電腦版 重點文章 新巴士出牌 新會員登記 以fb Messenger聯絡本站/報料

2024-25年度已公佈的巴士路線計劃

東鐵綫本周六起加強週末及假日服務

看全部

IMG_0799.jpeg IMG_0800.jpeg

Advertisement

回帖數目:24


想將「大埔墟至金鐘」短途車恆常化?

感覺個安排除咗假日晚上回程客外,對乘客幫助唔大。
無論北上港客定南下尊貴游客,好多都過咗早繁時段至臨中午(即係10-12點)先出發。
而南下尊貴游客又起碼七八成用福田。
試過星期六朝早11點喺上水坐中落馬洲開出嘅車,仲多人過平時返工時間,全部講普通話,到粉嶺已經留後,基本上一直爆到九龍塘為止。
唯一有幫助嘅係,如果南行大埔墟特車又開正喺落馬洲車後面,先可以疏導到沿途留後本地客。

同埋好心將下繁早少少,唔好繼續6-9玩獨家。
沿線5點幾大堆人早收工又放學時段都未下繁。
到8點半北行過晒放工時間又未完下繁。

引用: TA7343@N241 發表於 2024-3-15 15:47
感覺個安排除咗假日晚上回程客外,對乘客幫助唔大。
無論北上港客定南下尊貴游客,好多都過咗早繁時段至臨 ...

下繁最逼最爆都係17:45沙田特後面班車同埋同時段北行未入3.2分鐘時段嘅部分車
不過睇屯馬綫󠄂上年11月加時改表後,74前三班車個3.3分鐘都變埋3.5分鐘,五點頭仲成日有三四班車實際隔3.8或4.0分鐘,上繁51同52攝嘅位又偏遲
似乎龜係要Ex-K啲線上下繁頭中段都要有啲車零舍爆先覺得夠客🤭

東鐵綫假日非賽馬日呢個安排應該只係將節日表變做正式時間表
加多兩抽車攝大埔墟短棍,時間應該無變,但朝早之前做多一轉,入夜之後做多兩轉落馬洲車
落馬洲有呢啲車攝嗰陣班次都係唔平均嘅,由最密隔6分鐘到最疏隔12分鐘都有,最受益嘅都係福田衝尾門返港嗰班,嗰陣就真係做到比較平均約10分鐘開一班
  • Screenshot_2024-02-23-17-51-51-148_com.mtr.mtrmobile.jpg

Advertisement

引用: TA7343@N241 發表於 2024-3-15 15:47
感覺個安排除咗假日晚上回程客外,對乘客幫助唔大。
無論北上港客定南下尊貴游客,好多都過咗早繁時段至臨 ...

真係,非工作日加幾班車,就唔好自吹自擂啦,加密到每小時卡數,補得返失去既3卡,至好再講啦。

更重要係唔該穩定返D班次。唔知點解東鐵換極車改極信號,D班次都係寧舍唔穩定(相比其他重鐵線),日間非繁,無端端相隔5分鐘(或以上),跟著就拖卡(或相反),唔係罕見。即使最密車既上繁南行,亦不時有先密到前車未出晒月台,後者已開始入,之後就等3分幾鐘既情況(在沙田站及以南觀察到以上情況,所以唔好瀨咩短特)。

馬鐵4卡年代,都有類似情況,上繁烏溪沙方向,明顯係比大圍方向密好多(多麼奇怪,一面倒的主流方向反而疏車),但轉8卡後,情況已大大改善。

同埋上繁雖然南行係主流,但唔係一面倒,三等公民北上既熱潮下,北行都唔少人,但上繁北行班次,明顯比南行疏一大截。但更有趣既係,到左大約9am(平日),就調返轉,輪到北行喪密、南行喪疏,大約11am至叫做開始兩邊平衡,呢D又點至可以執執佢?

話時話,由黃頭+AWS遠古年代至今,東鐵已有多次提升,但似乎每次都係雷聲大、雨點少,甚至係冇雨點,不見得服務水平有明顯提升,尤其係班次仍然不穩定。

Before 1998,黃頭+AWS信號遠古年代,寄望黃頭翻新、ATP信號。

1998-99,ATP信號啟用、黃頭全線變烏蠅頭,寄望新車千九。

2001,新車千九啟用,寄望ATO信號。

2003,ATO信號(TBL)啟用,就話烏蠅頭性能不足,千九都要下調性能遷就,寄望烏蠅頭退役,全線換新車。

等足接近廿年(差唔多係大多數人成世人既1/4時間),兼付出埋減卡代價後.....

2022,終於等到全線新車R Train、新信號Trainguard MT CBTC(好似話新車新信號勁到識飛,可提供頻密班次,密到補返少左既卡數有凸咁話),再送多樣bonus: _通車消失,就話疫情之下WFH同封關導致需求減少,寄望復常通關後見真章。

2023,復常了通關了,說好的班次會密到補返少左既卡數有凸呢?又要寄望甚麼?寄望全線完成安裝月台閘門?

2025(預計),全線完成安裝月台閘門,又要寄望乜野?捨得找數未?

引用: mckhgc 發表於 2024-3-16 10:48
真係,非工作日加幾班車,就唔好自吹自擂啦,加密到每小時卡數,補得返失去既3卡,至好再講啦。

更重要 ...

屯馬綫󠄂都畀人嘈咗好耐非繁keep住6或7分鐘一班啦,明明全通後方便咗客係多咗
東鐵綫斬走嘅頭或尾三卡,其實好多站友唔係咁care,反正遠離出口,喺嗰啲卡上落都要行多1分鐘,要有直達過海亦只能放棄呢三卡;你係少數🤭
前馬鐵轉八卡後都有類似問題,有啲位遠離出口載客率好難上去,部分站友成日話逼逼逼但其實只係因為啲人集中喺某啲卡,東段周末基本上都好難見到一班超過一半黃咗嘅,多都係兩三卡

至於你講個咩時疏時密,其實就只不過係因為延誤
頭中段「疏車」係因為延誤慢慢增加而令每班車隔遠咗,尾段「密車」就因為延誤慢慢減少而令每班車隔近咗,至於過埋尾段下行特別疏就因為北面已經收緊車返何東樓都未追番哂啲延誤
睇下繁金鐘ETA就知堆車正繁遲兩三分鐘閒閒地,明明表列3.2分鐘一班但成日出個「2、4、6、8」假象出黎🤣

引用: Ricky403 發表於 2024-3-16 09:51
下繁最逼最爆都係17:45沙田特後面班車同埋同時段北行未入3.2分鐘時段嘅部分車
不過睇屯馬綫󠄂上年11月加 ...

金鐘北行17:30左右先開始晚繁班次,到火炭約17:50,入到大埔18:00,根本遲得好誇張,其他線基本上五點頭就晚繁班次。

東鐵沿線由於普遍偏離CBD,晚繁有兩批時段比較爆,第一批就17:00-17:45,第二批就18:45-19:30。
第一批主要係跨境學生、基層工人(例如地盤裝修)或者沙田火炭大埔啲工廠區。
九龍塘或之前只係一般,試過五點頭九龍塘上更加有得坐,大圍開始先多人上。
之後到大學前普遍上多過落,直至晚繁時段開始前,係爆住入大埔粉嶺。

到六點頭啱啱開始晚繁時段,第一批放工放得七七八八,但第二批打工仔(主要係放18:00嘅寫字樓工)又未快轉到東鐵沿線,甚至乎未收工,相對冇咁爆(不過依然多人)。
六點尾七點頭,第二批放工陸續轉東鐵,九龍塘已經上爆咁滯,好在大圍後就落多過上,但始終唔算好明顯。
所以19:30左右入到大埔北區嘅車其實又係幾爆下。

如果你話衝尾門返香港嗰批,落馬洲南行加密絕對好事。
好多香港人,放假留喺香港留多一秒都唔想㗎。
試過星期日晚羅湖臨收關返香港,已經係落金鐘尾二甚至尾車,但一樣好爆。
福田收關比較早,就更加唔駛諗。

Advertisement

引用: mckhgc 發表於 2024-3-16 10:48
真係,非工作日加幾班車,就唔好自吹自擂啦,加密到每小時卡數,補得返失去既3卡,至好再講啦。

更重要 ...

唔知好彩定唔好彩,依一年我幾乎每日搭東鐵+觀塘線,同埋咩時段都搭過,非繁極少遇到你講嘅情況。
反而觀塘線班次唔穩定過東鐵多多聲,夜晚5分鐘一班成日變7-8分鐘,跟住後車隔2-3分鐘,甚至冇咗班車變隔9-10分鐘。
無論日間定夜晚非繁都咁。
東鐵唔穩定似乎集中喺繁時,尾段遇過唔少次,無啦啦喺站停成兩三分鐘,又播幾次列車要等候信號。

上繁北疏南密,九點後南疏北密,我自己覺得問題不大。
正常返工客一定係早過北上客出發,除咗跟團,多數人北上係傾向臨午飯先過關,咁早上到去其實冇乜好玩。
9-11北上其實啱啱好。
相比下繁真係要執執佢,如果跟返客流pattern,更加應該向北出車而唔係向南出車。

引用: TA7343@N241 發表於 2024-3-16 19:20
金鐘北行17:30左右先開始晚繁班次,到火炭約17:50,入到大埔18:00,根本遲得好誇張,其他線基本上五點頭 ...

咁東鐵綫繁時同非繁班次個差距又無咁大,當然假設係無甩班

坦白講,照有時撳ETA睇燈個經驗,唔太認同你個客量嘅結論
17:45前北行既然係跨境學生,咁落馬洲車係應該多客啲,亦事實上係多咗架北行落馬洲車
但就算去到粉嶺上水,最多都黃色,唔係逼到插針插唔入嘅,仲有一啲車卡係綠燈嘅

17:45起其實已經有班港九早收工嘅坐,幅cap圖就因為班車遲到,所以九龍塘上到七卡紅,然後後面堆車隔得近,咪鬆動啲囉
去到北行18:45起,都係甩班先多紅,同前面隔得近或準時其實都好難見紅,過19:15後就更難見紅,見得紅都係大遲到大甩班居多
18:00-18:30北行過海其實隔3.2分鐘頭五六卡都易見兩三四卡紅,但同時第八九卡可以綠色🤣
都唔見得17:00-17:45多客過17:45-18:45,甚至17:00-17:45其實喺三個時段入面係算最唔逼嘅
covid前就真係18:10開始先爆炸多人,covid後已經多咗唔少彈性返放工,早半個鐘返早半個鐘走呢類都common好多

要改善都係搞咗17:45沙田特個問題先,呢個真係公認垃圾安排
北區同深圳南下喺17:00-17:45都係有限數,但大埔大學火炭17:30起已經多咗人入站,受唔起兩班車要隔成6-8分鐘
tonyng兄都放風可以改哂下繁出廠沙田特去大埔墟起載南行,係唔知卡住咗喺咩位

引用: TA7343@N241 發表於 2024-3-16 19:20
金鐘北行17:30左右先開始晚繁班次,到火炭約17:50,入到大埔18:00,根本遲得好誇張,其他線基本上五點頭 ...

當日係星期五,所以都多咗客放工放學後北上過周末。

或者我對爆嘅見解有少少分別,嚴格上北行過咗大埔,好難去到真正插針不入嘅爆,通常只係郁得一兩個身位。
唯一真係爆住入粉嶺,就係某星期五黃昏近六點往落馬洲車,粉嶺落咗一堆,但上水又上爆。

而於18:45後嗰度,我自己近月都有幾次19:15-19:30坐第八/九卡大學入大埔,依然多人到只郁得一兩個身位,當然未去到插針不入嗰種爆。
有少少位只因為沙田段落嘅人多過上嘅客。
睇前車ETA都係隔3分鐘左右。
計返時間其實係六點中尾金鐘至九龍塘段上東鐵,啱啱仲係算多人收工嘅時間。

我好多年前做過金鐘SA,當時仲係得兩條線,同意你所講,18:10後爆炸式多人,不過實際最多人嘅時間其實係18:30-18:45,計返時間入到大埔都七點頭。

另外,唔好忘記北區幾百個地盤開緊工,剩係個北部都會區都有排玩。
17:30喺粉嶺已經成大堆人等南行(睇樣有唔少身材似地盤/裝修),開埔特未必咁大疏導作用。
大學都未必上到車,可能過境線南行都提早先搞得掂。

Advertisement

直達主要分板:(B2) (B3) (B5) (B0)
(R1)
(R2) (R3) (C2) (C3) (M1) (V) (A10)



123下一頁




分板連結:
(B2)香港巴士討論 [熱門] [精華]
(B0)香港巴士車務及車廂設備
(B3)巴士攝影作品貼圖區 [熱門] [精華]
(B3i)即拍即貼 -手機相&翻拍Mon相
(B4)兩岸三地巴士討論 [精華]
(B5)外地巴士討論 [精華]
(B6)旅遊巴士及過境巴士 [精華]
(B1)香港巴士廣告消息/廣告車行踪
(B7)巴士特別所見
(B11)巴士精華區
(B22)巴士迷吹水區
(B23)巴士影片分享區


(R1)香港鐵路 [精華]
(R2)香港電車 [精華]
(R3)港外鐵路 [精華]
(C2)航空 [精華]
(C3)海上交通及船隻 [精華]
(D1)公共交通有關商品 [精華]
(M1)小型巴士綜合討論
(M2)小型巴士多媒體分享區
(V)私家車,商用車,政府及特種車輛 [精華]
(A10)香港地方討論 [精華]



Advertisement



其他推介:
巴士路線消息
巴士路線計劃
2023/2022/2021/2020年新巴士訂單
2022年交通要聞回顧
2021/2020/2019/2018/2017年交通要聞回顧

(B3) 新出牌巴士相片
80年代巴士相片
90年代巴士相片
2000年代巴士相片
2010年代巴士相片
昔日中巴
保留巴士

英國巴士
新加坡巴士
飛行報告
日本鐵路
台灣鐵路


Advertisement