今早, 要坐的士wor, 一落樓見到部柴油的, 立即走去坐,
有幸坐到最後一部柴油的士(GL 車牌)
一上車, 我就問司機, 呢部是否香港最後一部柴油的士ar,
司機話係, 之後仲吹水左成程車..
原來有關司機已經渣左的士超過35年, 而呢部柴油的士都15年車齡la
問到點解仲唔轉石油氣, 原來司機話因為安全問題, 司機話, 柴油的
本身扭力大, 所以阻力都大, 結果停車距離同時間可以短同快得多,
佢指出好多石油氣的士成日停(dum)唔切, 引起意外....而佢亦話柴油
的大皇冠, 車身鋼水較新車好....另外, 石油氣車仲有漏氣著火的危險,
佢話小巴都試過著火了
仲有係, 司機鍾情於棍波~
而維修方面, 原來司機係自己懂一部分的維修, 簡單維修都係自己做,
而d零件本身亦會一早買定, 以防不時之需...
今次真係好難得. 獲益良多的 的士之旅~
柴油的士相片, 唔係今日影, 之前影的