運輸署建議改善元朗博愛交匯處交通安排

DIH 發表於 2022-5-12 12:58
如果癥結係太多車入元朗，除了各左轉路口加專用線外，可否將元朗公路南行入迴旋處改成只准巴士小巴使用（也 ...

區外車去Yoho midtown 個停車場應該得博愛迴旋處條支路先入到
所以好難在現有道路限制特定車輛

如果齋講分流小巴巴士
大欖車依家可以經錦田公路支路
新田公路嘅小巴巴士南行入元朗市
就要喺沙埔一帶起支路係只准巴士小巴行駛落青山公路潭尾段
就可以經天橋直落青山公路元朗段就可以bypass 博愛迴旋處

無錯，而家個問題就係你攪掂博愛就到青山公路Yoho滿瀉，即使十八鄉交匯處可以更快入到元朗市中心都無乜車用，硬係要由博愛出先安樂。

有提議直入東頭工業區其實幫唔到手，而家入元朗用博愛出嘅係大部份私家車，亦係下繁、假日先最塞，起路去東頭係幫唔到手

除咗青公，青公以南果堆路都塞死咗，就算唔係繁時，鳳翔路、建樂街都不時出現車龍
畀你行十八鄉路咪又係要塞鳳翔路／大棠路

jpoon 發表於 2022-5-14 12:47
除咗青公，青公以南果堆路都塞死咗，就算唔係繁時，鳳翔路、建樂街都不時出現車龍
畀你行十八鄉路咪又係要 ...

但果邊尚算郁得，好過博愛出。

不過我都承認十八鄉出都係會塞，早三年話16億起行人天橋由朗屏通去教育路，倒不如用呢筆錢收青山公路大馬路段部份舊樓去擴閣大馬路好過

rickywk 發表於 2022-5-14 21:56
但果邊尚算郁得，好過博愛出。

不過我都承認十八鄉出都係會塞，早三年話16億起行人天橋由朗屏通去教育路 ...

收大馬路樓只做擴闊未必有用
因為元朗而家發展係向外圍發展，但外圍無商業設施，亦無乜就業機會，變咗啲人點都係要出市中心消費購物同就業
但青公連繫呢啲地區比較弱，得好少路連接青公，變咗啲車咪響呢啲路塞死
再加上村屋多，啲人好多都揸車出入，泊位少同違泊令交通更加惡化