港鐵站名間題

「港鐵最奇怪站名為澳運站,因為香港未有主辨澳運,應叫大角咀站。」
未命名為奧運前的確叫大角咀，1996年為慶祝奧運香港運動員李麗珊小姐奪金，地鐵（港鐵前名）捐咗100萬俾國際奧委會當係買個名，奧運站呢個名係咁嚟嘅

M 到~

在我眼中，「西九」可以等於西九龍填海區，它的範圍差不多由荔寶路一直到西九文化區，叫西九站也沒有代表性。

九龍站為何叫九龍站，香港站為何叫香港站，當時有官方解釋的。

係商家佬眼中
地鐵站自動會成為當區地標
所以個站叫咩名根本無所謂

7767 發表於 2017-2-12 20:54
甚麼是"M到"?

女人M到一個月一次，你呢D文又係一個月回帶一次既月經文囉，講完又講講完又講講完又講講完又講...

港鐵冇可能會改，呢個話題係永遠唔完，

不過可能好多90後、甚至00後，唔知「奧運站」既名稱來歷，講起呢個話題，次次都有人講，
呢個站之所以改個咁名，係同96年某件事有關(咁又難怪，當時90後最大得6歲)，詳情自己google。不過當然，更大原因，係因為地方名「大角咀」予人破落舊區既印象，恐對上蓋物業樓價不利，維基：臨近落成時的1996年7月初，地鐵公司曾一度表示正考慮以車站附近的櫻桃街命名為櫻桃站，以反映車站位處大角咀舊區之外的新發展區............


講過好多次，個人認為命名不理想站名，括號內為個人認為較可取的


牛頭角(觀塘西)

彩虹 (牛池灣)

太子 (旺角北)

佐敦 (官涌)

香港 (中環，合併成4線交匯既中環站)

銅鑼灣 (東角)

天后 (銅鑼灣)

炮台山 (北角西)

柯士甸 (官涌西 / 渡船角，長遠而言，與現九龍站及未來高鐵九龍西站合併為一鐵路重鎮大站，以「九龍西」為名)

南昌 (富昌 / 深水步西)

荔枝角 (長沙灣)

長沙灣 (深水步北/長沙灣南)

錦上路 (錦鄉，同時取錦田及八鄉，又有「衣錦還鄉」的好意頭)

大學 (中文大學)

馬場 (沙田馬場)

車公廟 (秦豐 / 沙田頭)

第一城 (圓洲角)

奧運呢D個人冇意見

其實地名範圍會隨著時間、文化風俗而逐漸變化係自然不過既事，正如大部份人唔會叫沙田做瀝源，叫屯門做青山…

只有真正會引起混淆既車站名先有改名既需要，
例如係美孚、荔枝角呢一組，以後將來既土瓜灣、馬頭圍站

其他既車站名，例如太子、牛頭角呢D…其實早已經深入民心，就算你改左車站名都未必改變到居民既習慣
好似好多人仲會叫東鐵做火車一樣

奧運站其實係最冇問題…因為果度係新填海區，本身亦唔似將軍澳咁有個海灣名
所以叫咩都得…

mckhgc 發表於 2017-2-13 20:27
港鐵冇可能會改，呢個話題係永遠唔完，

不過可能好多90後、甚至00後，唔知「奧運站」既名稱來歷，講起呢個 ...

月經到唔CD-ROM啦

>>錦上路 (錦鄉，同時取錦田及八鄉，又有「衣錦還鄉」的好意頭)


衣錦還鄉（或作「衣錦榮歸」），穿着華麗的錦緞衣服回到家鄉，在中國多指官員回到出生地或少時長期生活的地方探親訪友，其意與光宗耀祖類似，多用於仕途通達之人。衣錦還鄉屬中性詞語，但不同的人會對其賦予不同的理解，正方認為是一種積極的榮譽，是對個人成就的肯定，是褒義；反方則認為是一種自我或家族炫耀，是貶義。

大佬呀,set呢個名嗰陣班鄉紳嘈到拆天,9仔唯有兩者都唔揀,揀錦上路佢囉

不過,老生常談嘅野,真係一月一post,毫無創意,定係何文田開咗之後睇咗youtube個條片心郁得濟?

港鐵落名向來都係冇乜準則,要地理準則都係交俾路政處跟進

就好似土瓜灣咁(唔係個兩個站),你係馬頭角,但係街坊依然會講佢係土瓜灣,佢係馬頭圍,都會話佢係土瓜灣咁,住個邊嘅佢哋大多數都唔會點介意咁叫,只要大家理解到邊就得

因此,有時候,站就係站,地方就係地方,唔使咁特別執着得咁緊,如果真係唔順氣咪自己過去龜仔個email詢問下點解個D站脫離現實地理囉,好簡單,是時候應用下實用文寫作啦

不過講真,我都係對個兩個站個名其實真有小小怨言