輕鐵查票問題

butterfly 發表於 2017-2-23 11:49
我聽過另一相似例子：屯門醫院往近新圍，單程票只可以去兆康轉，八達通兩邊都可以轉，原因車票顯示區域是3 ...

剛剛再睇網頁版路線查詢內列出的條款﹐第一點有點古惑﹐無明確講出車程需要﹐短暫於單程票非有效地區出現有沒有問題﹐真係要睇下大家點去理解。

有唔明有問題﹐請自行向MTR查詢了解。

• 單程車票只適合乘客依照印在車票上的方向前往所示收費區內車站。乘客如想前往車票上所示方向或收費區以外各站，必須重新購買合適車票，方可乘車。
  

首先, 有朋友講到搭輕鐵中途用同一張八達通作買嘢食嘢交易, 之後再出站,
其實個系統係會按正常情況扣錢

原因係輕鐵入站會先扣最高八達通車資, 寫下一個交易記錄,
而出站時會係回贈 (即退回 "最高八達通車資 - 該程應付車資"), 再寫下另一交易記錄
只要你喺兩小時內, 同一張卡由頭到尾不多於 9 次 (新卡 39 次) 與其他交通工具無關的交易記錄,
係可以成功出站而只扣正常車資, 情況就如用八達通 BBI 一樣

至於轉車, 只要喺冇重複車站或超越收費區情況之下, 係冇問題:

例如:
507/614 田景/元朗方向 > 兆麟 > 505 三聖方向
761 元朗方向 > 塘坊村 > 751 友愛方向

kei_hk 發表於 2017-2-22 10:16
而家單程票同以前一樣﹐都係相同的資料﹐只係格式上有更新﹐google 維基有sample睇。

車票都係印發出的車站資料(內容使用的code)﹐發出車票的時間﹐車票那一個區域去那一個區域﹐票種(成人/優惠)這些基本資料。


至於車程上進入非購票的有放範圍﹐我上面都講了﹐一般情況係唔應該進入非有效範圍。
如遇查票﹐這便要解釋你出發的車站及目的地車站﹐為何會在查票位置出現﹐合理便無事﹐唔合理/明顯違規的便檢控。
(藍字一句﹐我加以補充講解上面#33 尾2段最後幾句﹐點解話要睇你口才好唔好)


套用你的例子﹐你講到點解在1區出現﹐職員相信你﹐這便無問題。
套用上面#34的例子﹐在5A區的頌富站查票﹐你講到係轉車返回4區車站﹐職員相信係便無問題。但在5A區的天富/天逸站(以及其他車站查票﹐這便出問題 / 或有潛在問題﹐要睇你當時查票位置(行車方向的月台)﹐車上定係月台查票﹐車上又係那一條路線﹐要多方面配合﹐睇下職員是否相信。

以前D單程票有印車站code嗎？
https://www.youtube.com/watch?v=K4TcHY0tILM

不過我都承認，有幾多個查票員查單程票既時候真係會認真睇埋個車站code先至做判斷？
與其對個別既單程票磨爛席不如快手快腳查多人既票仲好過。
詳查單程票呢種咁複雜既玩意注定都係隨著時代變遷而傾向於執行唔到。

總結賽果：
1就原則上有事，但後來有人指出經過犯規收費區邊皮車站轉車有得通融。
2和6就肯定冇事，因為查票員根本上完全唔會仔細留意班乘客由邊度行入該站上車。
4就視乎查票員查票時有冇認真睇埋票上既車站code，冇就肯定冇事，有就乖乖地收牛肉乾吧。
789就視乎八達通系統有冇bug，所以點解港鐵要每個輕鐵站都有查八達通既機器，就係想乘客張八達通任何搭車有咩唔清楚都要自己搞番清楚。

剩番3和5就真係很視乎查八達通機程式既相關設定。
3就明顯牽涉到犯規地遊輕鐵河既實際定義問題，5就表面上冇重複車站，但就真係有確實證據指出該乘客同時搭左兩個方向既505。
同埋大家要留意在A站誤拍卡行去B站搭車都唔係合理既抗辯理由，因為短時間內同站拍入出站機係唔扣錢。

paul2357paul 發表於 2017-3-5 02:33
以前D單程票有印車站code嗎？
https://www.youtube.com/watch?v=K4TcHY0tILM

唔知佢地手上果部機可唔可以入個Code之後Check呢？

我見佢地全日通好似都要過一過機，唔係好似鐵巴咁直接用肉眼睇

dogdog002 發表於 2017-3-5 23:11
唔知佢地手上果部機可唔可以入個Code之後Check呢？

我見佢地全日通好似都要過一過機，唔係好似鐵巴咁 ...

唔知而家智能全日通點樣查飛
以前KCR 自悠通年代比人查過一次，的確係要過機（好似信用卡找數甘）

paul2357paul 發表於 2017-3-5 02:33
以前D單程票有印車站code嗎？
https://www.youtube.com/watch?v=K4TcHY0tILM

5 號 case（建安 > 鳴琴，經石排）唔會有問題，但好容易比人問點解唔係山景南北落
因為建安 > 鳴琴事實上真係無直接路線，你咁啱搭中 505 係班次編排問題

1 號 case（翠湖 > 元朗，經頌富）亦都唔會有事，因為無重覆車站，而且係合理轉乘路線，無人話一定要去坑尾村先轉得 761P

2 號 case（天耀 > 屯門碼頭，經塘坊村 + 廁所）唔應該有事，因為根本唔會知你中間去咗邊，你程車係接續車程已經無問題
但亦都有試過有人咁樣轉比人捉當重覆車站（雖然明明無重覆過）

3 號 case（天慈 > 天水圍，經天水圍北 + 用八達通）或會有事，但首先要解得通點解要搭 705 行大運（例如 706 頭班未開）

4 號 case（天慈 > 天水圍，經天水圍北 + 用單程票）一定有事，因為你搭緊 705 一早已經離開 5A 區
只要你頌富起比人查票已經可以當不正乘車，因為要返轉頭一定要重覆車站，上面都講過哂

6 號 case（大興南 > 銀圍 + 澤豐 > 天逸，銀圍去澤豐行路）唔會有問題，無人話轉車一定要企定定係月台
小弟都經常性係兆康頂唔順 610 班次而上 751 去澤豐再去銀圍決定行返屋企定等 507

7 號 case（中間有飲食記錄）只係當中間購物，唔超過 9 程就無問題

8 號 case（超過 9 次記錄）就必死，因為過 9 程基本上已經洗咗輕鐵個入閘記錄，即係當無比錢搭車

9 號 case（中間搭咗九巴）亦都必死，因為中間車程已斷，再搭輕鐵要重新入閘

樂仔〞 發表於 2017-3-5 23:59
5 號 case（建安 > 鳴琴，經石排）唔會有問題，但好容易比人問點解唔係山景南北落
因為建安 > 鳴琴事實上 ...

CASE 4: 天慈經5A區去天瑞至天耀
如果買4區 -> 4區飛入左5A區俾人查飛就有事
咁唔通買4區->5A區? 咁返返4區既天瑞至天耀時被查飛都係會有問題

另問，如果跨一個區，例如1去2區時
但買左張1區去1區車票，而且去到2區被查票
可唔可以以無俾少到車費為由，唔使受罰?

同理，係case4既個案，係唔係應該買4->4/4->5A甚至4->5/4->3區都冇問題呢?

paul2357paul 發表於 2017-3-5 02:33
以前D單程票有印車站code嗎？
https://www.youtube.com/watch?v=K4TcHY0tILM

成條片咁長﹐真係無細心看﹐只係隨意click中4:35 見到有張輕鐵車票。如果有另一個位有張輕鐵車票出現﹐講指明。


車票上右上角 560B 便是車站code。


參考 :
http://hkrail.wikia.com/wiki/%E8 ... E%E7%A8%8B%E7%A5%A8

CRH5 發表於 2017-3-5 23:28
唔知而家智能全日通點樣查飛
以前KCR 自悠通年代比人查過一次，的確係要過機（好似信用卡找數甘）
...

http://www.mtr.com.hk/archive/ch/tickets/mp_extra/TUMNACDP.pdf

西鐵部份係同普通查票一樣﹐都係 "過機" 睇車票record﹐會唔會叫係同時show埋張乘車証﹐睇當時情況而定。

而巴士及輕鐵部份﹐仲係使用 "乘車証"﹐坐巴士 或 輕鐵查票時﹐只需show 車票+乘車証 便可﹐基本上只係睇乘車証上的的日期。


條款入面第3點就講明﹐查票時要車票及乘車証一齊交出檢查的。

8490 發表於 2017-3-6 01:20
CASE 4: 天慈經5A區去天瑞至天耀
如果買4區 -> 4區飛入左5A區俾人查飛就有事
咁唔通買4區->5A區? 咁返返4 ...

咪住，4 區 case 係佢本身買咗 4 > 5A 但佢目的地係 4 區買 4 > 4 無問題，買 4 > 5A 先有問題
買 4 > 5 會懷疑點解唔行天水圍坑尾村轉 761P
買 3 區更加解唔通，點解唔直接搭 751 而要經天水圍北行大運 ...



基本上跨區返轉頭好睇你點搭車，其實我覺得解得通就無問題，只要唔係刻意兜大圈嘅話，查飛嘅應該都會放行嘅