如果政府出售和諧式公屋,會否影響居屋市場及壓低樓價

doging1977 發表於 2017-2-7 14:21
一直唔明點解天耀(一)邨冇賣到,差唔多成條邨都係Y3,Y4
因為一棟樓係和諧一型而唔賣?
淨係嗰棟唔出售咪得 ...

後起的小型單位大廈係唔賣嘅, 華貴邨都有一座冇賣到.

天耀(一)當年唔賣, 應該只係唔賣住, 當年plan好左的計劃, 有部份係Y1型的, 最後因為計劃腰斬而冇賣到.

如果計劃一直推行, 當Y1 工字 長型 新長型(不含和諧式的屋邨)都賣晒, 應該就會輪到混合左和諧式的屋邨出場的時間.

doging1977 發表於 2017-2-7 15:12
如果當年繼續賣落去,混合左和諧式的屋邨入面既和諧式會唔會賣先?

假設五 六 七十年代屋邨唔賣, 計劃一直推行十五年至今, 平均一年一至兩期計, 即係有大約20期, 每期大約有五個屋邨計, 即係計劃推行至今賣出超過100個屋邨, 和諧式被納入計劃的機會非常高.

不過睇你字裡行間意思, 好似會認為房委會會專登抽起晒D和諧式唔賣, 如此, 繼續出售有咩意義?

先前講的翠屏(北) 華貴小型單位, 其實係響訂出將會出售的公屋名單後才建好, 唔包括都好合理, 政府起座樓出黎, 原意係編配俾輪候冊上的人士租住.

假設當年有人被編配到翠楣樓同華愛樓, 同時已經知道該邨已被納入租置計劃, 等同唔駛抽已經中左「居屋」, 仲可以低於居屋價錢去買, 唔想買住又可以慢慢再考慮.

但而家講緊係已經住緊人嘅公屋單位, 當年初推計劃時的運頭塘 長安 恆安 建生等Y型樓租戶, 搬入去時根本冇租置計劃, 即使係1994年入伙的翠屏(北)邨翠樟樓, 居民被編配入住時, 都唔知道有租置計劃.

如果計劃一直推行, 和諧式會唔會賣呢, 真係冇人可以答到你, 因為計劃一早就腰斬左, 但從合理推斷上看, 賣嘅機會好大.

首先,唔單止天耀一邨Y型因為和諧式而無賣,連翠屏南,小西灣邨,長亨都係咁,不過呢個問題真係要問番房署,其次,H型同埋舊長型太過舊,如果唔係同Y型同邨,都唔洗指意賣,最後,如果租置計劃無停,我敢肯定和諧式公屋一定有份賣,最起碼天瑞天耀利安廣田呢類頭批和諧樓一早賣左,甚至乎連慈樂,紅磡邨呢類99年和諧樓都一定賣哂,即係換句話講90年代落成既公屋已經一早賣哂,甚至乎00年代初期既公屋好似逸東健明都可能賣埋

反對再低價賣公屋
就算真係賣，都要跟返居屋市價7成原則去買

本身公屋已經係福利，點解要低價（1至2成）賣比租戶？ 變相係送錢比佢地洗
亦都對排緊公屋嘅人非常唔公平

建議：增建居屋同緣置居，加快公屋流轉

另外,想問一問,聽聞長毛都係住緊公屋,有無人知道長毛係咪住緊Y型出售公屋,如果佢唔係買左公屋,點解佢可以住公屋

p.s.從合理判斷,長毛肯定買左公屋,如果唔係,真係唔知點解房署無趕佢走

本身公屋應該係最簡單解決基層住屋問題嘅方法，但隨著時代嘅變遷，
真係有好多問題係當年政府無諗過嘅~
1. 當居屋出現時，似乎政府就開始將公屋當作協助市民買私樓嘅台階：
公屋 -> 居屋 -> 私樓

2. 當出售公屋時，最初目標係解決公屋『住一世』嘅問題：
係唔係大家都會住喺公屋一世，流轉率根本低無可低，
咁不如直接賣俾公屋戶，將公屋私營化....
其實租置公屋同居屋一樣，轉售同出租都係要補地價

3. 當新公屋環境同設計不停改善嘅同時，私樓樓價受環球熱錢同資產荒影響，但工作職位同薪金不斷下降減少，
令公屋需求大增，居屋同租置公屋價值不斷上升，哩樣嘢真係無得搞.....

回應返主題，
其實出售和諧式公屋，應該會壓低部份低質素居屋盤個價，但整體應該無影響
不過，肯定會好快出現天價公屋

題外話：
其實，我認為，政府應該要加強『公屋作為政府對香港人嘅住屋保障』嘅概念，
1. 喺市區推出高密度，設計優良，但以流轉及扶貧為目標嘅平價公屋，租住年期以5年為限，直接解決劏房問題
2. 喺新市鎮推出以老人和年長家庭為主嘅社區型公屋，以 住一世 同 照顧一世 為核心概念，特別著重安置受舊區更新而影響嘅居民
3. 推出豪華公屋，以接近市價作為出租俾富戶嘅公屋項目，租住年期以5年為限
4. 另推出以核心家庭為目標嘅可租可買平價居屋，租住年期以10年為限，購買則指購買『永久居住權』，轉售或出租，需按市價扣除已支付的樓價的現值在補地價

GF4070@49X 發表於 2017-2-12 23:02
另外,想問一問,聽聞長毛都係住緊公屋,有無人知道長毛係咪住緊Y型出售公屋,如果佢唔係買左公屋,點解佢可以住 ...

長毛居於九龍灣啟業邨，沒有被終止租約相信是人息超出限額但資產卻沒有，
現行制度需要兩者都超出限額才會被終止租約，現時很多富戶都是只有其中一
項超出限額。