹐你去打針﹐支針會同你重用咩


要公平去講﹐用番相同類別去做比較。
紙幣 & 膠料紙幣﹐究竟邊一種較環保?
感覺上係前者﹐但現實又未必﹐隨時係後者。

正如你所講﹐要睇埋原料生產過程﹑耐用程度﹐以及是否可以回收重用(製)。


雖然﹐樓主都講用硬幣取代$10紙/膠幣。
但現實生活中﹐又係唔係真係好可行?
真係完全無問題﹐又點解政府要重新發行$10紙/膠幣?

就算唔用膠，都可以用返"紙"，當然膠既衛生程度會比棉紙好

硬幣便利性既優勢，隨科技發展已經消失，一黎八達通同其他電子支付取代大部份功能， 二黎紙幣自動辨認技術已經好成熟，幾十年前機器認唔到銀紙，所以要入硬幣，宜家完全無問題
但硬幣重量既劣勢係無法解決

普通紙幣喺街市轉手幾次, 有賣菜阿姐嘅濕手, 有賣魚賣肉阿哥嘅腥臭錢桶, 有師奶們混合唔同來源銀紙嘅銀包, 仲有街市熟食鋪頭收銀嘅錢袋, 一張紙幣整潔程度, 隨時影響緊市民健康.

膠銀紙表面較平滑, 冇咁易藏污納垢, 污糟咗可以用水洗, 紙質銀紙一滴水都吸得入去, 賣豬肉嘅一粒肉碎黐住咗又血又肉, 樓主有冇見過.

面額細嘅十蚊用得最多嘅場合, 不外乎係街市 食店 士多 藥房 文具店, 硬幣體積係細, 表面上用料光鮮亮麗, 但圖案和側面紋理亦係細菌病毒藏身之處, 在衞生考慮上, 硬幣不算很理想.

十蚊硬幣的不受歡迎程度, 有經歷過流通高峰期的市民會容易明白, 而在硬幣同膠銀紙之間出現過的紙製十蚊, 其流通量亦已減少, 同一般紙幣一樣, 由外表決定一張紙幣仲有冇得留低, 至少膠銀紙去到人手中, 如何故意搓弄, 要變成一個垃圾樣並唔容易.

膠銀紙嘅存在, 對於經過出入街市如我係偉大發明, 冇十蚊硬嘢嘅麻煩同多餘, 亦冇廿蚊紙無數哥哥姐姐血與水又熱又濕環境的經歷, 當我接到一張濕咗嘅膠銀紙, 至少可以搵嘢抹吓先.

銀紙日益貶值, 政府應該開始同發鈔銀行諗諗廿蚊紙塑膠化.

EX-TL 發表於 2022-5-2 10:02
普通紙幣喺街市轉手幾次, 有賣菜阿姐嘅濕手, 有賣魚賣肉阿哥嘅腥臭錢桶, 有師奶們混合唔同來源銀紙嘅銀包,  ...

其實應該都諗下全部轉塑膠, 一來難做假, 二來感覺上係乾淨D, 認同見到張銀紙污糟左可以用水洗洗佢, 三來壽命可以用得耐少少.


有時見到D銀紙'巢'到暈, 一收到就想盡快用左佢.


已經有國家紙幣全部轉曬塑膠. 仲要起碼用左20年.